Read Thado Chin Thuphon 8 Bible Online

Thuphon 8 - Thado Chin bible

Thuphon 8

¹Chuin aman sinkhana sagina ahon pat chun van'ah nidan keh khat kahset athipchet jengtan ahi.

²Chuin Pathen anga ding jing vantil sagi kamun; chule amaho chu sumkon sagi chu apeuvin ahi.

³ Chujouvin gimnamtui halna sanabom choija vantil khat ahungin maichama chun ahung dingin; laltouna maija um sana maicham chunga chu mithengho jouse taona abelap peh dingin gimnamtui tamtah apeuvin ahi.

⁴Hichun mithengho taonatoh thakhatnin vantil khut chunga kon chun gimnamtui khu chu Pathen angsung geijin akikhodohtan ahi.

⁵ Hichun vantil chun gimnamtui halnabom chu alan, maichama mei chu akhumin leiset chunga agah seplhatan ahi. Chutah chun van agingin, aw agingin, kol aphen, chule ling akihotan ahi.

⁶Chujouvin sumkon sagi choija vantil sagi chu sumkon mut dingin kigosa demin aumtaovin ahi.

⁷ Chuin amasapenpan amutle, thisantoh kihal gel le mei ahung umpaijen jengin ahi; chuin hichengse chu leiset chungah agah seplhaovin ahile, chutah chun thingho hop thuma hop khat akavamin, chule hamhing jouse jong akavamtan ahi.

⁸Chujou chun vantil nina chun amutle, meija ka mol lentah tobang khat twikhanglen'ah asep lut taovin ahile, chutah chun twikhanglen chu hop thuma hop khat thisan asohtan ahi;

⁹chule twikhanglen'a cheng thilsem lah-a ganhing hop thuma hop khat agamtan ahi, chule kongho jong hop thuma hop khat suhmangin aumtan ahi.

¹⁰ Chuin vantil athumna chun amutle, meisel banga al-lenglung ahsi lenpi khat van'a konin ahung lhan, luiho hop thuma ho khat chungle twinahho chungah achun ahi;

¹¹ chule ahsi amin chu Gamsai akiti; chule twi hop thuma hop khat chu gamsai asohtan ahi; akibol khat jeh chun twija kon chun mi tamtah athi.

¹² Chuin vantil lina chun amutle, nisa hop thuma hop khat, lha thah hop thuma hop khat, ahsi ho hop thuma hop khat athimna dingin akivosen, athima khovah beihelna dingin sun hop thuma hop khat akivosen ahi; jan jong chutima chu ahi.

¹³Chujouvin kavet jingle, vantil khat vanlaijola lengle-a hiche hi hasaptah-a sama aw kajan ahi, Khuche vantil thum sumkon mut dinga kigoho khun asumkon mut banu amut tengule, leiset chung chengho chu adanauve, adanauve, adanauve, ati.