Read Thangal Naga HEBRAIMITE 7 Bible Online

HEBRAIMITE 7 - Thangal Naga bible

HEBRAIMITE 7

¹Hih Melkizedek, Salem kumpipa, Pasian tungnung pen siampu, kumpipate vathat joua hung paikik Abraham nadawnpa in amah pen a gualjawlta a,

²amah kiangah Abraham in zong aneih jousiah “Sawm a khat” apia hi. Amin omjia ahihleh, (Amin masa pen in, “Diktatna kumpipa,” tuaban ah, Salem kumpipa chihna ahi a, tuapen “Lemna kumpipa,” chihna ahi.)

³Amah pen pa zong neilou, nu zong neilou, khanggui neilou, ompatni neilou, hintawpni neilou, hinanleh Pasian Tapa bang a bawl, tawpni neilou a siampu a omjing ahi.

⁴Tuin chi suangtu Abraham mahmah in zong gal sil laksak a pat silhoihte a pat sawm a khat a piaknapa. Hihpa thupidan ngaihtuah sin ua.

⁵Tualeh Levi suante lak a siampu nasep mutaphot in danthu dungjuiin mite a pat sawm a khat lak ding thu amu ngei uhi, huapen a unaute lak ah ahi, huapen Abraham khal a pat a pawt hinanle uh.

⁶Hinanleh, amau a pat a khanggui laksawn a omloupa`n, Abraham a pat sawm a khat ala a, thuchiamte neipa a gualjawlta hi.

⁷Tualeh aneujawpen alianjaw in a gualjawl hi chih nialguallouh ahi.

⁸Tualeh hihsan ah, mihing sijelte`n sawm a khat a ngah ua; hinanleh huasan ah, amah a hingjing hi chia atanchin theihsak a ompa in a ngah hi.

⁹Levi, (sawm a khat ngahtu in zong,) Abraham kiangah sawm a khat apia hi.

¹⁰Ajiak Melkizedek in ava lamtuah laiin amahpen apa khal ah aom nalai hi.

¹¹Tuajiakin, Levi siampu hihna a bukimna muhtheih hitaleh, ajiakpen hih nuaia mite`n danthu ana mu uhi. Aaron omdan bang a chih hilou a, Melkizedek omdan bang a siampu dang ahung om apoimohna bang ahia?

¹²Ajiak pen siampu hihna ahung kikhektak jiakin, danthu zong ahung kikhek apoimoh sem hi.

¹³Bangjiakin ahia ichihleh a tungtang a hihthu kigenna pen namtuam ahi a, hua nam lak a mi kuamah maitam a nasem a omkei uhi.

¹⁴Ajiak i Toupa uh pen Judah nam a pat hung piang ahi chih chiantakin alang hi, hua nam thu ah Mosi in siampu tawh kisai thu bangmah a genkei hi.

¹⁵Tualeh Melkizedek omdan bang a siampu dang ahung om jiakin ka thugen uh a kichian sem hi

¹⁶Amah pen taksa thupiak danthu bang a hungpai hilouin, hinanleh hintawp neilou sil bawltheihna neia hungpai ahijaw hi.

¹⁷Ajiak aman, “Nang pen Melkizedek omdan bang a, tangtawn siampu na hi chi`n atheisak hi.”

¹⁸Thupiak om masapen, hatlouhna leh phattuam louhna jiakin paih in a omta hi.

¹⁹Ajiak danthu in bangmah a hihbukim kei a; alangkhat ah, kinepna hoihjaw ahung pualut hi, hua tungtawn in eite`n Pasian inaih uh ahi.

²⁰Ajiak kichiamna omlou in; amah pen siampu a bawl ahita hi.

²¹Ajiak amauhte pen kichiamna omlou a siampu a siam ahi ua, hinanleh amah pen a kiang ah, “Toupa a kichiam a, a lungheikik kei ding, Nang pen Melkizedek omdan bang a tangtawn a siampu na hi,” chia genpa kichiamna a siam na hi.

²²Tuachimah bangin Jesu pen thukhun hoihjaw hihkiptu a siam ahung hita hi.

²³Amah pen sihna jiak a pandensak theihlouh ahih jiak un, siampu a natam ngut ua.

²⁴Hinanleh hihpa tangtawn a omjing ahihjiak in, siampu hihna khektheihlouh anei hi.

²⁵Tuajiakin amah a Pasian kiang a hung paite pen amau a ding a ngetsak ding a a hinjing jiakin atawptan in a hundamthei hi.

²⁶Ajiak hichibang siampi siangthou, khansialou, ninbang lou, mikhialte lak pan a kituamkoih, tualeh vante sang a sangjaw a siam pen ei a dingin akilawm mawng ahi.

²⁷Aman hua siampite lat bangin, nitengin, ama khialhnate jiak a kithoihna lan masa in, huazoh chiangin mite khialhna alat a ngaikei hi. Ajiak aman hihpen amah leh amah a kilat in ngamden dingin khatvei thuin ana jouta hi.

²⁸Ajiak dan in mihing hatlouhna neite siampu in asepjel a; hinanleh kichiamna thu, dan nung a hung om in ahihleh, Tapa, tangtawn a ding a hihkim khitsa pen a guatjawta hi.