Read Thangal Naga NASEPTE 12 Bible Online

NASEPTE 12 - Thangal Naga bible

NASEPTE 12

¹Tualeh huahun laiin kumpipa Herod in saptuamte lak a kuate ahiam bawlgentheih sawm in akhut alekta a.

²Tualeh Johan sanggampa Jakob pen namsau in asat lum a.

³Tualeh hih in Judate akipaksak chih amuh in. Peter zong mat sawm a (Hualai pen tanghou tol sawhlouh nite ahi a.)

⁴Tualeh amah amattak un thong ah akhumta ua, galkap hawnli li in aveng aki khelsak jel a. Paikan kut zoh in mipite kiang ah paikhiat pih asawm hi.

⁵Tuajiakin Peter pen thong sung ah akoih tadih a, hinanleh saptuamte`n amah dingin phattuamngai takin Pasian kiang ah ana thumsak uhi.

⁶Tualeh Herod in a paikhiatpih dingni, huajan ngeiin Peter pen galkap nih kikal ah sikkol nih bulh in a ihmu a, tualeh avengtute`n zong kongkhak bul ah om in thong aveng uhi.

⁷Tualeh ngaiin, Toupa vantungmi khat akiang ah a hungpai a, thong sung ah vak ahung tangta a, tualeh Peter apang bengin aphong a, “Thoukin in!” achi a, tualeh kolte akhut a pat akiata hi.

⁸Tuachi`n vantungmi in akiang ah, “Na kawng gak inla na khedap bulh in,” achi a. Tualeh aman tuachibang in abawl a, tuakhit in vantungmi in akiang ah, “Na puan silh inla hungjui in,” achi a.

⁹Tuachi`n Peter apawt a ajuita a, vantungmi silbawl pen atak ahih atheikei a, manglam a amuh asajaw hi.

¹⁰Vengtu masa leh anihna apelh nung un, khuapi lutna sikkot a tungta ua, tuapen amauh a dingin amah leh amah ahung kihongta a, tualeh apawt ua, kongpi khat akhen ua, tuachi`n vantungmi in a paisanta hi.

¹¹Tualeh Peter ahalhtak in, “Toupa`n vantungmi ahung sawl a! Herod khut a leh Judamite kinepna jousiah a kipanin ahung hunkhiata chih tuin chiantak in ka theikhiata,” achi a.

¹²Tualeh hua sil angaihtuah zoh in Johan amin dang Marka achih uh nu Mari inn ah avapai a, tuasan ah thumna nei in mi tampi ana omkhawm uhi.

¹³Tualeh Peter in kot akiuh takin, amin Rhoda kichi nungak khat adawng dingin ahung pai a.

¹⁴Tualeh Peter aw ahih atheihtak in, a kipak jiakin kot honglou in atailut kik jawta a, Peter kotkhak bul ah ading chi`n avagen a.

¹⁵Amau`n akiang ah, “Amaw hiteh,” achi ua. Hinanleh aman, thudik ahi chi`n apang teitei a. Tuachi`n amau`n, “Vantungmi ahi,” achi uhi.

¹⁶Hinanleh Peter in kot akiu kiu a, tualeh kot ahon tak un amah amu ua, lamdang asa mahmah uhi.

¹⁷Hinanleh aman adaihna ding un akhut in ajap a, Pasian in thong a pat amah apaikhiat pih dan ahilhta a, “Hih thute Jakob leh gingtu dangte kiang ah vahilh un,” achia. Tuachi`n apawt a mun dang ah apaita hi.

¹⁸Tuachi`n ni asuah takin, galkapte pen Peter khoia om ahia? chi`n buai chihtak in abuaita ua.

¹⁹Tualeh Herod in azong a, amuhlouh takin avengtute a enchian a, thah ding in thu apiata hi. Tuachi`n Herod pen Judea gam a kipan Kaisaria khua ah apaisuk a, huasan ah aom denta hi.

²⁰Tualeh Herod Tura leh Sidon mite tung ah alung kim mahmah kei a, hinanleh amau`n Blasta kumpipa innsung vaipuapa a kijolhpih ua. Thukhat a luangkhawm in akiang uah a hungpai ua. A khualamte uh kumpipa khualam a puktawjel ahihjiak un kilemna a ngen ua.

²¹Tualeh ani chiamni in Herod in a Leng puan asilh a, aleng touna tung ah atou a, akiang uah thu agen a.

²²Tualeh mipite kikou in, “Hihpen Pasian aw ahi, mihing a ahi kei!” achi ua.

²³Tualeh Pasian kiang a pahtawina apiaklouh jiakin, Toupa vantungmi in amah aman paingal a. Hut in ane a, asita hi.

²⁴Hinanleh Pasian thu pen akhang a, apung semsem hi.

²⁵Tualeh Barnaba leh Saul pen a nasep azoh un, Jerusalem khua a kipat akik kikta ua, Johan aminkhem Marka pen akiang uah azohpih uhi.