Read Thado Chin Thuphon 10 Bible Online

Thuphon 10 - Thado Chin bible

Thuphon 10

¹Chuin vantil chomdang hattah khat meija kitom, van'a kona ahung kumlhah kamun, alu chunga chun lhagui akiveijin; amai chu nisatoh abangin, chule akeng chu meikong khomtoh abange;

²chule akhutna chun lekhabu neocha kiphonga khat achoijin ahi, ama chun akeng jet lamin twikhanglen achonin, vei lamin leiset chun achonin ahi;

³chule keipi kitum banghelin hatah-in kho asamin ahi; akhosap chu van gin sagin ahindongin ahi.

⁴Chule van gin sagi chun thu asei phat chun lekha-a sun ding kakigo tan ahi; chuin van'a aw ahung gingin hitia hi kajah-a asei kajan ahi. Van gin sagi thusei chu imchah-in sun hih-in, ati.

⁵ Chule twikhanglen le leiset chunga dinga vantil kamu chun van lama akhut jetlam adom sangin,

⁶vanle vanlaijola thil um chengsele, leiset chule asunga um chengse, chule twikhanglen le asunga um chengse, aboncha sema a-imatih chana hing jing, ama min chu apanin ahahselin, Sotta lou ding ahi;

⁷ahin vantil sagina chu sumkon mut akigot tengle, hichu agin phat phatle, Pathen thuguh, asoh themgaoho henga anaphondoh banga chu guilhung ding ahitai, ati.

⁸ Hichun van aw kajah chu kaja kitleuvin eihouvin kajah-a, Khuche twikhanglen khule lei chunga dinga vantil khutna um lekhabu neo kiphonga khu chenlang galan, eitin ahi.

⁹Chuin keiman vantil henga chun kachen ajah-a, Lekhabu neocha chu neipen, kati. Chuin aman kajah-a, Lanlang nejou jengin; hichun na-oisung akhatsah ding ahi; ahin nakama vang khoiju banga lhum ding ahi, ati.

¹⁰Hichun keiman vantil khut chunga kon chun lekhabu neocha chu kalan, chuin kanetan ahi; hichun kakamah khoiju lhumin alhumin ahi; ahin kaneh jou phat chun ka-oisung akhatan ahi.

¹¹Chuin amaho chun kajah-a, Miho, chule chitin namtinle, paotin paotang, chule lengho tamtah chungchang thu naseidoh kit tei ding ahi, ati.