Read Thangal Naga TITA 2 Bible Online

TITA 2 - Thangal Naga bible

TITA 2

¹Hinanleh nang, thugin dik tawh kituak thute genjaw in.

²Putekte pen omtan hoih, zahtak-huai, kidekthei, tualeh ginna leh, itna leh, thuaktheihna a diktak hiding in hilh in.

³Pitekte zong huachimah bangin siangthouna tawh kituak a gamtang ding leh, dikloutak a mihek-hat leh uain hai hilou a, silhoih hilhtu hiding in hilh in,

⁴tuachia amau`n numei khanglaite pen lungsim diktak nei a apasalte uh itding, atate uh itding,

⁵Pasian thu pen gensiat a aom louhna ding a kiveng a siangthou a aom a, innsung nna sem a hoihtak a aom a, a pasalte uh thu mang a hoihtak a a omtheihna ding a ataihilh theihna ding un hanthawn in.

⁶Tuachimah bangin tangvalte pen lungsim diktak pua ding in hasot un.

⁷Sil jousiah ah silhoih bawlna lam a etton dingin kimusak inla, thugin ah kipumkhatna aom dan, a siangthou dan, atak dan bang ensak in,

⁸thugen diktak gensiat guallouh bang akilat a; langpangtu kuahiam in na tung a sil gilou gen ding neiloua a zahlak theihna ding in.

⁹Silate pen apute uh thu mang ding leh midawnhat lou dingin leh; sil jousiah a akipahna lam ua omgige ding in hasot in,

¹⁰Pasian I hundampa uh thuhilhna thu pen sil jousiah a ajephoih theihna ding ua, khut ommoh lou a gin-omna hoih jousiah musakjaw ding in.

¹¹Ajiak hundamna hungtut Pasian hehpihna pen mi tengteng kiangah ahung kilangta hi,

¹²hua in ahihleh Pasian ngaihsak louhna leh leitung utnate tawpsan a, tu-khang a lungsim siangthou leh, diktattak leh Pasian ngaihsak a om in,

¹³hua kinepna Pasian thupi leh i hundampa uh Jesu Krist kilakna ding thupitak pen ngak in i om ding uh chih a hunghilh hi.

¹⁴Aman i gitlouhna jousiah ua pat ahung tattheihna dingin leh amah ding a silhoih bawl a phattuamngai leh teltuam hiding a ahung hihsiangthou theihna dingin i taang un a kipiata hi.

¹⁵Hih thute gen inla; hanthawn inla tualeh thuneitak in vau in. Kuaman nang hung simmoh kei hen.