Read Thangal Naga HEBRAIMITE 5 Bible Online

HEBRAIMITE 5 - Thangal Naga bible

HEBRAIMITE 5

¹Ajiak siampi mi lak a kiladokte pen khialhnate jiak a silpiakte kithoihnate alatkhawm theihna dingin, Pasian lam silte a mite a ding a pansak ahi uhi.

²Aman bangmah theiloute leh lamkhialte tungah hehpihna a neithei hi, ajiak amah ngeizong hatlouhna a tuam in ana omta hi.

³Tualeh hihte jiakin mite a ding a alatsak bangin, khialhnate jiakin amah a ding ngeizong alat apoimoh hi.

⁴Tualeh hua pahtawina pen, Aaron asap bang a Pasian in asap louh ngal, mi kuamah in amah a dingin a kilak ngaikei hi.

⁵Tuachimah bangin Krist zong siampi a siam a om ding in amah leh amah a kitawisang kei hi, hinanleh a kiang ah, “Nang Ka Tapa na hi, tuni`n kung neikhia hi.”

⁶Aman muntuam khat a, “Nangpen Melkizedek bang a, tangtawn siampu na hi,” chia agen mahbang in.

⁷Aman taksa a aomlai nite in, sihna lak a amah hundamtheipa kiangah nakpitak a kap leh khitui luangkawm in thumna leh ngetna alat nungin, Pasian laudan a siamjiak in ngaihkhiat in a om hi.

⁸Tapa hinanleh zong, a silthuakte lakpan thumandan ajilta hi.

⁹Tualeh sukbukim a hung om in, a thumangte jousiah a dingin tangtawn a hundamna thuneitu a hunghita hi,

¹⁰Melkizedek omdan bang a siampi in Pasian in a bawlta hi.

¹¹Amah tungtang gen ding tampi ka nei ua, na ngaihpeih louh jiak un agenchian zong ahaksa hi.

¹²Ahun lam ngaihtuah injaw heutu hikhinta hile uchin kilawm hi a, Pasian thubulte kuahiam khat in a hunghilh ngaikik na hita uhi. Tualeh an-gum hilou a, nawitui kiphamoh bang na hunghita uhi.

¹³Ajiak nawitui nejousiah naungek ahihjiak un, diktatna thu ah theihna aneikei uhi.

¹⁴Hinanleh an-gum pen mi pichingte, a ngaihtuahna uh jang a atheih theihna uh hihjoitate a ding ahi.