Read Thangal Naga GALATIATE 4 Bible Online

GALATIATE 4 - Thangal Naga bible

GALATIATE 4

¹Tuin hichi`n ka chi hi, gouluahtu ding pen bangkim tung a lamkai hinanleh naupang ahihlai siah sila tawh kilamdanna a neituan kei hi.

²Hinanleh apa hun guat atun masang siah in akemtu leh a enkoltute nuai ah a omjaw hi.

³Tuachimah bangin ei zong, naupang i hihlai in, leitung silte nuai ah sila in i om uhi.

⁴Hinanleh ahunbi ching a hungtun tak in, Pasian in a Tapa, numei suan in dannuai a piang in ahung sawlkhiata hi,

⁵Ta hihna i tantheihna ding a, dan nuai a omte tankhia ding in.

⁶Tualeh ta na hihjiak un Pasian in a Tapa kha pen, “Abba Pa!” chi a kikou in na lungtang uah ahung sawlkhiata hi.

⁷Tuajiakin sila na hinawn kei ua, hinanleh ta na hijawta uhi, tualeh ta nahih uleh, tuachi`n Krist vang a Pasian gouluahtu na hi uhi.

⁸Tuachi hinanleh, Pasian na theihma un, a pianjia mawng a Pasian hiloute nna nasem uhi.

⁹Hinanleh tuin Pasian na hungtheih nung ua, ahihkeileh Pasian theihmi na hung hih nung ua, bang chidan a sil jawngkhal leh manlouhte sila a lutkik ut a kiheikik na hi ua?

¹⁰Nite, khate, hunte, na tang nak uhi.

¹¹Bangchi hiam a atung ua athawn a ka sepgim khak ding kung lausak hi!

¹²Unaute aw, kung ngen hi, keimah bangin om un. Ajiak kei zong noumah bangin ka om hi. Ka bangmah na hihkhial kei uhi.

¹³Na kiang ua tangthupha ka gen masak pen ahihleh ka taksa hatlouhna pum in ahi chih nathei uhi.

¹⁴Tualeh ka taksa a nou a ding a etkhiatna ompen na simmawh kei ua, ahihkeileh na nial kei uh, hinanleh Pasian vantungmi bang leh, thamlou in Krist Jesu banghial in nung pom uhi.

¹⁵Ahihleh vangpha na kisakna uh khoia om ata le? Achihleh bang gualjawlna in ahia na kipak uh? Ajiak hitheileh bawn na mit uh kheikhia in nung piahial ding uh chih theihpihna kungnei hi.

¹⁶Thutak kung hilh jiak a na melma uh hung suakdok kata maw leh?

¹⁷Amau`n kilawptak in nou ahung zong ua, hinanleh ahoihlam ahi kei, nou amauh na zontheihna ding ua hung puaseh sawm ahijaw uhi.

¹⁸Hinanleh, na kiang ua ka om guak hilou in, bangchiklai peuh a ahoihlam zong a omjing ahoih hi.

¹⁹Ka tanoute aw, noumah a Krist siam piching a aom masiah nausuak nat thuak in, kung thuak kik hi.

²⁰Tuin na kiang ua om a ka aw hih lamdang ka ut mahmah hi, ajiak na tung thu uah kung lungkham pih hi!

²¹Hung hilh un, nou dan nuaia om utte, danthu ngaikhialou na hi uh maw?

²²Ajiak hihbang a gelh ahi, Abraham in tapa nih anei a, khat pen a silanu tawh tualeh adang khat pen ahihleh zalennu tawh. [1]

²³Hinanleh silanu lak a pen taksa dan a piang ahi a, zalennu lak a pen thuchiam jiak a piak ahi, chih.

²⁴Hih thu bang gentehna ahia. Ajiak hih numei nihte thukhun nihte ahi uhi; khat pen sinai mual a pat sal a taang ding a taneinu ahi a, huapen Hagar ahi.

²⁵Tualeh Hagar pen Arabia gam a sinai mual ahi, tulai a om Jerusalem, tualeh a tate tawh sal a taangkhawm kigenna ahi.

²⁶Hinanleh tunglam Jerusalem ahihleh a zalen a, huapen i un ua nu ahi.

²⁷Ajiak hichi`n akigelh hi, “Aw Nang, taneilou a chingnu! Kipak in, nang nausuaknat thuaklounu; ngaihtak in kikou khia in! Ajiak pasal neinu sangin a ta`ng a omnu in ta anei tamjaw hi.”

²⁸Tuin unaute aw, eite pen Isak bang a thuchiam tate i hi uhi.

²⁹Hinanleh huahun laia taksa dan a piang in kha dan a piang a bawlgenthei a, tuachimah bang in tuin zong ahi hi.

³⁰Hitalehzong Laisiangthou in bang a gen a? “Silanu pen a tapa tawh delhmang un; silanu tapa in zalennu tapa tawh gou a luahkhawm kei ding hi,” achi hi.

³¹Tuachi`n unaute aw, silanu tate i hikei a, zalennu tate i hijaw uhi.