Read Thangal Naga MARKA 8 Bible Online

MARKA 8 - Thangal Naga bible

MARKA 8

¹Tuanite in, mipi atam mahmah ua, nek ding bangmah aneikei ua, Jesu`n a nungjuite asam a akiang uah,

²“Mipite tuin ka kiangah nithum nek ding neilou a om uh ahihtak man un ka hehpih mahmah hi.

³Gilkial in a inn uah nungsawl leng lamkal ah a husam kha ding uh, khenkhat houh ahung kipatna uh gamlapi ahi,” achi hi.

⁴Tuachi`n a nungjuite`n, “Mi`n hih gamdai ah tanghou tawh hih mipite bangchi`n avahsakthei dia?” chi`n adawng ua.

⁵Aman, “Tanghou bangzah nanei ua?” chi in amauh adong a. Tualeh amau`n, “Sagih,” achi ua.

⁶Tuachi`n aman mipite tual a tou dingin thu apia a; tualeh tanghou sagihte ala a, kipahthu agen a, abalkham a amai ua lui dingin a nungjuite kiangah apia a; tuachi`n mipite mai ah aluita uhi.

⁷Amau`n ngasa themkhat zong anei ua; aman gual ajawl a, hihte zong amai ua lui dingin thu ahilh a.

⁸Tuachi`n ane ua, a khamchiat ua; a khamval nen uh bawm lianpi sagih dim in aluak uhi.

⁹Ane teng mi sangli bang ahi ua; tuachi`n aman amauhte a paisakta hi.

¹⁰A nungjuite kiangah gunkuang sungah atuangpai a, Dalmanutha gam a tungta uhi.

¹¹Tuachi`n Pharisaite a hungpai ua, amah ze-etna dingin amah a pan van a kipan-a chiamtehna zong in amah a kisel pih uhi.

¹²Hinanleh amah nakpitak in akhuisa a, “Bangding a tulai khangthakte`n chiamtehna zong uh ahia? Adiktak in kung hilh ahi! Tulai khangthakte kiangah chiamtehna mawng mawng piak ahikei ding!” achi hi. [2]

¹³Tualeh amauhte nusia in gunkuang sungah tuang in a galkhat lam ah apai hi.

¹⁴A nungjuite`n tanghou akeng manghilh ua, tanghou phelkhat chihlouh gunkuang sungah tanghou dang aneitakei uhi.

¹⁵Tuachi`n aman akiang uah, Pharisaite tol leh Herod pawlte tol lak ah kiveng unla, pilvang un, achi hi.

¹⁶Tualeh amauh, “Tanghou i neihlouh jiak hinteh,” chi`n a kingaihtuah ua.

¹⁷Hinanleh Jesu`n atheihtak in akiang uah, “Bangding a tanghou na neihlouh jiak ua kingaihtuah nahi ua? Tutan a zong theitheilou leh theisiamlou lai nahi uh maw? Na lungtang uh tak nalai ahi maw?

¹⁸Mit nei napi`n mulou nahi umaw? Tualeh bil nei napi`n zalou nahi umaw? Thei gige nawnlou maw?

¹⁹Mi sangnga a ding tanghou phelnga ka balkhap laiin a neng bangzah ahia naluak uh?” achi a. Amau`n a kiangah, “Sawmlehnih,” achi uhi.

²⁰“Mi sangli a ding sagih ka balkhap laiin, aneng bawm bangzah ahia naluak uh?” a chikik leuleu a, Amau`n, “Sagih,” achi ua.

²¹Tuachi`n aman a kiang uah, “Bang achi ei, theisiam lou maw?” achi hi.

²²Tuachi`n Bethsaida a hungtung ua; a kiangah mittaw khat a hungpua ua, amahpa khoih dingin a kiangah a ngen ua.

²³Tuachi`n aman mittawpa a khut in atu a, khua pualam ah apaipih a. Tualeh amit ah achil asia a, atung ah akhut akoih a, “Sil khatpeuh a muhtheih leh theihlouh adong hi.”

²⁴Tualeh amah a daktou a, “Mite sing bangin paiin ka mu hi,” achi hi.

²⁵Tuachi`n aman amit ah akhut a koihkik a. Adaktou sak a, tuachi`n ahung damta a, mi zousiah chiantak in ahung muta hi.

²⁶Tuachi`n aman a inn lam uah asawl a akiang ah, “Khuasung ah lut kenla,” khuasung a mi kuamah hilhken, achi hi.

²⁷Tuachi`n Jesu leh a nungjuite Kaisaria Philippi khua juan in a paikhiata ua. Tualeh lampi ah aman a nungjuite kiangah, “Mi`n kei kua ahi a hungchi ua?” chi`n adong a.

²⁸Amau`n a kiang ah, “Baptispa Johan ahi, a hungchi uh, hinanleh khenkhat in Elijah ahi, a hungchi uh, tualeh midangte`n Jawlnei lak a khat ahi, a hungchi uh, chi`n a dawng ua.”

²⁹Aman a kiang uah, “Ahihleh nou kei kua ka hi nungchi ua?” achi a, Peter in a kiangah, “Krist nahi,” chi`n adawng hi.

³⁰Tuachi`n aman a tanchin kuamah hilhlou dingin amauhte khauhtak in akham hi.

³¹“Tualeh mihing Tapa in sil tampi a thuakdingte, upate, Siampite, Laigelhmite deihlouh a aom ding, thah a aom ding, nithum nunga a thohkik ding thu amauh a hilhpanta hi.”

³²Aman hih thute langtang takin agen a, tuachi`n Peter in amah paipih tuam in atai a.

³³Hinanleh amah a kihei a, a nungjuite a en a, Peter atai a, “Setan, Ka nung ah pai in, Pasian silte na ngaihsun kei a, mihing silte na ngaihsunjaw hi,” achi hi.

³⁴Aman mipite tawh a nungjuite a kiang a asapkhit in akiang uah, “Kuapeuhin ka nung a juihnuam leh,” “Amah kimanghilh in a kross pua in hungjui hen, achi hi.

³⁵Kuapeuh a hinna it in ata`n ding a, hinanleh kuapeuh ka min jiak leh tangthupha jiaka a hinna ta`n in a humbit ding.

³⁶Mi`n Leitung pumpi nei henla ahinna ta`n taleh amah a ding in bang aphatuam diai?

³⁷Ahihkeileh mi`n a hinna ta`ng in bang apiathei diai?

³⁸Kuapeuh tulai khangthak angkawm leh sil gilou bawlte lak a keimah leh ka thu zumpih, Mihing Tapa-in a vanmi siangthoute toh a Pa thupina a kivon a hungpai hun chiangin huapa aman zong ajumpih ding,” achi hi.