Read Thangal Naga NASEPTE 6 Bible Online

NASEPTE 6 - Thangal Naga bible

NASEPTE 6

¹Tualeh huahun lai a nungjuite atam semsem lai un, a niteng silhawm uah meithaite a ngaihsak louh gige jiak un Grik ham jang Judate Hebraite tungah aphunta ua.

²Tuachi`n sawm leh nihte`n nungjui mipite asam ua, “Pasian nasep ka tawpsan ua dohkan tung a nek ding nna kasep uh ahoihkei ding hi.

³Tuajiakin sanggamte aw, nalak ua Khasiangthou leh pilna a kidim, mihoih ngen sagih tel un, amauhte hih sil ngaihtuah dingin i bawl ding uhi.

⁴Hinanleh kou pen thumna leh thu nna sem ding in kung ki pumpiak jing ding uhi,” achi ua.

⁵Tualeh huathu in mijousiah aki paksak a, tuachi`n Stephen, ginna leh Khasiangthou a dim tawh, Philip tawh, Prokoras tawh, Nikanor tawh, Timon tawh, Parmenas tawh, Judate biak dan jui, Antiok khua a mi Nikolas tawh atel ua.

⁶Amauhte sawltakte mai ah adingsak ua, athum ua, atung uah akhut uh akoih uhi.

⁷Tuachi`n Pasian thu ahung kithehjak deuhdeuh a, Jerusalem ah nungjuite ahung tam mahmahta uhi. Tualeh siampute lak ah zong mi tamtak ginna lam ah a thumangta uhi.

⁸Tualeh, Stephen, ginna leh sil bawltheihna a dim in mi lak ah sillamdang leh chiamtehna thupitakte a bawljel hi.

⁹Tuachi`n sal a pat suahtakna ngahmite, Kurini khua-ate, Aleksandria khua a mite kikhopna inn achih ua mi khenkhat leh Silisia gam a leh Asia gamate kikhopna inn a mi khenkhatte ahung kisa ua, Stephen ahung kinialpih uhi.

¹⁰Hinanleh apilna leh a genpihtu Khasiangthou tuh anialkhia thei takei uhi.

¹¹Tuachi`n mi agu`k in athuzoh ua, huate`n, “Mosi leh Pasian agensiat uh kaja uh!” achi ua.

¹²Tuachiah mipi, upate, laigelhmite a tokthou ua, tuachi`n amauh ahung pai ua, Stephen aman ua, vaihawmmite kiangah apaipih uhi.

¹³Tualeh theihpihtu dikloute abawl ua, huate`n, “Hihpa`n, hih mun siangthou leh Mosi dan agensia gige,

¹⁴Ajiak, hih Nazareth Jesu`n hih mun siangthou a hihsia ding a, Mosi-in dan ahung piakte akhek lamdang ding chia agen kaja uh!” achi ua.

¹⁵Tualeh vaihawmna a toute jousiah in Stephen a ensal chiat ua, amel vantungmite mel bangin amu uhi.