Read Thado Chin 1 John 1 Bible Online

1 John 1 - Thado Chin bible

1 John 1

¹ Atil abula patna umsa jing, kana-a kajah-u, kamittah uva kanamu-u, kanavetnu, chule kakhut tah uva kathamu, hinna thu chu;

² (Ajehchu hiche hinna chu hung kiphonga ahin, chule keihon kamuvin, kahettohsah-un, chule chuche tonsot hin kemlou, Pa koma um, keiho henga hung kiphonga chu nangho kamusah nahiuve);

³Henge, keihon kamusa chengseole kajahsa chengseu chu, nangho jong keihotoh ikiloi theina dinguva nangho henga kaphondoh-u ahi; chule tahbeh-a keiho kiloikhomna hi Pa toh, chule Achapa Jesu Christa toh kiloikhomna hija ahi.

⁴Chule nakipanao achamkim theina dinga hicheng hi kahinsut ahi.

⁵Keihon ama-a kona kajah-u nangho kahilsonu chu hiche hi ahi, Pathen chu vah ahi, ama-a chu muthim himhim um louhel ahi.

⁶Amatoh kiloi kahi itiuva muthima ivaleu vangle, thujou sei ihiu ahin, chule thutah chu nit lou ihiuve;

⁷Ama vah-a aum banga eiho jong vah-a chu ivaleu vangle, khat le khat kiloikhom ihiu ahin, chule Achapa Jesu Christa thisan chun chonsetna jouse-a kona eisilngimu ahi.

⁸Eihon chonsetna kaneipoi itiuva ahile, eimale eima kilhem lha-a ihiu ahi, chule thutah chu isunguva umlou ahi.

⁹Eihon ichonsetnao iphon vangule, ama chu eiho chonsetna chengse ngaidam dingle chonphat louna jouse siltheng dinga tahsan umtah chule chonphatah ahi.

¹⁰Eihon chonsetna kaneipoi itiuva ahile, ama chu ijousah-u ahin, chule athu chu isunguva umlou ahi.