Read Thado Chin Titus 1 Bible Online

Titus 1 - Thado Chin bible

Titus 1

¹Paul, Pathen soh, Pathen milhen tahsana dungjui le Pathen ngaisahna tolhona thutah hetna lama Jesu Christa solchah;

²Tonsot hinna kinepna-a chu jou sei theilou Pathen chun tonsot tonsot masanga atepsa ahitai;

³Ahinla aphatcha athu chu kihil lhanga kiphongdoh ahi; Eihuh hinguva Pathen thupeh dungjuija chuche hillhangna chu eikichinsah ahitai.

⁴ Tahsan lhangpi thudola kacha tahtah Titus henga: Pa Pathen le Eihuh hinguva Pakai Jesu Christa-a konin lungset, khoto chule lungmon lhunghen.

⁵Thil kibol bulhing lou chengse chu naboltup sohkeija chule khopi tinchenga upaho napansah ding, hiche dinga chu Crete'a kadalhah nahi.

⁶ Mi chu koi hile nolna bei, numei khatseh ji-a neija, chule achate chu Pathen tahsan hia chon chatvaina lamle thua nun louna lama seiset changlou hi ding ahi.

⁷Ajeh chu iham itile houbung lamkai chu Pathen gou chinga ahi jeh-a chu nolna bei hi dingdol ahi; kichamsah, lungsabai, ju-a lop, mideng-ah, alam louva phatchomna ding ngaito-a kilose mi hilou ding;

⁸Amavang jindot them, phat ngailu-a, lung limgeh, chondih, atheng, ama chang kitimthei mibou hi ding ahi;

⁹Chule thuhilpha kicheh-a chu mi thuhil athepma, mi nelkal hat teho chu athemo nao ahetsah theina dinga, akihil dungjuija tahsan umtah thu chu tuhchah mi hiding ahi.

¹⁰Thua nung louva thumot seile dohapan mi tamtah aume, ahideh-a chu cheptanho lah-a mi ahiuve;

¹¹Amaho chu akamu huhbing ding ahi; alam louva phatchomna ding gutnan ahildol louhelu thu ahilun, mi kimkhat insung achoh chavaitaove.

¹²Amaho thudol mi themgao khatnin ahiti seije, Crete miho chu a-imatih chana jou jing sahang ahiuvin, thasea annehhat ahiuve, ati.

¹³Hiche het tohsahna hi adihtah mong ahi. Chuti ahi jeh chun amaho tahsan kicheh mi ahina dingun nasatah-in phohsalin,

¹⁴Thutah-a kona mi heimanga Juda miho moh thusimle miho thupeh-a lunglut daohen.

¹⁵Atheng dinga imajouse thengsoh ahi, ahin akisuboh atahsan louho ding vanga athenga khatcha umlou ahi, thentah sanga alungule ase apha hetnau agoma bohjia ahi.

¹⁶Pathen kahei, tin akam sungun aseidoh naovin, anatoh lama ajanom pouve; amaho chu thet umtah, thu ngailou ahiuvin, thilpha bolna lama pannabei ahiuve.