Read Thangal Naga HEBRAIMITE 8 Bible Online

HEBRAIMITE 8 - Thangal Naga bible

HEBRAIMITE 8

¹Tuin i thugente lak a poimoh pen ahihleh hih ahi, vante a thupi pen, Laltouna jiatlam a tou, huachibang siampi i nei uhi.

²Mihing phuh hilou, Pasian phuh, mun siangthou leh puanbuk taktak a nasemtu pen.

³Ajiak siampi jousiah silpiakte leh kithoihnate lan ding a guat ahi ua, tuajiakin hih siampi in zong banghiam khat lat ding aneih apoimoh hi.

⁴Ajiak leitung a ana om hilehjaw, danthu bang a silpiakte lantu siampute ana om jiak un, siampu in a pangkei ding hi.

⁵Huate in vanlam silte etsakna leh lim nna asemjel ua; Mosi, in puanbuk lam ding a akisak laia, Pasian in ahilh bangin, ajiak aman, “Mualtung a etton ding a hung ki musak dungjuiin sil jousiah bawl ding in pilvang in,” achi hi.

⁶Hinanleh tuin, thuchiam hoihjawte tung a bulphuh thukhun hoihjawsem palai ahih mahbang in nasepna hoihjaw ana tangta hi.

⁷Ajiak thukhun masapen dem bei, adiklouhna omlou ana hitaleh anihna pen ding mun ngaihtuah lou ding ahi.

⁸Ajiak amauhte demna in aman hihthute agen a: “Ngaiin Israel innkuante leh, Judah innkuante tawh, thukhunthak ka bawl hun ding nite hungtung ding ahita,” Toupa`n achi hi;

⁹Izipt gam a kipan a apu leh pate uh puikhia ding a, a khut ua ka tuk nia akiang ua ka thukhun pen bang hilou in. Ka thukhun a aom gige louh jiak un, ken zong amauh ka ngaihsak kei hi, Toupa`n achi hi.

¹⁰Ajiak pen hua nite nung chiang a Israel innkuante kiang a ka thukhun ding pen hih ahi Toupa`n achi hi: A lungsim uah ka dan thupiakte ka koih ding a, a lungtang uah ka gelh ding. tualeh amauh a dingin a Pasian uh ka hi ding a, tualeh kei ding in amauh ka mite ahi ding uhi.

¹¹Amau kuamah in ‘Toupa theiin,’ chi`n a invengte leh a sanggamte a thuhilh nawn kei ding a. Ajiak aneupen a pat alianpen tan in, aun un a hungthei ta ding uhi.

¹²Ajiak a diklouhnate uah ka zahngai ding a, a khialhnate uleh a gitlouhnate uh zong ka theigige nawn kei ding hi.”

¹³Aman, Thukhunthak, chia agen jiakin a masapen a luisakta hi. Tuachi`n alui ahung upata pen amang ding kuan ahita hi.