Read Thangal Naga KOLOSSATE 1 Bible Online

KOLOSSATE 1 - Thangal Naga bible

KOLOSSATE 1

¹Paul, Pasian deihna bang a Jesu Krist sawltak leh i sanggampa uh Timothi in,

²Kolossa khua a om, Jesu Krist a misiangthoute leh unau gin-omte kiang ah: I Pa uh Pasian leh i Toupa uh Jesu Krist a kipan hehpihna leh khamuanna na kiang uah om hen.

³Nou a ding a thumjing in, Pasian i Toupa uh Jesu Krist Pa kiang ah kipahthu ka gen uhi.

⁴Jesu Krist a na ginna uh leh, misiangthoute jousiah tung a itna na neih na ua pat in.

⁵Van a nou a ding a kinepna hung kikoihsak jiakin, hua kinepna thu pen tangthupha thutak thu ah tu masang laiin na jata uhi.

⁶Hua tangthupha pen leitung pumpi a gah a akhanjel mahbang in, na jak ua thutak a Pasian hehpihna nung theihni ua pat in nalak ua gah a pungjel in na kiang uah a hung tungta hi.

⁷Epaphra, ka sila tanpih uh deihtak, nou a ding a Krist nasem gin-omtak a pat zong na theihtak mahbang un.

⁸Aman kha a nung itdan uh zong a phuangkhia hi.

⁹Hih jiakin kou zong, hih ka jakni ua pat in, nou a ding a thum leh, pilna leh khalam theihchianna jousiah a amah deihdan theihna a nungdimna ding uh ngetsak ka tawp kei uhi.

¹⁰Tuachia Toupa ding a kilawm leh sil jousiah a deihhuai a na gamtat ua, nasep hoih jousiah a nunggah ua, tualeh Pasian theihsiamna lam a nung khantouhna ding uleh;

¹¹asil bawltheihna thupitak dungjui a kipahna tawh kuhkalna leh thuak-hatna lam a hatna jousiah a hihhat a om in.

¹²Vak a misiangthoute gou tankhawmpih ding a hung bawltu Pa kiang ah kipahthu gen in.

¹³Aman mial sil bawltheihna a pan ahung tankhiata a, Tapa a ittak gam ah ahung lutsakta hi.

¹⁴Amah ah a sisan jiakin tatkhiatna imu uhi, i khialhnate uh ngaihdamna pen.

¹⁵Amah pen muhtheihlouh Pasian mel pua a, silsiam jousiah lak a piang masapen ahi.

¹⁶Ajiak pen amah pansan a sil jousiah siam ahi a, van a omte leh lei a omte, muhtheih leh muhtheihlouh, laltouna hi in lalgam hitaleh, vaihawmnate leh thuneihnate hitaleh zong. Sil jousiah ama siam ahi a, amah ding a siam ahi.

¹⁷Tualeh amah pen sil jousiah omma in a om a, amah ah sil jousiah a omkhawm hi.

¹⁸Tualeh amah pumpi, chihpen, saptuam lutang ahi, sil bangkim a hihna mun a tantheihna dingin, bulpi pen misi lak a piang masa pen ahi.

¹⁹Ajiak amah a bukimna jousiah ompen Pasian deihlam ahi.

²⁰Tualeh a kross sisan jiakin lemna bawlkhin in, amah in sil jousiah amah tawh a kilemsak hi; amah mah in lei a sil omte hii`` n van a sil omte hitaleh amah tawh akilemsak hi.

²¹Tualeh nou, nidanglai a ana nasep uh gilou a amah a pat khen a om a, na lungsim ua melma na hi uhi.

²²Hinanleh tuin aman a taksa pumpi ah a sihna jiakin a hung kilemsakta hi. A mitmuh a siangthou leh gensiatbei leh phawkna ding beia a hung dinsak theihna ding in.

²³Ginna a na omjing ua, kingakna nei a na kip ua, tualeh tangthupha na jak uh kinepna a pat na ki khinmang kei uleh. Hua tangthupha pen vannuai a silsiam jousiah kiang a tangkou pih ahi a, kei Paul hua thu nasem ding a siam ka hi.

²⁴Nou a ding a ka gimthuakna ah tuin ka kipak hi, tualeh Krist gimthuakna ban pen a pumpi jiakin kasa ah ka sunjomjel hi, hua pumpi pen saptuam ahi.

²⁵Pasian thu hihbukim ding in, nou a ding a ka kiang a hung kipia Pasian hunbi khenna dungjuiin thu nasemtu ding a siam ka hi,

²⁶hua Pasian thu pen tangtawn a akhang akhang a thugu`k kiphual ana hi a, hinanleh tuinjaw a misiangthoute kiang ah hihlat in a omta hi.

²⁷Huate kiang ah Pasian in Jentelte lak ah hua thugu`k thupina hauhdan a theisak nuam mawng ahi, hihpen nou a Krist om, thupina kinepna ahi.

²⁸Michih Jesu Krist hoih bukim a a kipiak theihna ding ua, michih kiveng ding a hilh a, pilna chinteng a jilsak a, a tanchin ka genpa uh ahi.

²⁹Hichibang ding in ken zong, keimah a thupitak a sem, hua nasepna dungjui in hahpan a pang in ka semgim hi.