Read Thangal Naga LUKA 3 Bible Online

LUKA 3 - Thangal Naga bible

LUKA 3

¹Tiberia Kaisar vaihawm kum sawmlehnga kum in Pontia Pilat Judea gam vaihawmtu ahi a, Herod Galili gam kumpipa ahi a, a sanggampa Philip Ituria leh Trakonotis kumpipa ahi a, tualeh Lisanias ahihleh Abilene gam kumpipa ahi a,

²Annas leh Kaiapha siampi ahi ua, huahun laiin gamdai a om Zakariah tapa Johan kiangah Pasian thu a hungtung hi.

³Tuachi`n amah Jordan luikim gam jousiah ah apai a, khialhnate ngaihdamna ding kisikna baptisma thu agen a.

⁴Jawlnei Isaiah laibu a: “Gamdai a kikou aw khat in; ‘Toupa lampi sial unla; a lampite tangsak un!

⁵Guamte sukdim ahi ding a, mual leh tangte sukngiam ahi ding; tualeh mun kawite suktang ahi ding a, lampi pholte suknam ahi ding.

⁶Tuachi`n mijousiahin Pasian hundamna amu ding uhi chia kigelh bang in!’ ”

⁷Tuachi`n aman akiang a baptisma tang ding a hungpai mipite kiangah, “Nou gul suante aw! Pasian thangpaihna hungtung ding a kipan suakta ding a kuan nou hung taihilh ahia?

⁸Tuajiakin kisikna ching gah hungnei masa phot un, tualeh Abraham kapu uh ahi chi`n na lungsim un ngaihtuah kei un, ajiak Pasian in hih suangtangte Abraham tate in a dingsakthei hi!

⁹Tu mahmah in singbul chin ah hei koihkhit ahita. Tuajiakin singkung gahhoih neilou jousiah phuk in mei lak ah apaijel uh,” achi hi.

¹⁰Tuachi`n mipite`n akiang ah, “A tuachihleh kou bang kabawl ta ding ua le?” chi`n a dong ua.

¹¹Aman adawng a akiang uah, “Kuapeuh puan ak nih nei in aneiloupa hawm hen, tualeh kuapeuh an nei in tuachimah bang in bawl hen,” achi hi.

¹²Tuachi`n siah dongpa zong baptisma tang ding in a hungpai a, akiang ah, “Siapa, kou bang ka bawl ding ua?” achi a.

¹³Tuachi`n aman a kiang ah, “Nang ding a ahung bikhiahzah val siah dong nawnken,” achi hi.

¹⁴Tuachimah bang in galkapte`n zong a kiangah, “Tualeh kou bang ka bawl ding ua?” chi`n adong ua. Tuachi`n aman akiang uah, “Kuamah vaulau kei un, ahihkeileh diklou pi-in ngoh kei un. Na nitha uh tawh lungkim un,” achi hi.

¹⁵Mipite`n lam etna aneih ua, Johan tung thu a a lungtang ua Krist ahi kha dia aw, ahikei dia aw, chia a ngaihsut lai un,

¹⁶Johan in adawng a akiang uah, “Ken tui in noute kung baptis ngei ngut a, hinanleh kei sang a hatjaw leh thupijaw khat a hungpai hi, a khedap khau sutding in zong ka chingkei, aman Khasiangthou leh mei in ahung baptis ding, achi hi. [1]

¹⁷A phikphek akhut ah atawi a, aman abuh phual hoihtakin a japsiang kilkel ding a, buhtakte a anbuk ah a koihkhawm ding a, hinanleh buhkhemte pen mei mittheilou tawh ahal ding hi.” [2]

¹⁸Tualeh hasotna thu tampi mipite kiangah agen hi.

¹⁹Hinanleh kumpipa Herod, a sanggampa Philip zi Herodia jiak leh asil gilou bawlte jiakin Johan in aphawk jiakin.

²⁰Tualeh atung a te tengteng behlap in Johan thong ah akhumta hi.

²¹Tuachia mi tengteng a baptis zoh in, hichi ahung hi a, Jesu`n zong baptisma a tangta a; tualeh athum laiin van ahung kihong a,

²²Khasiangthou vakhu bang a taksa a om in hung kumsuk in atung ah ahung tuang a. Tualeh van a pan in aw khat a hungsuak a, “Nang ka Tapa deihtak nahi, na tungah ka kipak mahmah hi,” achi hi.

²³Jesu`n thugen a pat chil in amah kum sawmthum vel ahita a, mi ngaih dan in Joseph tapa ahi a, hua pen Heli tapa ahi a,

²⁴Hua pen Mathat tapa ahi a, huapen Levi tapa ahi a, huapen Mekhi tapa hi a, huapen Jannai tapa ahi a, huapen Joseph tapa ahi a,

²⁵huapen Mattathiah tapa ahi a, huapen Amos tapa ahi a, huapen Nahum tapa ahi a, huapen Esli tapa ahi a, huapen Naggai tapa ahi a,

²⁶huapen Maath tapa ahi a, huapen Mattathiah tapa ahi a, huapen Semei tapa ahi a, huapen Joseph tapa ahi a, huapen Judah tapa ahi a,

²⁷huapen Joanna tapa ahia, huapen Rhesa tapa ahi a, huapen Zerubbabel tapa ahi a, huapen Shealtiel tapa ahi a, huapen Neri tapa ahi a,

²⁸huapen Melkhi tapa ahi a, huapen Addi tapa ahi a, huapen Kosam tapa ahi a, huapen Elmodam tapa ahi a, huapen Er tapa ahi a,

²⁹huapen Joshua tapa ahi a, huapen Eliezer tapa ahi a, huapen Jorim tapa ahi a, huapen Matthat tapa ahi a, huapen Levi tapa ahi a,

³⁰huapen Simeon tapa ahi a, huapen Judah tapa ahi a, huapen Joseph tapa ahi a, huapen Jonam tapa ahi a, huapen Eliakim tapa ahi a,

³¹huapen Melea tapa ahi a, huapen Menan tapa ahi a, huapen Matthat tapa ahi a, huapen Nathan tapa ahi a, huapen David tapa ahi a,

³²huapen Jessai tapa ahi a, huapen Obed tapa ahi a, huapen Boaz tapa ahi a, huapen Salmon tapa ahi a, huapen Nahshon tapa ahi a,

³³huapen Amminadab tapa ahi a, huapen Ram tapa ahi a, huapen Hezron tapa ahi a, huapen Perez tapa ahi a, huapen Judah tapa ahi a,

³⁴huapen Jakob tapa ahi a, huapen Isak tapa ahi a, huapen Abraham tapa ahi a, huapen Terah tapa ahi a, huapen Nabor tapa ahi a,

³⁵huapen Seruk tapa ahi a, huapen Reu tapa ahi a, huapen Peleg tapa ahi a, huapen Eber tapa ahi a, huapen Shelah tapa ahi a,

³⁶huapen Kainan tapa ahi a, huapen Arphasad tapa ahi a, huapen Shem tapa ahi a, huapen Noah tapa ahi a, huapen Lamek tapa ahi a, [3]

³⁷huapen Mathuselah tapa ahi a, huapen Enok tapa ahi a, huapen Jared tapa ahi a, huapen Maharlalel tapa ahi a, huapen Kainan tapa ahi a,

³⁸huapen Enosh tapa ahi a, huapen Seth tapa ahi a, huapen Adam tapa ahi a, huapen Pasian Tapa ahi.