Read Thangal Naga 1 KORINTE 7 Bible Online

1 KORINTE 7 - Thangal Naga bible

1 KORINTE 7

¹Tuin ka kiang a nung silgelhte uh thu ah, pasal in numei sukkhaklouh ahoih hi.

²Hitalehzong, kingaihnate a omlouhna dingin pasal teng in amah zi chiat kineih hen, tualeh numei in zong ama pasal chiat kineih hen.

³Pasal in azi kiangah ama tanding hun pia hen, tuachimah bangin numei in zong apasal kiangah pia hen.

⁴Zi in ama pumpi tung ah thu anei kei a, hinanleh apasal in aneijaw hi. Tuachimah bangin pasal in zong a pumpi tung ah thu anei kei a, hinanleh azi in aneijaw hi.

⁵Anngawlna leh thumna a na kipumpiak theihna ding ua, hunkhat sung pha satuak nahihkei ngal uleh akuamah kikham kei un. Tualeh na kidek zohlouh jiak ua setan in ahung khemlouhna dingin hung omkhawm jel un.

⁶Hinanleh hihthu pen thupiak bang a gen hilou in, phalsak thu in ka gen ahijaw hi.

⁷Ajiak mi jousiah kei bang le uh ka deih hi, hinanleh michih in Pasian a pat silpiak tuamchiat inei uhi, khat in hihbang in, adang in huabang in.

⁸Hinanleh zinei nailoute leh meithaite hichin kachi hi, keimah bang in omle uh amauh a dingin ahoih ding hi.

⁹Hinanleh akidekzoh kei ding ua ahihleh kiteng uheh, ajiak huk sang in kiten ahoihjaw hi.

¹⁰Tualeh kitengsate kiangah thu kapia hi, kei piak hilou in Toupa piak ahijaw: zi in apasal paisan kei hen;

¹¹Hinanleh apaisan leh pasal neilou in omjing hen. Ahihkeileh apasal tawh kilem kik uhen, tualeh pasal in zi khulkei hen.

¹²Hinanleh adangte kiangah (Toupa hilou in, ken): ka gen ahi, unau kuapeuhin ginglou zi a aneih a, amahnu akiang a aom nuam jing leh khulkei hen.

¹³Tualeh numei, gingloumi pasal a neiin apasal in akiang a omjing a ut leh khen kei hen.

¹⁴Ajiak ginglou pasal pen azi jiakin suksiangthou in a om a, tualeh ginglou zi zong apasal jiakin suksiangthou in a om hi. Atuachih keileh na tate uh asiang kei ding hi, hinanleh tuin amauhte asiang uhi.

¹⁵Hinanleh aginglou pen in akhen leh, khen mai hen. Sanggampa hiam, sanggamnu hiam pen huachibang thu ah ka`n in a om kei hi. Hinanleh Pasian in eite pen kilem dingin a hungsam hi.

¹⁶Ajiak zi aw, na pasal na hundam ding leh dinglouh bang nathei a? Ahihkeileh pasal aw, nazi na hundam ding leh dinglouh bang chi`n nathei a?

¹⁷Hinanleh Pasian in michih kiang a a hawmsak taak bangin, tualeh Toupa`n michih asaptak bangin, tuachi`n om hen, tualeh huachibang in ken zong saptuam chin ah ka namdet hi.

¹⁸Teptansa a asap mi a om ei? Tep tanlou hung hituan kei heh, tep tanlouh a asap mi a om ei? Tep tantuan kei heh.

¹⁹Pasian thupiak juih chihlouh ngal, teptan bangmah ahikei a, teptanlouh zong bangmah ahituan kei hi.

²⁰Michih sap a aomna uah omjing uhen.

²¹Sila nahihlai a sap nahiai? Khawk saken, tualeh suahtaksak theih ding nahihleh hua ngamsuk in.

²²Ajiak sila hihlai a Toupa a sap tuh Toupa a zalen ahi, tuachimah bangin mi zalen hihlai a sap zong Toupa sila ahi.

²³Man a leisa nahi ua, mi sila in omkei un.

²⁴Unaute aw, michih sap a aom bang chiat in, hua ah Pasian tawh omjing hen.

²⁵Tuachiang in nungak siangthoute tungtang ahihleh Toupa thupiak bangmah ka neikei hi. Hilehzong gin-om a om ding a Toupa hehpihna tang ka hih jiakin ka ngaihdan ka gen ding hi.

²⁶Tulai haksatna jiakin hih hoih dingin ka ngaihtuah hi, mi aom ngaingai ua a omjing uh ahoih hi, kachi hi.

²⁷Zi a hen a om na hiam? Ki sutkhiat sawm ken, zi a henlouh a om na hiam? Zi neih sawm ken.

²⁸Hinanleh zi naneih leh zong sil na bawlkhial tuan kei hi, tualeh nungak siangthou in zong pasal nei nanleh sil a bawlkhial tuan kei hi. Hitalehzong tuachibang miten taksa ah gimna athuak ding uhi. Hinanleh ken na thuaklouh uh ka deih hi.

²⁹Hinanleh unaute aw, hih ka gen ahi, hun atomta hi, tuachi`n zineite zong zi neilou bang in;

³⁰kapte zong kaplou bang in, kipakte zong kipaklou bang in, sil leite zong aneilou bang in;

³¹tualeh leitung zangte zong azangval lou bang in om hen, ajiak hih leitung omdan pen abeimang jing hi.

³²Hinanleh ken lungkhamna beia na om uh kung deihsak hi, zi neilou in Toupa akipaksak theihna dingin Toupa lam silte angaihsak nak hi.

³³Hinanleh zi neiin azi a kipaksak theihna dingin, leitung silte a ngaihsak nak hi;

³⁴numei pasal nei leh nungak siangthou zong aki bang kei hi. Ajiak pasal neilou in pen pumpi leh kha lam siangthou tak a a omtheihna dingin Toupa lam silte a ngaihsak hi, hinanleh numei pasal neiin apasal kipaksak theih nang in leitung lam silte a ngaihsak nak hi.

³⁵Tualeh hihte nou phattuamna ding a ka gen ahi, nou tung a kham nang a ka gen ahi kei a, hinanleh omdan kilawm hun a na omtheihna ding un leh, Toupa nna buailou a na septheihna ding ua ka gen ahijaw hi.

³⁶Hinanleh pasal khat peuhin a tanu a pallaini bei dong a aom sak a a tung a bawlkhial akisakleh pha asak bangin bawl hen. A khial kei hi, koppih neisak hen.

³⁷Hitalehzong lungsim dettak pua a, ki tulmohna taktak neilou a, hinanleh mahni utna thununzou a a tanu kepjing a lungtang a tumpa in a bawl hoih hi.

³⁸Tuachi`n a tanu koppih neisakpa in a bawlhoih hi, hinanleh koppih neisakloupa in abawlhoih sem hi.

³⁹Zi pen a pasal damsung teng dan a hen ahi a, hinanleh Toupa a om mi ahihnak leh a pasal asihleh a deihtaphot a kitenpih thei hi.

⁴⁰Hinanleh kei ngaihdan in ahihleh a om ngaiin om leh nuam asajaw ding hi, tualeh ken zong Pasian kha neiin zong ka ngaihtuah hi.