Read Thado Chin 1 Timothy 4 Bible Online

1 Timothy 4 - Thado Chin bible

1 Timothy 4

¹Ahin Lhagao Thengin kichentah-in aseije, ni nunung lamle mi kimkhat tahsana kona pul lha-a, lhagaoho misuh lamvaina doha leh thilhaho thuhila hung lunglut diu;

²Hichu ama sele pha hetna thisa kidep tobang miphalhem thujou seiho-a kona sohdoh ding ahi;

³Amaho chun kichen akhamun; atahsanale thutah hetohhon thangvah puma aneh dingu, tia Pathen thilsemho chu neh ding ajadauve.

⁴Ajeh chu Pathen thilsem jouse chu phasoh keija ahin, pai ding imacha umlou ahi, thangvah puma ikisanle;

⁵Ajeh chu Pathen thua konle taona-a kisuthenga ahi.

⁶Hicheng thu chu sopiho lunga nakhuma ahile, Christa Jesu lhacha phatah nahi-a, tu geija nahinjuipeh tahsanna thu le thuhilpha-a chu kivah khang ding nahi;

⁷Amavang hou seisetnale nupi tehse ho houlimna moh thusim chu la hih-in, Pathen ngaisahna lama them kiha sinin.

⁸Ajehchu tahsa lam thil kisin hi phatchomna themcha khatcha ahin; Pathen ngaisahna lama kisin hi imajousea phatna ahi; ajeh chu hichu tu hinkho-a dinga jong, khonunga hinkho dinga jong thutep uma ahi.

⁹Hiche thu kiseihi tahsan umtahle jop sohkei ding doltah ahi.

¹⁰Ajeh chu eiho tu chana hi Pathen hinga ikinep jeh uva tonggima kiseh ihiuve; ama chu mi jouse huhhing-a ahin, ahideh-a chu atahsanho huhhing-a ahi.

¹¹Nangman hicheho hi thupeh-in lang chule hilin.

¹²Nakum lhom nachapan chu koima nahsahmon umsah hih-in; ahin nangman thu lamin, houlim na lamin, mikhoto lamin, lhagao lamin, tahsanna lamin chule thenna lamin atahsanho vetjui dingin umin.

¹³Keima kahung kahsen, nangma lekha simin, mi suhhalin, mi hilin anaponthon.

¹⁴Upahon akhut angapma kiphongdoh dungjuija nakipeh thilpeh nanga um chu lhadoh loujenin.

¹⁵Nangma hichenga hin gen ngaijin ponthon, chule hichenga chun umjing jengin; mi jouse henga nakhantou akiphondoh theinan.

¹⁶Nangmale nathuhila chun kigingphan chingtheijin; chule hichenga chun umin; hiti chun bolle chun nangmale nathuhil ngaiho agoma nahuhhing ding ahi.