Read Thangal Naga MATHAI 28 Bible Online

MATHAI 28 - Thangal Naga bible

MATHAI 28

¹Khawlni khit nipi kal a ni masapen phalvak in Mari Magdalini leh Mari dangte han en ding in a hungpai ua.

²Ngaiin jin thupitak ahung ling a, Pasian vantungmi van a pat in ahung kumsuk a, tualeh hungpai in hankong a pat suang ahung likkhia a, atung ah atouta hi.

³Amel kilatdan ahihleh tunphe bang mai ahi a, a puansilh ahihleh vuk bang a ngou ahi.

⁴Tualeh amah alaujiak un vengtute a kithing ua, misi bangin ahung omta uhi.

⁵Hinanleh vantungmi-in numeite a houpih a akiang uah, “Laukei un,” “A kilhden uh Jesu nazong uh chih kathei hi.

⁶Hihsan ah a om nawn kei aman agensa mahbang in a thoukikta hi. hungpai unla alupna mun hung en un.

⁷Tualeh kintakin pai unla, a nungjuite kiangah ‘Misi lak a kipan a thoukikta; ngaiun, Galili gam ah namai uah apai!’ Huasan ah amah namu ding uh, chi-in vahilh un, ngaiun kung hilhta ahi,” achi hi.

⁸Tuachi`n amauh lau leh kipak kawm in han a pat in manlang takin apaita ua, a nungjuite hilh dingin ataita uhi.

⁹Tualeh nungjuite hilh ding a apailai un, ngaiun, Jesu`n amauhte aki muhpih a, akiang uah, “Na kiang uah khamuanna om hen,” achi a. Tuachi`n amau`n a kengte tuin abia uhi.

¹⁰Tuachi`n Jesu`n akiang uah, “Laukei un, pai unla ka sanggamte Galili gam a pai dingin vahilh un, huasan ah ahung mu ding uhi,” achi hi.

¹¹Tuachia amauhte apailai un, ngaiun vengtu khenkhat khuapi sung ah avapai ua, siampite kiangah sil omdan jousiah avahilh ua.

¹²Tualeh upate tawh akikhop ua akihou zoh un galkapte sum tampitak apia ua

¹³akiang uah, “Ka ihmut kal un, a nungjuite a hungpai ua amah ana gumangta uh, chi un, achi uhi.

¹⁴Tualeh gam ukpa`n hihte anajak ta`kleh zong, kouman ka khem lungdam ding ua, nou kung hunkhia nading uh hi,” achi uhi.

¹⁵Tuachi`n dangka ala ua, amauh ahilh bangbang un abawlta ua; Judamite lak ah hihthu tunitan in akigen nalai hi.

¹⁶Tuachi`n nungjui sawmlehkhatte Galili gam ah Jesu`n amauh a ding a aguatsak mual ah apaita ua.

¹⁷Amah amuhtak un abia ua, hinanleh khenkhat in aginglel uhi.

¹⁸Tuachi`n Jesu akiang uah hungpai in amauh a houpih a, “Van leh lei a thuneihna ka kiangah piak ahita.

¹⁹Tuajiakin pai unla, namchin a mi nungjui in bawl unla, Pa leh Tapa leh Khasiangthou min in baptis un,

²⁰thu kungpiak jousiah juiding in thu hilh un, tualeh ngaiun, kei bangchik tan in leitung tawpdong in na kiang uah ka omgige ding,” achi hi. Amen.