Read Thado Chin 2 John 1 Bible Online

2 John 1 - Thado Chin bible

2 John 1

¹Upa keiman thutah-a kangailut numei kilhengnule achateho; keima changseh hilouva, thutah heho chengse jong;

²Eiho sunga uma, chule eiho toh tonsot geija umjing ding thutah jala chu.

³Pa Pathen le Pa Chapa Pakai Jesu Christa-a konin lungsetna, hepina, chule lungmona chun, thutah le ngailutna-in naumpi jing taohen.

⁴Pa-a kona eihon imu-u thupeh bangtah-a, nachateho lah-a kimkhat thutah-a achonu kamun kakipah tangei jenge.

⁵Chule tu-a hi, numei pha, keiman nahenga thupeh thah hinsun tobang hilouva, atil abula ineisao, khatle khat ikingailut tocheh dinguva nahenga kahung tao ahi.

⁶Chule hiche hi ngailut ahi, eiho athupeh dungjuija ichon dingu ahi. Chule hiche hi thupeh ahi, nangho atil abula najahsao banga chu, hichea chu nachon dingu ahi.

⁷Ajehchu Jesu Christa chu tahsa-a hunga ahi ti janomlou vannoi'a hin doha milhem lha-a tamtah ahung sohdoh tai. Hiche hi milhem lha-a le Christa dou chu ahi.

⁸Iboldohsa chengseu chu mansah louhela tohphat man isan bukimna dingun, kive phaovin.

⁹Koi hile dan palkeh-a le Christa thuhila um louva chun Pathen aneilou ahi. Christa thuhila uma vang chun Pa le Chapa chu ania aneikop ahi.

¹⁰Koi hile hiche thuhil hinpolouva naheng uva hunga aumle, amachu na-in uvah lhunsah hih-un, chule kamphan jong lem hih-un:

¹¹Ajeh chu koi hile kampha-a lema chun achon gitlou ho jouse achan khompi ahi.

¹²Naheng uva hinsut ding thu tamtah kaneije, ahivangin lekhapheng le lekha twija sut kanompoi; ahin ikipanao achamkim theina dingin, naheng uva hunging ting kimaiton kihoulim naohite ti kakineme.

¹³Nalhen tumtah nasopinu chaten salam napeuve. Amen.