Read Thangal Naga 2 KORINTE 7 Bible Online

2 KORINTE 7 - Thangal Naga bible

2 KORINTE 7

¹Tuajiakin unau ittakte aw, hih thuchiamte ineih jiak un, Pasian launa a siangthouna hihbukim in, taksa leh kha bawlhoihna jousiah a pat iki hihsiang ding uhi.

²Koulam ah na lungsim uh hong un, kuamah diklou in ka bawl kei ua, kuamah ka hihsia kei ua, kuamah ka khembawl kei uhi.

³Nou siamlouh tansakna ding a hih ka gen ahi kei, isihleh sikhawm a, ihinleh hingkhawm dingin ka lungtang uah nateng uh chih tu-ma in kung genta hi.

⁴Noulam ah ka hamngam dan athupi a, nou jiak a ka kisuan dan athupi hi! Lungmuanna in kadim ua, ka thuakgimna jousiah uah ka kipak mahmah uhi.

⁵Ajiak Mesidonia gam ka hungtun nasan un, ka taksa un tawlngakna anei kei a, alang alang ah tokbuai in ka omjaw uhi. A pualam ah kihaunate a om a, asunglam ah launate aom hi.

⁶Hitalehzong pampaih a omte khamuantu Pasian in Tita hung paina in ahung khamuanta hi.

⁷Tualeh amah hungpaina guak hilou in, hinanleh aman nou a khamuanna aneih dan, nou kei nung ngaihdan uh, nung khasiatpih dan uh, kei ding a na phattuamngaih dan uh a hunghilh takin ahung khamuang sakta hi.

⁸Ajiak ken, ka laikhak in nou hung hih lungkhamsak tamahleng zong ka kisik kei hi, na kisik tamah nanleng zong, ajiak hua laikhak mah in nou tomnou khat sung bek hinanleh ahung hih lungkham chih ka thei hi.

⁹Tuin ahihleh ka kipak hi, hihlungkham a na om jiak un hilou in, kisikna ding a na lungkham jiak un ahijaw, ajiak nou koujiak a siatna bangmah natan louhna ding ua Pasian deihlam bang a hihlungkham a om na hi uhi.

¹⁰Ajiak Pasian deihlam bang a lungkhamna in lungsim khekna leh hundamna lam ah ahung pui a, hua ah kisikna a om kei hi.

¹¹Ajiak ngaiun, Pasian deihlam bang a hih na lungkhamna uh ngeiin bangzahta a nou a ding a pilvanna hung bawlsak ata! Noumau ki hihsiangnate, hehnate, launate, lunggulhnate, phattuam ngaihnate, phuba lak utnate, hih silte jousiah ah nasiang uh chih na muchianta uhi.

¹²Tuajiakin, na kiang uah gelh nanleng zong, adiklou bawlpa jiak a gelh ka hikei a, diklou tak a athuakpa jiak a zong kagelh ahi tuan kei a, ka tung ua na phattuamngaih dan uh Pasian mitmuh a na kiang ua hihlat a a omtheihna ding a kagelh ahijaw hi.

¹³Tuajiakin, na khamuanna uah ka khamuangta uhi. Ahi, Tita kipakna jiakin ka kipak tungtuang uhi, na un ua alungsim na suk-halhsak jiak un!

¹⁴Ajiak akiang ah banghiam a hung suanna nei taleng zong, kajum kei hi, hinanleh thutak a sil jousiah na kiang ua ka gen bang un, Tita mai a kungsuanna zong thutak ahi mawng hi.

¹⁵Tualeh nou na un ua na thuman dante uh, lau leh lingkawm a amah na kipahpih dante uh agelkhiat chiangin, alungsung a nou ahung itna alian semsem hi.

¹⁶Tuajiakin, sil jousiah a natung ua muanna kaneih jiakin ka kipak hi!