Read Thangal Naga KILAKNA 15 Bible Online

KILAKNA 15 - Thangal Naga bible

KILAKNA 15

¹Tuachi`n van ah, chiamtehna thupi leh lamdang. Vantungmi dang sagih gawtna sagih nei kamu a, huate ah Pasian thangpaihna bukimta ahihjiak in, gawtna nunung ahita uhi.

²Tualeh meitawh kihel tuipi limlang hileh kilawm leh gamsa tung leh alim tung a gualjoute, achiamtehna leh amin nambar tung a gualzohna tangte. Pasian kaihging tum a tuipi limlang tung a ding kamu hi.

³Tualeh amau`n Pasian sila Mosi leh Belamnou la asa ua: “Na silbawlte a thupi in a lamdang hi, Toupa Pasian hattungnung! Na lampite adik in atak hi, Aw Nang misiangthoute kumpipa!

⁴Kuan ahia nang hung laulou in? Aw Toupa na min a pahtawi louh ngam ding uh? Ajiak nangguak siangthou na hi. Ajiak nam jousiah a hungpai ding ua namai ah ahung bia ding uhi, ajiak na vaihawmna dikte suklat in a omta hi.”

⁵Hih silte zoh in ka etleh, ngaiin, van ah theihpihna tempul biakbuk pen aki hong a.

⁶Tualeh vantungmi sagihte gawtna sagihte tawiin puan siangthou leh vam a kithuam in, tualeh a om uh kham kawnggak a gak in Pasian tempul a pat ahung pawtkhia ua.

⁷Tuachi`n ganhing lite lak a khat in hua vantungmi sagihte kiangah, tangtawn tangtawn a hingjing Pasian thangpaihna a dim kham belhbu sagih a piata hi.

⁸Tualeh tempul pen Pasian thupina leh a silbawltheihna a kipan meikhu in adimta a, tualeh hua vantungmi sagihte gawtna sagih pen a kizoh masiah in tempul sung ah kuamah alutthei takei uhi.