Read Thangal Naga EPHESATE 5 Bible Online

EPHESATE 5 - Thangal Naga bible

EPHESATE 5

¹Tuajiakin ta deihtakte bangin Pasian omdan juitute hi un.

²Krist in ahung it a, ei a ding a Pasian kiang a silpiak leh kithoihna namtui ding a a kipiak bangin, itna ah om un.

³Hinanleh misiangthoute omdan ding a kilawm him in, kingaihnate leh sianglou chiteng huaihamna tawh nalak uah lawhkhak in om kei hen.

⁴Zahmoh thute, thu namanlouh a houlimnate, chiamnuih thute bang zong kilawm lou ahi, huate sangin Pasian kiang ah kipahthu genjaw un.

⁵Ajiak, kingaihhat leh, mi thanghuai leh mi duhgawl in, (duhgawlna pen milim biakna ahi). Krist leh Pasian gam ah goutan mawng mawng a neikei chih nathei uhi.

⁶Mi kuamah in thu ginalou peuhin hungkhem kei uhen, ajiak hih silte jiakin Pasian thangpaihna thumanglou tate tungah atung nak hi.

⁷Tuajiakin, amauhte kipawlpih kei un.

⁸Ajiak nou masanglai in mial na hi ua, hinanleh tunjaw Toupa ah vak na hita ua, vaktate ombang in om un,

⁹Ajiak, khagah ahihleh hoihnate, diktatnate leh thutak ah ahi.

¹⁰Toupa pomtak bang ahiam chih zongkhia unla,

¹¹tualeh mial nasep gah neiloute tawh ki pawlkhawmna neikei unla, hinanleh a diklouhdan theihsakjaw un.

¹²Ajiak aguk a silbawlte agen zong ajumhuai hi.

¹³Hinanleh sil jousiah adiklouh dan theihsak a aom pen vak hihlat ahi, ajiak sil khatpeuh hihlangtu vak ahi hi.

¹⁴Tuajiakin Laisiangthou in, aman; “Nang ihmu, khanglou inla, misi lak a kipan thou in, tuachi`n Krist in vak a hungpia ding hi,” achi hi.

¹⁵Tuachi`n na omdan uah pilvang un, mimawte bang a omlou in, hinanleh mipilte bangin om un.

¹⁶Nite ahoihlouh jiakin hun lemtang kilei un.

¹⁷Tuajiakin mawkei unla, Toupa deihlam bang ahia chih thei un.

¹⁸Tualeh uain kham in om kei unla, hua ah kideklouhna a om hi; hinanleh, kha ah omjaw un.

¹⁹Phatna late, Biakna late, tualeh khalam late ah noumauh khat leh khat kihoutuah in, Toupa kiangah na lungtang ua ging kilawm leh la sa in om un.

²⁰Bangkim tung ah i Toupa Jesu Krist min in Pasian leh i Pa kiang ah kipahthu gen gige un.

²¹Pasian lauhdan siamna ah khat leh khat kituhlut tuah chiat un.

²²Zite aw, Toupa kiang a bangin noumauh pasalte chiat kiangah kituhlut un.

²³Ajiak Krist saptuamte lutang ahih a, pumpi hundampa ahih bangin, pasal pen zi lutang ahi.

²⁴Tuajiakin saptuamte Krist kianga a kituhlut mahbang in, zite zong sil bangkim ah a pasalte uh kiangah kituhlut uh hen.

²⁵Pasalte aw, Krist in saptuamte a it a, a ta`ng ua a kipiak bangin nou zong na zite uh it un.

²⁶Amauh tui a sil a, thu a ahihsiang a asawpsiang theihna ding in,

²⁷tuachia amauh pen nin banglou, vuailou leh huachibang sil mawng mawng omlou, hinanleh siangthou leh dembei a omjaw a, saptuam thupitak amah akipiak theihna ding in.

²⁸Tuajiakin pasalte`n amauh pumpi mahbang in aziite uh a it ding uh ahi. A zi itpa pen amah ki it ahi.

²⁹Ajiak kuamah in ama taksa ahua ngai kei. Hinanleh Toupa`n saptuamte abawl mahbang in avak in adeihthoh jaw ding hi;

³⁰ajiak eite pen a pumpi hiangte i hi ua, a taksa leh aguhte hiangte i hi uhi.

³¹“Hihjiakin pasal in anu leh apa a nusia ding a, azi atu ding, tuachi`n anih un taksa pumkhat a hung hita ding uhi.”

³²Hihpen thugu`k kiphual thupitak ahi, hinanleh ken Krist leh saptuam thu ahi ka gen.

³³Hitalehzong nalak ua kuapeuh in amah a ki it bangin a zi it hen, tualeh zi pen apasal zahtak ding in pilvang hen.