Read Thangal Naga GALATIATE 3 Bible Online

GALATIATE 3 - Thangal Naga bible

GALATIATE 3

¹Galatia mimawte aw! Na lak ua, na mitmuh ngei ua Jesu Krist pen kilhden a a om chiantak a hilhchian a omta, hua thutak juilou ding a kuan hung bummaw na hita ua!

²Na lak ua kipan hih ka thei nuam hi, dan silte na bawljiak un amawleh kha na muh uh, ahihkeileh na ngaihkhiat ua na gintat jiak un?

³Hichi lawm lawm a maw na hi uh maw? Kha a pankhinta in, taksa in hihbukim ding na hi uh hiam?

⁴Sil huazahpi amawkna a thuak na hi uh maw? A mawkna bang na hitaleh!

⁵Tuajiakin, na kiang ua kha hung piatu leh, nalak ua sillamdang bawltu in dan silte jiakin ahiam abawl ahihkeileh na ngaihkhiat jiak ua na gintat jiak uh maw?

⁶“Abraham in Pasian agingta a, huapen a diktatna a simsak ahih mahbang in.”

⁷Tuajiakin ginna a omte, huate mah Abraham tate ahi uhi chih thei un.

⁸Tualeh Laisiangthou in ginna jiakin Pasian in Jentelte siam atangsak ding chih theikholh in, Abraham kiangah, “Nang ah nam jousiah gualjawl in a om ding uh,” chi`n tangthupha a nagenta hi.

⁹Tuachi ahihjiak in; ginna a omte pen migin om Abraham tawh gualjawl khawm in a om uhi.

¹⁰Ajiak dan silbawlte a om jousiah pen hamsia nuai a om ahi uh. Ajiak hihbang a gelh ahi, “Dan laibu a bawl ding a kigelh jousiah juijing loute pen hamsiat in a om uhi!”

¹¹Hinanleh, Pasian mitmuh in kuamah dan a siamtang a om kei ding uh chih akichian hi, “Ajiak midiktat pen ginna in ahing ding,” chih ahi.

¹²Hitaleh zong danpen ginna a piang ahi kei a, hinanleh, huachibang a bawlte pen huate ah ahing ding hi.

¹³Krist pen eite ta`ng in hamsiat in a hung om a, dan hamsiatna a pan ahung tankhiata hi, ajiak hihbang a gelh ahi, “Singdawn a khailup taphot hamsia thuak ahi uhi.”

¹⁴Tua Abraham tung a gualjawlna pen Jesu Krist jiak a Jentelte tung ah a hung om a, eiten kha chiam pen ginna jiak a i muhtheihna ding uh ahi.

¹⁵Unaute aw, mihing dan in ka gen ahi; hihpen mihing thukhun hinanleh, sukkip ahihleh kuaman a bawlsia ngaikei a, ahihkeileh abehlap ngaikei uhi.

¹⁶Tuin, Abraham leh asuante kiangah ahi hih thuchiam ana kipia. aman tampite genna bangin, “nasuante kiangah,” achi kei a, mikhat thu gen bangin, “nasuan kiang ah” a chijaw hi, huapen Krist ahi.

¹⁷Tualeh hih ka gen ahi, Pasian in Krist a asukkipsa thukhun pen, kum jali leh kum sawmthum nunga hung om bangin thuchiam pen bangmah lou suah dingin a hihmang theikei hi.

¹⁸Gouluah ding pen danjiak ahihleh, thuchiam jiak ahita kei ding hi, hinanleh Pasian in thuchiam jiakin hih Abraham ana piata hi.

¹⁹Atuachihleh bangding a dan om ahia? Hihpen chi-suang, a kiang a thuchiam piak a ompa, a hungpai masiah bohsiatnate jiakin behlap in om a, vantung mite zang a palai khut a sukkip ahi.

²⁰Tualeh palai pen mikhat guak a ding a palai ahi kei a, hinanleh Pasian khat ahi.

²¹Dan pen Pasian thuchiam kalh ahi diai leh? Hibaih lou! Hinna piathei dan ana ki piata hitaleh siam tansakna pen dan jiakin ana om teitei ding hi.

²²Hinanleh Jesu Krist ginna jiak a thuchiam pen a gingtate a kipiak theihna ding in; Laisiangthou in mi jousiah khialhna nuaiah a kulhkhumta hi.

²³Hinanleh ginna ahung tunma in dan a gakkhum in i na om ua, hung kilang ding ginna ah kep in i om uhi.

²⁴Tuajiakin danpen ginna jiak a siam i tantheihna ding a Krist kiang a hung puiding, a hunghilhtu ahi hi.

²⁵Hinanleh ginna a hungtun nungin, a hunghilhtu nuaiah i om nawn kei uhi.

²⁶Ajiak na un un Jesu Krist ginna jiakin Pasian tate na hi uhi.

²⁷Ajiak nalak ua Krist a batisma tang jousiah Krist a kivon na hita uhi.

²⁸Hua ah Judami, Grikmi a omnawn kei, saltang leh zalen zong a omnawn kei, numei leh pasal chihding zong a omtuan kei, ajiak na unpi un Jesu Krist ah pumkhat na hita uhi.

²⁹Tualeh huachia Krist a na hihtak ua ahihleh, Abraham suan, thuchiam dungjuia gouluah dingte na hi uhi.