Read Thangal Naga 2 KORINTE 9 Bible Online

2 KORINTE 9 - Thangal Naga bible

2 KORINTE 9

¹Tuin misiangthoute ding a nasepna lam thu pen na kiang ua kung gelh angai kei hi.

²Ajiak na panpih utnate uh ka thei a, Hua thu ah, “Akhaia gam, kipanpihna kumkhat ahita,” chi`n Mesidonia gam a mite kiangah kung kisuanpih mahmah a. Tualeh na phattuam ngaihna un mi tampite atawkthou hi.

³Hilehzong hichilam thu ah nou kung suanna athawn ahih louhna dingin unaute kungsawl hi. Kagen bang a kimansa a na omtheihna ding un.

⁴Atuachih keileh Mesidonia gam a mite ka kiangah hungpai in, nou kiman nailou in hungmu tale uh, kou—-nou kung chi kei—-nou pen hung taksan a kung suanna lam uah ka mualphou kha ding uhi!

⁵Tuajiakin masang a na chiamsa uh silpiak pen itkawm kawm a hilou a, phaltak a piajaw a, mansa diam a na koihna ding un, ahunma a na kiang ua unaute hungpai masa ding a hasot ngaiin ka ngaihtuah hi.

⁶Hinanleh hih ka gen ahi, athehtawm in a attawm ding a, hinanleh athehtam in a attam ding hi.

⁷Michih in a lungtang a atup bang bang in pia hen, it kawm kawm a, ahihkeileh piaklouh theihlouh a ngaia pialou in, ajiak Pasian in kipaktak a piate a it hi.

⁸Tualeh Pasian in hehpihna jousiah natung uah ahung vukthei hi, tuachia nou bangchiklai peuhin silhoih jousiah a bukim a omjing in, nasep hoih jousiah na semthei ding uhi.

⁹Laisiangthou a, “Athehjak a migentheite kiangah apia a; adiktatna uh tangtawn in a omjing hi,” chih gelh bang in.

¹⁰Tualeh athehpa kiang a khaichi piapa in nanek ding uh tanghou ahung pia a, na khaichi theh uh apungsak a, tualeh na diktatna gah uh zong apungsak hi.

¹¹Silphal ding a bangkim a hihhauhsat a om in, hua in koujiak in Pasian kiangah kipahthu genna a omsak hi.

¹²Ajiak hih nasepna in misiangthoute taksap awng ahuksak guak hilou in, Pasian kiang a kipahthu genna tampi a luanglutsak hi.

¹³Hih nasepna a pat Krist tangthupha nuaia na kituhlutna uh leh amauh leh midang jousiah kiang a na silphal dan uh kitak jiakin amau`n Pasian apahtawi uhi.

¹⁴Tualeh amauh un zong nou a ding a ahung thumsakna in, natung ua Pasian hehpihna thupitak jiakin nou ahung ngai mahmah uhi.

¹⁵Asil thawnpiak simsenglouh jiakin Pasian kiangah kipahthu om hen!