Read Thangal Naga ROMMITE 5 Bible Online

ROMMITE 5 - Thangal Naga bible

ROMMITE 5

¹Tuajiakin ginna jiak a siamtansak a om in, I Toupa Jesu Krist jiakin Pasian tawh kilem in i om uhi.

²Amah jiak mah in hih i dinkipna hehpihna huang ah ginna a luttheihna ineita uhi, tualeh Pasian thupina a kinem in kipak in zong i om uhi.

³Tualeh hua guak hilou in, gimthuakna in kuhkalna a hungtun chih thei in gimthuakna ah zong ikipak uhi.

⁴Tualeh kuhkalna in theihchianna a hungtun a, theihchianna in kinepna a hungtun hi.

⁵Tualeh kinepna in a zahlaksak kei a, hua Khasiangthou ikiang ua ahung piak in Pasian itna i lungtang ua asundim tak jiak in.

⁶Ajiak ihatlouh laiin, a huntak in Krist pen Pasian ngaihsakloute dingin ahung sita hi.

⁷Midik tang a sih mi a ut khawl kei ding a. Hinanleh mihoih tang a sih mi khenkhat in a ngap maithei hi.

⁸Hinanleh mikhialte ihihlai a Krist itang a ahung sihna ah Pasian in ahung itna a langsakta hi!

⁹Huaban ah, a sisan a siamtansak a i om nungin amah jiakin Pasian thangpaihna panin hundam in i omta uhi!

¹⁰Ajiak pen melma ihihlai a bawn a Tapa sihna jiak a Pasian tawh kilem a i om tak uleh, kilem a i om zoh nung un ahinna jiakin hundam in i omsem ding uhi!

¹¹Tua guak zong hilou in, hinanleh tu a tatna imuhna I Toupa uh Jesu Krist jiakin Pasian kiang ah zong ikipak uhi.

¹²Tuajiakin, mi khat jiakin leitung ah khialhna ahung lut a, khialhna jiakin sihna a hunglut mahbang in mi jousiah ana khialh khittak jiakin sihna in mi jousiah ajelsuakta hi.

¹³Ajiak dan omma in khialhna leitung ah a om khinta a, hinanleh dan omlouh laiin khialhna pen khialhna a sim ahi kei hi.

¹⁴Hinanleh adam a kipan a Mosi tanpha in adam khialhna bang a sil bawlkhial loute tungah sihna in vai ahawm hi. Adam pen ahung paidingpa etsakna ahi.

¹⁵Hinanleh sil thawnpiak pen gitlouhna tawh kibang ahi kei hi. Ajiak mikhat gitlouh jiak a bawn mi tampi asih ua ahihleh, Pasian hehpihna leh, mi khat Jesu Krist hehpihna jiak a silthawnpiak pen mi tampi tung ah piak in a om jawsem ngei ding hi.

¹⁶Tualeh sil thawnpiak pen mikhat khialh jiak a sil hung om tawh a kibang kei hi. Ajiak ahihleh siamlouh tansakna vaihawmna pen mikhat “khialhna” jiakin ahung om a, hinanleh silthawnpiak pen gilou tampite jiakin “Siamtansakna!” dingin ahung om hi.

¹⁷Ajiak pen mikhat khialh jiak a sihna in hua mikhat jiak mah a thuneitak a vai ahawm leh, hehpihna thupitak leh silthawnpiak mute`n mikhat Jesu Krist jiakin hinna ah vai a hawm jawsem ding uhi.

¹⁸Tuajiakin mikhat gitlouh jiak a siamlouh tansakna vaihawmna mi jousiah tung ah ahung om a, tuachimah bangin mikhat diktatna silbawl jiakin hinna muhna dingin siam tansakna silthawnpiak pen mi jousiah tung ah ahung om hi.

¹⁹Ajiak mikhat thumanlouh jiak a mi tampi mikhial a bawl ahih bang un, mikhat thuman jiakin mi tampi midiktat hihsak ahi ding uhi.

²⁰Tualeh gitlouhna atamsem na dingin dan ahung om behlap nalai a, hinanleh khialhna apunna ah hehpihna zong apung jawsem hi.

²¹Khialhna in sihna a vai ahawm mahbang in, hehpihna in diktatna jiak a tangtawn hinna tunna ding khop a I Toupa uh Jesu Krist jiakin vai ahawm hi.