Read Thangal Naga EPHESATE 3 Bible Online

EPHESATE 3 - Thangal Naga bible

EPHESATE 3

¹Hih jiakin kei Paul, nou Jentelte ding a Jesu Krist a thongkia in.

²Nou ding a Pasian hehpihna kepna piak kahih na jata ding ua.

³Tuachia kilakna thugu`k kiphual ka kiang a ahung theihsak. (Tu-ma a tomnou khat a ka gelh,

⁴huapen na sim chiang un Krist thugu`k kiphual ka theihdan na theisiam ding uhi.)

⁵Huapen tulai a sawltak siangthoute leh Jawlneite kiang a kha a theihsak a aom bangin, nidanglai in mihing tate kiangah theihsak in a om ngaikei hi.

⁶Hua ahi, tangthupha jiakin Krist ah Jentelte pen gouluah pihte, taksa khat a omte, thuchiam tanpihte ahi ding uh.

⁷Asil bawltheihna nasepna a athawn a Pasian hehpihna hung kipia dungjuiin, hua tangthupha nna sem ding a siam ka hi hi.

⁸Jentelte kiang a Krist hauhsak dan zonkhiat guallouh thute gen ing a, kei misiangthoute lak a neupen sanga neijaw kiang ah hih hehpihna pen piak ahi,

⁹tualeh tangtawn a kipahna Jesu Krist mang a siljousiah siamtu atu`ng a pat Pasian a phual a om thugu`k kiphual ki pawlkhawmna pen bang ahia chih mi jousiah musak ding in,

¹⁰tu-a van munte a lalnate leh thuneihnate kiangah Pasian pilna chinteng saptuamte mang a tua theihsak a aom theihna ding in.

¹¹I Toupa uh Jesu Krist a bawl atup, a tangtawn silguat bang ngei in.

¹²amah ginna jiakin eiten amah ah hansanna leh maingal tak a luttheihna inei uhi.

¹³Tuajiakin nou a ding a ka gimthuaknate jiak a lungkia lou dingin kung ngen hi; huapen na thupina uh ahi.

¹⁴Hih jiakin i Toupa uh Jesu Pa mai ah ka khupdin a,

¹⁵lei leh van a min jousiah phuah khiatnapa mai ah.

¹⁶A thupina hauhdan bangjel a akha jiak a mihing sungtawng lam a silbawltheihna a hatsah a ahung omsak theihna ding in,

¹⁷Krist pen ginna a na lungtang ua a tentheihna dingin, nou itna a thaguinei leh kiptak a om a,

¹⁸misiangthoute jousiah tawh aletdan, asaudan, asandan tualeh athukdante na theihchian nang uleh.

¹⁹Krist itna theihphak guallouh nung theih ua, Pasian a bukimna jousiah a sukdim a na omtheihna ding un ahi.

²⁰Tuin eimah a semjel sil bawltheihna dungjui a i nget leh, i ngaihtuah sang a sangjaw leh tamjaw a bawltheitu kiangah:

²¹Jesu Krist jiakin saptuam ah tangtawn in, thupina omta hen! Amen.