Read Thado Chin Jacob 5 Bible Online

Jacob 5 - Thado Chin bible

Jacob 5

¹Tun, veuvin, mihaoho, nangho chunga hesoh gentheina hung chu ding chengpi jeh hin kapmun lang pengun.

² Nanei chengseu amon mangtai, naponu lungin anese joutai.

³Nasana nadangkau thih-eh souvin aneheng gamtan; chule chuche thih-eh chu nathemmonao hettohsah-a hungpanga, chule mei banga nasao aneh ding ahi. Nanghon ni nununga dinga gou nakholu ahi.

⁴ Veuvin, nalouva chang at sum thalo ho thaman, doha nabol uva napeh dahou chun kho asamun; chule chuche sum thalo chang at teho khosap chu Janel Pakai [1] nabeng sunga aluttai

⁵Nangho vannoi leiset chunga nomsa le ninglhinga nachengun; kitha nikho-a bangin nalungu nasuthao vun ahi.

⁶Nanghon michonpha chu themmo nachanun nathatnun; chule aman nangho nadou thuhpouve.

⁷Chuti ahi jeh chun, sopiteho, Pakai hung masangsen lungdehat jingun. Veuvin, loulhou mi khun aleiset ga lutah chu angahjin, gotwi lha masale gotwi lha nunung amu kahsen alungdehat jin ahi.

⁸Nangho jong lungdehat jingun; nalungu detsah jingun: ajeh chu Pakai hungna ding anaitai.

⁹Vo sopiteho, oimo nachan louna dingun khatle khat kiphun loujenun; veuvin, thutanpa chu kot bula ading jinge.

¹⁰Vo sopiteho, Pakai mina thu seidoh themgaoho chu hesoh genthei thoh le lungdehatna lama vettonin neijun.

¹¹ Veuvin, dingdet jinga thoh lhumho khu eihon anunnom itiuve. Nanghon Job thohhat thu chu najaove; chule Pakaiya achaina umchan jong namu taove; Pakai chu khotonale mihepina-a dimset ahi.

¹² Ahin, sopiteho, imajouse lah-a apipen chu hiche ahi, kihahsel hih-un, van panin hijongle, leiset panin hijongle, kihahsel hih-un; chusang chun ahi natiu chu ahi hihen, hilou natiu chu hilou hijenghen; achuti loule themmo changin umkhaovin nate.

¹³Nalah uva athohgima umam? Ama chu taohen. Kipah thanoma umam? Vahchoina la Sahen.

¹⁴ Nalah uva ana damlou umam? Ama chun houbung upaho kouhen; chule amahon Pakai minin ama chu thao nu-uhen, achunga taovuhen;

¹⁵Chutile tahsana taona chun anapa chu damsah-intin, chule Pakaiyin ama chu akaithou ding; chule achonse ahi jongle, hichu suhbeija umding ahi.

¹⁶Hijeh chun nadam theina dingun, khatnin khat komah nasuhkhelnao phongun, khatle khat kitaopeh jiuvin. Michonpha mi taopehna chu thil nasatah bol thei ahi.

¹⁷ Elijah chu eiho penpi ngai banga hesoh genthei thoh mi ahivangin, gojuh louna dinga lunglut tah-a ataole, leiset chunga kum thumle lha gup gam sung go ajutapon ahi.

¹⁸ Chuin atao kitnin ahile, van'a konin go ahin juhsah-in, leijin aga asodohtan ahi.

¹⁹Kasopite nalah uva khattou thudih-a kona lamvaija auma, ama chu khattou ahinlepui lut kit aumle,

²⁰ Michonse alamvaina-a kona hinlepui kitchun thina-a kona lhagao khat ahuhhing ding ahin; chule chonset tamtah akhu ding ahi, ti kihet hen.