Read Thangal Naga 2 TIMOTHI 3 Bible Online

2 TIMOTHI 3 - Thangal Naga bible

2 TIMOTHI 3

¹Hinanleh hih zong thei in, ni nunung lam ah hun lauhuai taktakte ahung om ding hi.

²Ajiak mi amauh ki itte, dangka ngainate, kiliansakte; kisatheite, Pasian gensiate, nu leh pa thu mangloute, kipakna dan theiloute, siangthouloute;

³itna neiloute, ngaihdamna neiloute, juau a mi hekte, mahni ki thununloute, mi huhamte, hoihna mawng mawng neiloute;

⁴mi puisia lamkaite, genhakte, kisatheite, Pasian it sang a amauh kipakna itjawte bang a hiding uhi;

⁵Pasian ngaihsak bakna anei ding ua hinanleh a silbawltheihna ataksan kei ding uhi. Huachibang mite a pan ki hemkhia in.

⁶Ajiak huachibang lak ah mi pen innte bang ah lut in a khialhna uh giktak pua numei mawdeuhte sal a man a, duhgawlna chinteng a puimangte ahi uhi,

⁷ziljing napi a thutak theipha ngailoute ahi uhi.

⁸Tualeh Janne leh Jambre in Mosi adou bang un hihte`n zong thutak adou gige uhi. Lungsim siasa mi, ginna lam a Pasian pomlouh mi ahi uhi.

⁹Hinanleh huaval a bawlthei kei ding uhi, ajiak amawldan uh mijousiah kiangah ahung kilang ding hi, Janne leh Jimbre ahung kila`k bang in.

¹⁰Hinanleh nang ka thugin, ka hindan, ka siltup, ka ginna, ka thuaktheihdan, ka itna, ka kuhkaldan,

¹¹Antiok khua leh, Ikonium khua leh, Listra khua a bawlgentheihna ka tuakte na theisiang hi! Hinanleh huate tengteng ah Toupa`n ahung hunkhia hi.

¹²Ahi, mi Krist Jesu a Pasian ngaihsak a omsawm jousiahin bawl gentheihna a thuak ding mah uh ahi;

¹³hinanleh migilou leh mikhemhatte pen mi khem leh khem a om in asiasuak deuhdeuh ding uhi.

¹⁴Hinanleh nang, kuakiang a pat najil ahia chih theijing in, najilsa leh theihchiansak a na omna silte ah omjing in,

¹⁵tualeh nang pen na naupanlai a pat Krist Jesu a ginna jiak a hundamna mukhop a nang hung hilhpilthei Laisiangthou thei na hita hi.

¹⁶Laisiangthou jousiah Pasian hukhahkhum a piak ahi a, thuhilhna ding, kitaihilhna ding, ki sukdikna ding, tualeh diktatna lam a thuhilhna ding bang in aphatuam hi,

¹⁷Pasianmi pen na hoih jousiah sem ding a kimtak a kithuam a a bukimtheihna ding in ahi.