Read Thangal Naga NASEPTE 14 Bible Online

NASEPTE 14 - Thangal Naga bible

NASEPTE 14

¹Tualeh Ikonium khua ah hichi ahung hi a, Judate kikhopna inn ah alut khawm ua, thu agen ua, tuachi`n Judate leh Grikte tamtak in agingta ta uhi.

²Hinanleh agingta lou Judate`n Jentelte achilsia ua, unaute a mudahsak ta uhi.

³Tuajiakin Toupa ah hangsan tak a thu genin huasan ah sawttak aom ua, amau`n chiamtehnate leh sillamdangte akhut ua bawlsakin, a hehpih thu atheisak jel uhi.

⁴Hinanleh khuapi sung a mipite aki langkhen ua, khenkhat in Judate agum ua, khenkhat in sawltakte agum uhi.

⁵Tualeh Jentelte leh Judate`n alamkaite utawh kithuah a sawltakte jumhuaitak a bawl leh suang a den sawm a a buailai un.

⁶Amau`n hihthu ana thei ua, Likaunia gam a Litra leh Derbe khua tualeh akimvel gam ah ataimang uhi.

⁷Huasan ah tangthupha a genta uhi.

⁸Tualeh Litra khua ah kengjaw kuahiam mi khat atou a, apiantung a pat kengbai mawng ahi a, keng in apaikha ngaikei hi.

⁹Hihpa`n Paul thugen angaikhia a, tualeh Paul in limtak in a en a, a damna dingin ginna anei chih athei a

¹⁰aw ngaihtak in, “Na keng in dingtang in!” achi a, tuachi`n amah akitawm a, akeng in apaita hi.

¹¹Tualeh mipite`n Paul silbawl amuh tak un, aw ngaihtakin akikou ua, Likaunia ham in, “Pasiante pen mihing bang a ikiang ua hungpai ahi uh!” achi ua.

¹²Tualeh Barnaba pen Jupiter achi ua, Paul pen thugenpen ahih jiakin Markuria achi uhi. [4]

¹³Tuachi`n, khuapi kong mai a om Jupiter siampipa`n bawngtalte leh pakvui kongpi bul ah ahung tawi a, mipite tawh amauh gel biakna dingin thah atum hi.

¹⁴Hinanleh sawltakte, Paul leh Barnaba in hua atheih tak un apuan uh a botkek ua mipi lak ah atawmlut ua, akikou ua,

¹⁵“Pute bangding a hih silte bawl nahi uhiam? Kou zong noutawh thuak kibang ka hi uhi! Tualeh hih sil thulim loute na kiheisan ua, van leh lei tui khanglian tualeh asung a sil om jousiah bawlpa Pasian kiang ah nung kihei theihna ding un tangthupha kung tut uh ahi.

¹⁶Hua Pasian in nidanglai in namchin amauh lampi chiat a apai aphal a.

¹⁷Ahihhang in amah theihsakna bawllou in ama thuin a omsak kei hi: tuachi`n silhoih abawl jel a, van a pat guahtui leh gahpha bangkim ahung pia a, ilungtang uh nek ding leh kipakna in adimsak jing hi,” achi ua.

¹⁸Tualeh hihthute genin mipite`n amauh biakna ding a gan agoh ding uh a kham jou hamham uhi.

¹⁹Tuachi`n Antiok khua leh Ikonium khua a pat Juda kuate hiam huasan ah ahung pai ua, mipite akhem jou ua, tuachi`n Paul suang in adeng ua, si a agintat jiak un khuapi geilam ah akaikhia uhi.

²⁰Hinanleh gingtute aki`m a adin laiun, ahung thou a, khuapi sung ah ahung lutkikta a, tualeh ajing in Barnaba tawh Derbe khua ah apaita uhi.

²¹Tualeh amau`n hua khuapi ah tangthupha agen ua. Nungjui tampi asiam khit un Listra leh Ikonium leh Antiok khua ah akileh kikta uhi.

²²“Gimna tampi thuakin Pasian gam ah ilut ding mawng uh ahi,” chi`n nungjuite lungsim a kipaksak ua. Ginna a omgige dingin a hanthawn uhi.

²³Tualeh saptuam chin a upate a namdet ua, an ngawla athum zoh un amauh aginna uh Toupa kiang ah akemsakta uhi.

²⁴Tualeh Pisidia gam atawnsuk ua, Pamphilia gam atung ua.

²⁵Tualeh Perga khua a thu agenzoh un Attalia khua ah apaisuk ua,

²⁶huasan a kipanin gunkuang in apai ua, a nna sepsa uh sem ding a unauten Pasian hehpihna kemsak a apawtna uh Antiok khua ahung tungta uhi.

²⁷Tualeh a hungtun un saptuamte asam khawm ua, Pasian in amauh zang a sil abawl jousiah leh Jentelte ding a ginna kongkhak ahonsak dante ahilh uhi.

²⁸Tuachi`n nungjuite tawh sawtpi a omkhawmta uhi.