Read Thangal Naga 2 THESSALONIKATE 2 Bible Online

2 THESSALONIKATE 2 - Thangal Naga bible

2 THESSALONIKATE 2

¹Tuin unaute aw, I Toupa uh Jesu Krist hungpai nang leh, akiang a iva kikhop na ding thu ah, kung ngen uhi,

²Toupa ni pen a hungtung khinta chih nakha hiam, thu in hiam, tualeh kou a kipat laikhak in hiam na lungtang uh hihling a ompai a, ahihkeileh buailou ding in.

³Kuaman bangmah in hungkhem kei hen. Ajiak puksanna a hungtun masak a, khialhna mipa, mangthang tapa ahung kilak phot keileh huani hung tunglou ding ahi.

⁴Aman Pasian chih a om jousiah leh a kibia jousiah dou a, atung ua om sawm in aki hihthupi ding a. Pasian tempul ah touin Pasian in a ki bawl ding hi.

⁵Na kiang ua ka um laiin hihthute kung hilhta hi chih theilou na hi umaw?

⁶Tualeh tuin amah pen ama huntak a ahung kilat ding, bang in ahia adal ding chih nathei uhi.

⁷Ajiak dan juihlouhna thugu`k in asem panta hi, adaltu lampi a pat lakmang ahih masiah in adal jing ding hi.

⁸Tuachi`n lakmang ahih chiangin migiloupa pen ahung kilang ding a, Toupa Jesu`n amah pen akam a hu in a kangtumsak ding a, ahung kilakna vak in ahihmang ding hi.

⁹Dan botsiapa hung paina pen setan nasep dungjui a sil bawltheihnate, chiamtehnate, sillamdang juautheite,

¹⁰tualeh mangthangte a dingin diktatlouhna khemna jousiah tawh ahi ding hi. Hundam a a omtheihlouh na ding ua thutak itna apomlouh jiak un.

¹¹Tualeh hih jiakin juauthu a gintatna ding un Pasian in diklouhna nasep hattak a kiang uah asawl ding hi.

¹²Thutak gingtalou a, diktatlouhna kipahpih jawte a un ua siamlouh tansak a a omtheihna ding in ahi.

¹³Hinanleh unaute aw, Toupa ittakte, kha hih siangthouna leh thutak gintatna jiak a hundam a om ding a atu`ng a kipat Pasian in nou a hungtel jiak in. Koupen na tungthu uah Pasian kiang a kipahthu genjing ding mawng ka hi uhi.

¹⁴Huachibang ding in aman I Toupa Jesu Krist thupina tang ding in ka tangthupha un nou a hungsam hi.

¹⁵Tuajiakin, unaute aw, dingkip unla, thugen in hi in, ka laikhak un hitaleh, thugousiah nou hung kihilhte tukip un.

¹⁶Tuin I Toupa uh Jesu Krist leh Pasian I Pa uh ngei eite hung it a, hehpihna jiak a tangtawn khamuanna hungpiapan,

¹⁷na lungtang uh hih khamuang in, thugen leh nasephoih chinteng ah hung hihkipta hen.