Read Thangal Naga MARKA 9 Bible Online

MARKA 9 - Thangal Naga bible

MARKA 9

¹Tualeh aman akiang uah, “Adiktak in kung hilh ahi, hihsan a ding khenkhatte Pasian gam sil bawltheihna toh hungtung amuhma un, sihna chiamlou ding a om uh,” achi hi.

²Niguk nung in Jesu`n Peter, Jakob leh Johan a tonpih a atuam in mual sangtak tung khat ah amauh guak in apaipih a, tualeh amai uah amel omdan ahung lamdangta a,

³a puansilhte leitung a puansawpte`n asawp ngou theihlouh khop hial a vuk bang a ngou in ate selsel hi.

⁴Tualeh Elijah Mosi tawh a kiang uah ahung kilak ua, Jesu tawh akihou ua.

⁵Tuachi`n Peter in Jesu ahoupih a, “Rabbi, ei a dingin hihsan a om ahoih hi, hampheng buk thum i bawl ding a, nang a dingin khat, Mosi a dingin khat, Elijah a dingin khat,” achi hi. [3]

⁶Alau mahmah jiak un gen ding bangmah atheikei uhi.

⁷Tualeh meipi hungpai in amauh a hungtuam a, “Tualeh meilak pan aw hungging in, hih ka Tapa deih tak ahi, a thu ngai un!” achi hi.

⁸Kintakin akim akiang uh a en ua, Jesu chihlouh akiang uah midang kuamah a mutakei uhi.

⁹Mual a pan ahung kumsuk laiun, “Mihing Tapa misi lak a kipan athohkik khit masiah asilmuhte uh kuamah hilhlou ding in thu apia hi.”

¹⁰Tuachi`n hihthu avom kinkenta ua, “Misi lak a pat thohkik achih bang achihna adiam aw?” chi`n a kidong uhi.

¹¹Tualeh amauhte`n a kiangah, “Bangding a Laigelhmite`n Elijah a hungpai masa ding ahi, chi ahi ua?” chiin adong ua.

¹²Tuachi`n aman a kiang uah, “Siljousiah bawlhoih thak dingin Elijah hungpai masa him ahi. Tualeh sil tampi athuak ding a, tualeh muhdah leh simmawh bawl in a om ding chi a mihing Tapa tangthu bang chidan a gelh a na om ahia? achi hi.

¹³Hinanleh kung hilh ahi, Elijah ahung paikhinta hi tualeh a tanchin agelh bangbang un atung ah a ut ut un abawlta uh,” achi hi.

¹⁴Tualeh amah nungjuite kiang a hungtun in, aki`m ua mipi tampitakte leh laigelhmite`n anasel lai uh amu hi.

¹⁵Mipi jousiahin amah amuh tak un lamdang asa ua, a kiangah a taipai ua, chibai abuk uhi.

¹⁶Tualeh aman Laigelhmite kiangah, “Amauh tawh bangthu houlim na hi ua?” chi`n a dong hi.

¹⁷Tuachiang in mipi lak a mi khat in, “Siapa, ka Tapa dawi hamtheilou nei na kiangah kung zohpih hi.

¹⁸Tualeh a matna mun teng ah apuksak jialjial a, akam ah chilphuan apawt a, aha agawi a, agawng hulhul a, tuachi`n na nungjuite kiangah hung hawlkhiatsak dingin ka gen a, hinanleh amau`n a hawlkhiathei kei uh,” chiin adawng hi.

¹⁹Tuachi`n aman akiang uah, “Khangthak ginna neiloute aw! Bangtan na kiang uah om ding ka hia? Bangtanvei hung thuakthei ding ka hia? Amah ka kiangah hung paipih un!” chi in adawng hi.

²⁰Tuachi`n a kiangah ahung paipih ua. Tualeh dawiin amah amuhtak in naupangpa hahtak in a bawlgenthei a, tual ah kipuk in chilphuan kai niainuai in a kilik vutvut a.

²¹Tuachi`n aman apa kiangah, “Hichi bang a aom na bangtan ahita a?” chi`n adong a. Tualeh aman, “A naupan lai a pat ahita,” achi hi.

²²“Tuachi`n amah bawlsiat sawm in tamveipi meiah leh tuiah a sawnpuk a. Hinanleh nang banghiam bawltheih naneihleh, hung hehpih inla hung panpih in!” achi hi.

²³Jesu`n a kiangah, “Na gintat theih photleh! A gingtami a dingin bangkim ahithei hi,” achi hi.

²⁴Tuatakin naupangpa pa ngaihtak in a kihou a, “Tuachi`n mittui luang pum in Toupa ka gingta hi, ka ginlahna ah hung panpih in!” achi hi.

²⁵Jesu`n mipi hungtai khawm lai amuhtak in, dawinin atai a, a kiangah, “Hamtheih louhna leh bilbingna dawi,” “Thu kungpia hi, asung a pat hung pawtkhia inla lutkik nawn ken!” achi hi.

²⁶Tuachi`n dawinin a kikou khia a, hahtak in abawl genthei a, asung a pat ahung pawtkhia ta a, naupangpa misi bangin ahung om a, mi tampite`n, “Asi ahi!” achi uhi.

²⁷Hinanleh Jesu`n akhut a tuin akaithou a tuachi`n amah ahung thouta hi.

²⁸Tualeh amah inn sung a ahunglut takin, a nungjuite`n, “Bangchia kou hawlkhia theilou ka hi ua le?” chi`n aguk in a dong ua.

²⁹Tuachi`n aman akiang uah, “Hihbangte pen thumna leh anngawlna chihlouh, bangmah in apawtsak theikei,” achi hi.

³⁰Tuachi`n hua a kipan a paikhia ua, Galili gam anawk ua, aman kuamah theih ding a deihkei hi.

³¹A nungjuite a dingin thu ahilh a akiang uah: “Mihing Tapa mihingte khut a matsak in a om ding a, athat ding uh. Tualeh a thahkhit nung uh nithumni chiangin a thoukik ding,” achi hi.

³²Hinanleh amau`n athugen atheisiam kei ua, amahlah a dongngam ngal kei uhi.

³³Tuachi`n Kapernaum khua a hungtung a, innsung a aomlai in aman akiang uah, “Hua lampia bangthu ahia na kisel uh?” chi`n adong a.

³⁴Hinanleh, lampi ah ilak uah kua ilianpen dia? chia akiselkhit jiak un, hamlou in a om uhi.

³⁵Tuachi`n amah atou a, sawmlehnihte asam a akiang uah, “Kuapeuh a masapen hih ut tuh mi tengteng sang in nunungpen in aom ding a, tuachi`n mi tengteng nna sem in aom ding hi,” achi hi.

³⁶Tuakhit in naupangnou khat ala a alak uah adingsak a, tuazoh in a pom a akiang uah,

³⁷“Kuapeuh ka min a hichibang naupang neute lak a khat kipahpih in kei hung kipahpih ahi ding; tualeh kuapeuh kei hung kipahpih tuh, kei hung kipahpih ahi kei ding ua, kei hungsawlpa kipahpih ahijaw uhi,” achi hi.

³⁸Johan in a kiangah, “Siapa, ei hungjuilou namin a dawite hawlkhia mikhat kamu ua, ei hung juihlouh jiakin ka kham uh,” achi a.

³⁹Hinanleh Jesu`n a kiangah, “Amah kham kei un, kuamah ka min a sillamdang bawl a anung a kei hung gensiapai thei aom kei.

⁴⁰Kuapeuh ei hungdou loute eilam a pang ahi ua.

⁴¹Kuapeuh Krist a nahihjiak ua kamin a tui noukhat dawn ding hungpia tuh, adiktak in kung hilh ahi, a nuamman amansuah kei hial ding hi.

⁴²“Hinanleh Kuapeuh kei hung gingta neunoute lak a khat puksak pen, a ngawng ah buhgawina suang lianpi awhsak uh henla, tuipi ah khiale uh, amah a dingin ahoihjaw ding hi.

⁴³Na khut in khialhna a ahung puksak leh, tankhia in. Khut nih nei a gawtmun mei mittheilou a pai sang in, khut tan a hinna a lut nang a ding in ahoihjaw hi.

⁴⁴‘Athan uh sihlouhna leh meikuang mihlouhna ah.’

⁴⁵Na keng in khialhna a ahung puksak leh, tankhia in. Keng nih neia gawtmun mei mittheilou a paih a na om sang in, kengbai a hinna a lut nang a dingin ahoihjaw hi.

⁴⁶Athan uh sihlouhna leh meikuang mihlouhna ah.

⁴⁷Na mit in khialhna a ahung puksakleh, kheikhia in! Mit nih nei a gawtmun mei mittheilou a paih a na om sang in, mit khat nei a Pasian gam a lut nang a dingin ahoihjaw hi.

⁴⁸‘Athan uh sih louhna leh mei amih theihlouhna ah.’

⁴⁹“Michih mei a alsak in aom ding ua, tualeh kithoihna zousiah chi a alsak in aom ding hi.

⁵⁰“Chi ahoih hi, hinanleh chi in a alna mansuah taleh bangchi`n na alsak kik diai? “Nouman chi kineih unla, khat leh khat kilem in om un,” achi hi.