Read Thangal Naga 1 THESSALONIKATE 1 Bible Online

1 THESSALONIKATE 1 - Thangal Naga bible

1 THESSALONIKATE 1

¹Paul leh, Sila leh, Timothi in, Pa Pasian leh Toupa Jesu Krist a Thessalonika khua a om saptuamte kiangah: Pasian i Pa uh leh i Toupa Jesu Krist a pat hehpihna leh khamuanna na kiang uah om hen.

²Ka thumna ua na min uh louin, noute tengteng jiakin Pasian kiang ah kipahthu ka genjing uhi.

³I Pasian leh Pa mai ah na ginna nasepte uh, itna a nasepgimte uh, tualeh i Toupa Jesu Krist a kinepna jiak a na thuakzohnate uh manghilhlou a theijing in.

⁴Unau ittakte aw, Pasian tel na hih uh thei in.

⁵Ajiak ka tangthupha uh athu guak a na kiang ua hungpai hilou in, sil bawltheihna leh Khasiangthou leh theihchianna thupitak tawh hungtung ahi a. Nou jiakin nalak ua mi bang chibang mi ka hi ua chih natheih bang un.

⁶Tualeh haksatna thuak pum in, Khasiangthou a kipak kawm in thu pen pom in, kou leh Toupa juite na hi uhi.

⁷Tuachi`n Mesidonia leh Akhaia gam a gingtu tengteng ding in etton ding na hita uhi.

⁸Ajiak pen nou a kipan Toupa thu a thangkhiata a, Mesidonia leh Akhaia gam guak ah hilou in, munchin teng ah Pasian lam a na gindan uh athangta hi. Kou bangmah ka gen uh angai nawn kei hi.

⁹Ajiak pen amauh ngeiin nalak ua bang chibang lutna ahia ka muh uh, ka tanchin uleh, Pasian hing leh dik bia ding a milimte a pat Pasian lam na ngatdan uh a hungtheisak uhi.

¹⁰Tualeh a Tapa misi lak a kipan a akaihthawh thangpaihna hungtung ding lak a hung suaktasakpa Jesu van a pat na ngak ding in.