Read Thangal Naga KILAKNA 10 Bible Online

KILAKNA 10 - Thangal Naga bible

KILAKNA 10

¹Tualeh vantungmi hat dang khat meilum a kituam, van a kipan a hung kumsuk kamu a, tualeh alu ah sakhituihup a om a; amai pen ni bang ahi a, tualeh akeng pen meikhuam bang ahi.

²Akhut ah laibujial neukhat phensa atawi a. Akeng jiatlam tuipi tungah a nga a, akeng veilam leitung ah a nga hi,

³tualeh amah pen, humpinelkai hawk bangin a kikou a. A kikouzoh in van ging sagihten a aw uh asuahta uhi.

⁴Van ging sagihten a aw uh asuah tak un, gelh dingin ka kisata a, tualeh van akipan aw khat in ka kiangah, “Van ging sagihte sil gen imchip inla, gelh ken!” chi in kaja hi.

⁵Vantungmi tuipi tung leh lei tung a ding ka muh in akhut vanlam ah a tungtou a

⁶tualeh tangtawn tangtawn a hingjingpa, van leh asung a sil omte, lei leh asung a sil omte, tuipi leh asung a sil omte min in ka kichiam a, “Zekaina om nawnlou ding in!

⁷Hinanleh vantungmi sagihte aw ginlai nite a amut ding kuan chiangin, Pasian thugu`k kiphual pen a sila Jawlneite kiang a anagensa bangin zohsiang ahita ding hi,” chi in.

⁸Tuachi`n van a kipan aw kajak in, “Pai inla, Tuipi tung leh lei tung a ding vantungmi khut a laibujial neu phensa om pen vala in,” ahung chikik a.

⁹Tuachi`n vantungmi kiangah ka vapai a akiang ah, laibujial neupen hungpia in, kava chi a; tualeh aman ka kiangah, “La inla, nekhin siangin; hih in nagil akhasak ding a, hinanleh na kam ah khuaiju bangin akhum ding hi,” achi hi.

¹⁰Tuachi`n vantungmi khut a pat in laibujial neupen kala a, ka nesiang a, tualeh hih pen ka kam ah khuaiju bangin akhum a, hinanleh kanekzoh in kagil pen akhata hi.

¹¹Tualeh aman ka kiangah, “Mi tampite leh, nam tampite leh, ham tampite leh, kumpipate maiah Pasian thu nagen sawn ngeingei ding ahi,” ahung chi hi.