Read Thangal Naga KOLOSSATE 2 Bible Online

KOLOSSATE 2 - Thangal Naga bible

KOLOSSATE 2

¹Ajiak nou leh Laudisia khua a omte leh taksa a kamel munailou jousiahte ding a ka hahbawl dan thei le uchin ka ut hi.

²Pasian, Pa leh Krist thugu`k theikhia ding a theihsiamna kichiantak hauhsakna jousiah lam a itna-a khuikhawm a aom ua, a lungtangte uh khamuanga a omtheihna ding in.

³Hua Krist ah pilna leh theihna gou jousiah phual in a om hi.

⁴Tualeh kuamah in kamsiam thu a hung khemlouhna ding un, hih ka gen ahi.

⁵Ajiak taksa in na kiang uah omkei nanleng zong, kipaktak in, na hoihdan uleh, Krist a na ginkip dan uh en in, kha in na kiang uah ka om hi.

⁶Tuajiakin Jesu Krist, Toupa pen na pomkip ta`k mahbang un, amah ah om un.

⁷Amah ah jungkha leh lamtouh a om in, ahung kihilhtak mahbang a ginna a kiptak a om in, hua ah kipahthu genna a dim in om un.

⁸Pilvang un, atuachih keileh mi kuahiam in Krist thu bang hilou in, mihing dan leh leitung thubulte bangjaw in, leitung pilna leh khemna in a hungkhem kha ding uhi.

⁹Ajiak amah ah Pasian hihna bukimna jousiah pumpi nei in a om hi,

¹⁰tualeh nou amah ah na bukimta uhi, amah pen lalna leh thuneihna jousiah lutang ahi.

¹¹Amah ah nou zong khut a tan hilou in, taksa khialhna paikhia a Krist teptanna a teptan na hi uhi.

¹²Baptisma ah amah tawh vui na hita ua, huamah ah misi lak a amah kaithoutu Pasian nasep gintat jiakin amah tawh kaihthou na hita uhi.

¹³Tualeh nou, na khialhnate uleh na taksa ua teptan louhna jiak a si na hih ua, na bohsiatna jousiah uh hung ngaidam in, aman Krist tawh ahung hihhing kikta hi;

¹⁴danthu, ei hungdou leh eitawh kikalh lam a khut a gelh pen a nawtmangta a, tualeh kross dawn ah kilhden in a lamangta hi.

¹⁵Lalnate leh thuneihnate suahkhia in, kross ah huate jouin, alangtang in etsakna in abawlta hi.

¹⁶Tuajiakin mi kuamah in, nek thu in hiam, dawn thu in hiam, misiangthou thu in hiam, khathak thu in hiam ahihkeileh khawlni thu in hiam ahita in zong nou hungdem kei uhen.

¹⁷Huate pen sil hungtung dingte lim ahi a, hinanleh ataktak pen Krist ahi.

¹⁸Mi kuamah in, a silmuh ngailouhte, a taksa lungsim a thulimlou in, mahni siamthuh ki ngiamkhiat na leh vantungmite biakna zangin na nuamman muh ding uh hung laksak kei hen.

¹⁹Tualeh, taksa jousiahin ki vakkhangna nei a, ki zopkhawm leh ki kankhawm a nna sem a, tualeh ki khuikhawm a Pasian khanna a a khanletna lutang a tudet kei hi.

²⁰Tuajiakin, leitung thubulte a pat Krist tawh si na hihtak uleh, bangding a, leitung a hing bang a dan thupiakte nuai a kituhlut na hi ua,

²¹“Khoihkha ken, chiamken, thamkha ken”? chihte.

²²Hihte pen jakkawm a mangthang ding ahi a, hihte bawl pen mihing thupiak leh thuhilhna jui ahi.

²³Hih silte pen utthu a biak leh kingaihngiam leh taksa ngaihsaklou a silbawl ah pilhuai abang na a, hinanleh sa deihlam khamna lam ah bangmah aphatuam kei hi.