Read Thado Chin 1 Timothy 5 Bible Online

1 Timothy 5 - Thado Chin bible

1 Timothy 5

¹Upa tehse phohsal hih-in, napa tobangin jolthon; khangdongho nasopi bangin;

²Nupi tehse ho nanu tobangin, chule numei khangdongho chu nanaonu teho tobangin lung thengselin ngaiton.

³Meithai kichehtah ho chu jabolin.

⁴Amavang meithai achate ahiloule atute uma chu amaho chun amasan a-insunguva ngailut vetsahje heuhen, chule ahinguva nule pate phatna-a lethuhje kisinu hen; hichu Pathen anga aphale lah theitah ahi.

⁵Ahin meithai kichehtah achanga uma vang chu Pathen'a kinema, sunle jana thumle taona jenga beh jingji ahi.

⁶Amavang atahsa nomsahna lam jenga kipenu vangchu ahinpet jenga jong athisa ahi.

⁷Amaho chu seiset achan louna dingun thupeh hicheng hi pen.

⁸Ahivangin koi hijongle ama mite ding ngaito lou, ahideh chu ama insung mite ding ngaito lou chun, tahsan chu aledoh ahitai, atahsanlou sanga chonsejo ahi.

⁹Kum somgup noija mi hilou, pasal khat ji hisa,

¹⁰thilpha bolnatina seiphat changsa, chate khoukhahsa, jindot themsa, mithengte keng silpehsa, ahesoh gentheiho phatna bolsa, chonphatna jouse nungjuisa hitobang louse chu meithaijin sun hih-in.

¹¹Ahin nutil meithai vang chu meithaijin sun hih-in; amaho chun Christa douna-in atahsa nomsahna dingu angaito jeh-un jinei ding agojiuve;

¹²chule akipehnao masa apailhah jeh-un themmo achangjiuve.

¹³Chule chuche tailou jong chun, intina alengleuvin, thaset apanjiuve; chutigoh jong hilouvin, amuhthem akamjaovun, minatoh taimon, seilou ding ding aseijiuve.

¹⁴Hijeh chun, chutobang nutil meithai chun ji neihen, cha hinghen, inneinu na tonghen, melma chun aseisetna dingu kom beihelin umleu kati.

¹⁵Ajeh chu tu jengin jong mi kimkhat Satan nungjui jin akihei mangtaove.

¹⁶Atahsana pasal ahiloule numei khattou meithai neija aumle, ama chun kithopi hen; houbung pohgihsah hihhen; houbung chun meithai kichentah chu akithoipi theina dingin.

¹⁷Upa vaihom themho, thusei lamle mihil lama ponpana gunchuho chu, ajat ni-a ginle jan umuhen.

¹⁸ Ajeh chu Pathen lekhabun, bongchal chang chil pet amuh som hih-un; chule Natongan athaman asanding chu adol ahi, ati.

¹⁹ Upadol hehna chu ahetoh nile thum ahi loule, la hih-in.

²⁰Adangin kichatna anei theina dingin, achonseho chu japi angsung tah-a sosalin.

²¹Pathen toh, Pakai Jesu Christa, chule vantil kilhengho mitmu-a hiche thuhi kapeh nahi, kichentah-a hetoh loule jachen louva thu tan louvin kathupeh cheng hi mangin; langneijin imacha bol hihhelin.

²²Koima chunga nakhut ngampai jeng hih-in; chule midang chonset chan khompi hih-in; chule kisutheng jingin.

²³Na-oisung jehle nadammo jing jeh chun twisihkeo jeng don louvin, lengpitwi themkhat khat anamangjitan.

²⁴Khattou chonsetna kilangtah ahin, thutan na-a lhung masa jengji ahi; chule abang khattou setna vangin amaho nung ajuijon ahi;

²⁵Chonphat najong chutobangma chu kilangtah ahi; chule chutobang dang dang chu im thei imacha aumpoi.