Read Thado Chin 1 Timothy 2 Bible Online

1 Timothy 2 - Thado Chin bible

1 Timothy 2

¹Hijeh-a chu amasapena katilkhou nahiuve, mijouse-a dingin taona, thumna, chule taopehna toh thon thangvah jingin umu hite;

²Lengho dingin, chule panmun len tuhho dingin; chutia chu eiho Pathen ngaisahna le jabolna lam jouse-a chamdel le lungmong ikhosah theina dingun.

³Hichu eihuh hinguva Pathen mitmu-a phatah le lahthei ahi;

⁴Aman mijouse huhhing-a aumding le thutah hetna lama ahungcheh diu adei ahi.

⁵Pathen khatsehbou ahin, chule Pathen le mihem kah-a palai jong khatsehbou ahi; ama chu mihem, Christa Jesu chu ahi;

⁶Ama chu aphat cha-a hettohsah hidinga, mi jouse lhatdoh na-a hung kipe-a ahi.

⁷ Hiche dinga chu aseiphongle dingle solchah, (Christa-a thutah kasei ahi; jou kaseipoi); tahsa le thutah-a chidang namdangho hil dinga eikipansah ahi.

⁸Hijeh chun pasal hon lunghang louhel le kinel baotam beihelin, muntin-ah khut theng domuhen lang taovuhen, hichu kalunggot ahi.

⁹ Chutobangma chun numei ho adol bepchan kijem uhen, kiphalam khenchan ging gehchan umuhen; sampheh jeppah, sana twikohchanga chule thil man tama kijem louvin,

¹⁰thilpha bolin kijemleu kati; hichu Pathen gin phonga numei chonna doltah ahi.

¹¹Imalam jouse-a numei chu thu noija umhen, gingkhen chan thu kihiljohen.

¹²Mi hil dingle pasal chunga thunei dingin numei thu kapepoi; thipkhenin umthim ngetnget johen katibouve.

¹³ Ajeh chu amasa Adam kisema, chujouva bou Eve kisema ahi;

¹⁴ chule Adam chu lheplhah-a um hilouva, numeinu johchu bou lheplhah-a uma, suhkhelna-a lhalhut ahi.

¹⁵Hijeng jongle tahsana, ngailutna, thenna, chule umchan phatah-a aum jom jinguva ahile, amanu chu acha neina-a sohcha ding ahi.