Read Thado Chin Thutanho 5 Bible Online

Thutanho 5 - Thado Chin bible

Thutanho 5

¹Chujouvin Deborah le Abhinoam chapa Barak in hiche nikho chun la asalhonin, hitin atilhone,

²Mipite amaho le amaho akipehdoh uva, Israel phu alahpeh jeh-in, Pakai chu avahchoijun.

³Vo lengho, ngaijun; Vo pipuiho, nana hinsungun; kei, keimatah in Pakaiya la sangting, Israel Pakai Pathen vahchoi La kasah ding ahi.

⁴Pakai, Seir'a kona nangma nahung doh-a, Edom loujaova kona nahung kondoh chun, leiset akihot nemin, vanho apullhan, meilhang ho atuisoh gamtai.

⁵ Molsang ho chu Pakai masanga ajunlhan, Sinai jengjong chu Israel Pathen masanga ajunlha tai.

⁶Anath chapa Shamgar nikho laijin, Jael nikho laijin, Lamlhongpiho athipbeh-in, kholjinle hon lampel ajotnuve.

⁷Khosunga chengho aum tapouvin, Israel sunga aum tapouve; Keima Deborah kakipat doh-a, Israel sunga minu khatna kakipatdoh masangsen.

⁸Amahon pathen thah ho akilhennun, chuin kotpi sunga gal anaume. Israel sangsomli lah-a lumle teng ana umam?

⁹Kalungthim hi mipi lah-a kona achamtah-a kipedoh Israel gamvaipoho lah-a aume, Pakai chu nunnom hen.

¹⁰Seijuvin, nangho sangan kang chunga touho, thupi tanna-a touho, chule lamdunga cheleho.

¹¹Atuikhainau munho-a thalkap ho thal len gina kona kihuh dohhon, chumuna chu amahon Pakai chonphatna natoh aseiphong diu, chonphatna natoh ngei chu Israel sunga akho sunguva chengho lah-a ajahsah diu; chuteng Pakai mite kotpi phunga kumsuh diu ahitai.

¹²Thouvin, thouvin, Deborah; thouvin, thouvin, la khat san: kipat doh-in, nangma Abinoam chapa Barak, chule gal hinga ki kaiho gal hingin kaijin.

¹³Chujouvin aman ahingdohpa chu miho lah-a miloupiho chunga vaihomin apansah-in; Pakaiyin keima mihat ho chunga vai eipohsah-in ahi.

¹⁴Ephraim'a konin Amalek douding amaho lah-a jung khat aumin, nangma nungin namite lah-a Benjamin; Machir'a konin gamvaipoho ahungsuh-un, chule Zebulun'a konin thil sunhon lekhamol tuhho ahungsuh-un ahi.

¹⁵Chule Issachar leng chapa ho chu Daborah toh aumkhomun; Issachar jengjong, chule Barak jong aumin: ama chu kengin phaichama lama akisolin ahi. Reuben kikhentel jeh-in lungsunga lunggel lentah asohdoh-in ahi.

¹⁶Kelngoiho pen gin ngaidinga, kelngoi honlah-a ibola nangma uma nahim? Reuben kikhentel jeh-in lungsung kikholna nasatah aumin ahi.

¹⁷Gilead chu Jordan gal langa achenge: chule Dan chu ibola kong innei sunga umden ham? Asher twipi panga aumjingin, chule abahho kah-a achengin ahi.

¹⁸Zebulun le Naphtali hi gam sanglam loulaija thina ginglouva ahinkholhon phaldoh-a mi ahilhone.

¹⁹Lengho ahungun gal ahungsatnun, Megiddo twipi pang Taanach mun'a Canaan lengho asatnun; Amahon gamthil le sum alapouvin ahi.

²⁰Amahon van'a konin gal asatnun, ahsihon alamlhah uva konin Sisera asatnun ahi.

²¹Kishon vapidungin amaho alhoh mangun, hichu malai vapi, Kishon vapi chu ahi. O kahinna, nangman thahatna nachotpha ahitai.

²²Chujouvin sakol ho chu akihatil jeh-un, amihatpaovin ahatil jeh-un, atinhou alhong gamtan ahi.

²³Meroz chu samseuvin, tin Pakai vantil'in aseije, asunga chengho jouse chu nasatah-in samseuvin; ajehchu Pakai kithopi din ahung pouvin, ahat ho doudinga Pakai kithopi dingin amaho ahung pouvin ahi.

²⁴Numei ho jouse chungvuma Ken mi Heber jinu Jael chu phatthei changding ahin; ponbuh-a cheng numei ho jouse chungvuma phatthei changding ahi.

²⁵Amapan twi athumle amanun bongnoi apen; amanun milen kongsunga bongnoi ha ahin domin ahi.

²⁶Amanun akhutnin thingkil alan, akhut jetlama natongho seh alan; seh-a chun Sisera akhenin, amanun angeichang akhet pai phatnin alu chu avochiptan ahi.

²⁷Amapa amanu kengbula aboh khupmin, alhun, akijamtai: amanu kengbula aboh khupmin, alhun; abohkhupna-a chun athisan akijamtai.

²⁸Sisera nuchun bangkotna konin aven, avangkah-a konin apengjah-in, Ipidinga akangtalai hung geisangham? Ipidinga akangtalai kangho khongai ahidem?

²⁹Aloi numei chinghon adonbutnun, Henge, amanu amale ama akidonbutnin,

³⁰Amaho gangjou louvu hitam? Gal thilkichom kihom louvu ham? Pasal takip dinga nungah khat ahiloule ni; Sisera dinga gal thillah jemchom chom, gal thillah kikhui pahjem chomchom, alangtoa kikhuipah jem chomchom, galthil kilahho ngonga dinga kilomho amujou louvu ahidem? ati.

³¹O Pakai, Hitichun nagalmiteu mangthah hen: ahivanginla ama ngailuho chu thahat tah-a chelai nisa banguhen. Chuin gamsung chu kum somli acholdon ahi.