Read Thangal Naga ROMMITE 2 Bible Online

ROMMITE 2 - Thangal Naga bible

ROMMITE 2

¹Tuajiakin mihing aw, midang na thukhensakna tak ah nangmah siamlouh na kitan hi, nang thukhenpan zong huabang silte nabawl veve jiakin ngaihdamtheih na hitakei hi.

²Hinanleh huachibang sil bawljelte tung a Pasian vaihawmna pen thutak dungjuiin ahi chih ithei uhi.

³Tualeh huachibang silbawlte gensia a nang zong huate bawl veve, mihing aw! Pasian vaihawmna pel ding a kigingta na hi hiam?

⁴Ahihkeileh Pasian hoihna in kisik dingin nang ahung makaih chih theilou in, ahoihna hauhdan leh dohzawh dan leh thuaktheihnate simmoh nahi hiam.

⁵Hinanleh na lungtang khauhjiak leh na kisik nuamlouh jiakin Pasian thangpaihna ni leh vaihawmna diktak hung kilakni chiang a dingin natung ah thangpaihna naki khawlkhawm hi.

⁶Aman michih asilbawl bang jel un athukkik ding hi.

⁷Silhoih bawl a kuhkal tak a pang a, thupina, leh pahtawina, leh manthai theihlouhna; zong mite kiangah tangtawn hinna apia ding a.

⁸Hinanleh genhak a, thutak juilou a, diktatlouhna juijawte tungah hehna leh thangpaihnate a om ding.

⁹Thuakgimna leh lungkhamna thupitak sil gilou bawlte kha tungah a om ding hi; Judate kha tungah a om masa ding a, Grikte kha tungah zong a om ding hi.

¹⁰Hinanleh silhoih bawl jousiahte kiangah pen thupinate, pahtawinate tualeh khamuannate piak ahi ding; Judate kiangah piak masak ahi ding a, tualeh Grikte kiangah zong piak ahi ding hi.

¹¹Ajiak Pasian in mi deihsak tuam aneikei hi.

¹²Kuapeuh dan neilou a sil bawlkhial pen dan louin a mangthang ding a, kuapeuh dan nei a sil bawlkhial pen dan a vaihawmsak in a om ding hi.

¹³Ajiak dan ajami guak hih pen Pasian mitmuh in midik ahi kei a, hinanleh dan juite pen midik ahijaw ding uhi.

¹⁴Ajiak dan neilou Jentelte`n amauh pianpih dan silte abawl ua, dan neikei nanle uh hihte dan in a kineih tawm uhi.

¹⁵A lungtang uah dan silbawl gelh ahi chih a ensak ua, tuapen asia leh pha theihna un atheihpih a, a lungsimte uh kisel in khatvei siam, khatvei siamlouh aki tangsak lehleh uhi.

¹⁶Ka Tangthupha gen dungjui a Pasian in Jesu Krist zang a mihingte thugu`k vai ahawmni chiangin.

¹⁷Ngai un? Nangpen Judami kichi nahi a, dan namuang ua;

¹⁸tualeh adeihlam nathei a, dan hilh in na om a, sil hoihjawte na khen thei a;

¹⁹tualeh nang mahmah mittawte lamkaitu leh mial a omte a dingin vak hi in nakithei a.

²⁰Dan a pilna leh thutak omdan naneih jiakin mimawte hilhtu leh naungekte hilhtu hi in na ki gingta hi.

²¹Tuajiakin, nang, midangte hilhtu, nang leh nang kihilhlou na hi maw, “Nang, guktatlouh ding chia thugenpa`n hinanleh nangin na gujel maw?”

²²“Nang, angkawm louhding chia hilhtu`n”— hinanleh nang ang nakawmjel maw? Nang, milim kihdakpa, milim biakna tempul a silte nagu jel maw?

²³Nang, dan suangpa, dan na bohsiat jiakin Pasian min na hihminsia jel maw?

²⁴“Ajiak Pasian min pen nou jiakin Jentelte lak ah gensiat in a omta hi,” chia gelh bangin.

²⁵Ajiak dan juitu nahihleh teptan a phatuam a, hinanleh dan botsitu nahihleh na teptan pen tanlouh mahbang ahita hi.

²⁶Tuajiakin tep tanlou mi`n dan thusehte ajuih leh a teptanlouh pen tan bang a sim ahi kei ding maw?

²⁷Tualeh piandan a teptan mi`n dan ajuihkim leh, nang, dan thugelh leh teptan dan neingal a dan botsiatu pen ahung mohpaih kei ding uh maw?

²⁸Ajiakpen a pualam guak a Judami hihpen Judami taktak ahikei, a kilang a a pualam guak a teptanmi pen teptan ahikei hi.

²⁹Hinanleh a sungtawng a Judami hihpen Judami taktak ahi, tualeh teptan taktak ahihleh lungsim lam a tan ahi, lai thu guak a hilou in, kha ah ahi, amah pahtat lawh pen mihing a ahi kei a, Pasian a pat ahijaw hi.