Read Thangal Naga 1 TIMOTHI 2 Bible Online

1 TIMOTHI 2 - Thangal Naga bible

1 TIMOTHI 2

¹Tuajiakin, a masapen in, sil ngetnate, thumnate, thumsaknate tualeh kipahthu gennate mi jousiah bawlsak dingin kung ngen hi;

²kumpipate leh thuneihna mun a om jousiah a ding in zong, tuachia Pasian limsak leh zah-omtak a hinkhua kituak leh muanhuaitak a i mantheihna ding un hihbang a thumsak ding ahi.

³Hihpen I hundampa uh Pasian mitmuh in ahoih in apomta`k hi,

⁴aman mi jousiah hundam a om ding leh thutak hungthei dingin adeih hi.

⁵Ajiak Pasian khat a om a, tualeh Pasian leh mihing kikal ah palai khat a om hi, mihing Krist Jesu pen,

⁶ahuntak a theihsak a om ding in, amahleh amah mi jousiah tatkhiatna dingin ahung kipiakhia hi,

⁷hua ding a thugentu leh sawltak a guat ka hi, Krist ah thutak ka gen ahi. Ginna leh thutak a Jentelte hilhtu ka hi!

⁸Tuajiakin pasalte`n mun jousiah ah khut siangthou tungtou in, thangpailou leh ginglellou in thum le uh ka deih hi.

⁹Tuachibang mah in numeite pen puansilh kilawm hun leh jumtheihna omtan siam in kijem le uh, sam phekkil hiam, kham hiam, tuikepsuang hiam, ahihkeileh sil mantam a kijemlou in,

¹⁰hinanleh numei Pasian ngaihsak kichite a hungiap in, silbawl hoih in kijem le uh ka deih hi.

¹¹Numeiin thumang tak in dai khinkhian in jil uhen.

¹²Tualeh numei in thu ahilh ka phalkei, tualeh pasal tung a thu aneih zong ka phalkei, hinanleh, dai khinkhian in omjaw uhen.

¹³Ajiakpen Adam siam masak ahi a, tuanung in Evi siam ahi.

¹⁴Tualeh Adam khem in a omkei a, hinanleh numei khem in aom a, bawhsiatna ah a pukta hi.

¹⁵Hitaleh zong ginna, itna leh siangthouna nei a mahni kithunun a aomjing uleh nauneihna ah hundam in a om ding uhi.