Read Thangal Naga JOHAN 2 Bible Online

JOHAN 2 - Thangal Naga bible

JOHAN 2

¹Tualeh nithum ni in Galili gam a Kana khua ah kitenna a om a; huasan ah Jesu nu a om a,

²Jesu leh a nungjuite zong kitenna ah achial ua.

³Tualeh uain ahung beitakin, Jesu nu in a kiangah, “Uain anei nawn kei uh,” achi a.

⁴Jesu`n a kiangah, “Numei nang nungtheihsak ding bang om ahia? Ka hun atung naikei,” achi hi.

⁵Anu in silate kiangah, “Na kiang ua agen taphot bawl un,” achi hi.

⁶Tualeh Judate tawndan dungjui a kisiansuahna suang tuibel belguk gallon sawmnih hiam sawmthum hiam ta a kitung a.

⁷Jesu`n akiang uah, “Tuibelte ah tui sungdim un,” achi a. Tuachi`n belgong tan in a sungdim ua.

⁸Tualeh aman akiang uah, “Tu in dim unla, nekbawl thusate kiangah tawi un achi a,” amau`n atawi ua,

⁹Nek bawl thusate`n tui uain hung suak pen achiam ua, khoia hung kipan-a hung om ahih atheikei ua, (hinanleh silate tuidimte`n athei ua), nek bawl thusate`n mouneipa asam ua

¹⁰tualeh aman a kiangah, “Miteng in atu`ng in uain hoih atungkhia ua, tualeh tamdeuh ahung dawn nung chiang un ahoihlou jaw atungkhia uh; nang tutanin uain hoih natung nalai hi!” achi uhi.

¹¹Hih sillamdang kipatna pen Jesu`n Galili gam a kana khua a abawl ahi a; athupina alangsakta a, tualeh a nungjuite`n amah agingta ta uhi.

¹²Tuazoh in Kapernaum ah apaisuk a, amah tawh, anu tawh, a sanggamte tawh, tualeh a nungjuite tawh, huasan ah ni sawtpi atam kei uhi.

¹³Tualeh Judate paikan kut ahung naita a, Jesu Jerusalem ah apaitou a.

¹⁴Tualeh Pasian tempul a bawng leh belam leh vakhu juakte leh dangka khekte tou amu a.

¹⁵Jepna khauhual a bawlzoh in tempul a kipan belamte bawngte a hawlkhia a, tualeh dangka khekte dangka a sunbuaksak a, a dohkan uh asawnpuk sak hi;

¹⁶tualeh aman vakhu juakte kiangah, “Hih silte hihsan a pat lakhia un; Ka Pa inn summet bawlna in bawlkei un!” achi hi.

¹⁷Tuachi`n a nungjuite`n, “Na inn a ka phattuam ngaihna in ahung negaita,” chih gelh ahung theikhia uhi.

¹⁸Tualeh Judate`n adong ua a kiangah, “Hih silte nabawl chiamtehna bang ahia nung lahtheih?” achi ua.

¹⁹Jesu`n adawng a, akiang uah, “Hih tempul hihsia le uchin nithum ni-in ka tungding kik ding,” achi hi.

²⁰Tuachi`n Judate`n, “Kum sawmli leh guk hih tempul bawlnan alut a! Nang nithum sung in na tungding ding maw?” achi ua.

²¹Hinanleh aman tuapen a taksa tempul gen ahijaw hi.

²²Tuajiakin misi lak a kipan a athohkik nung in a nungjuite`n, akiang uah hihthute gen ahi chih ahung thei khiata ua; Pasian Laisiangthou leh Jesu thugente agingta ta uhi.

²³Tualeh paikan ankuang luina a Jerusalem a aom laiin a sillamdang bawlte amuh tak un, mi tampite`n amin agingta ta uhi.

²⁴Hinanleh Jesu alak uah aki phumlut nuam kei hi, ajiak aman mi jousiah athei hi.

²⁵Tualeh mihing sung a om atheih jiakin mihing thu kuamah hilhchet apoimoh kei hi.