Read Thangal Naga KILAKNA 4 Bible Online

KILAKNA 4 - Thangal Naga bible

KILAKNA 4

¹Hih silte zoh in ka en a, tualeh ngaiin, van ah kong honsa khat a om hi. Tualeh aw ka jak masak pen, pengkul gingbang in kei hung houpih ahi a, “Hihlam ah hung paitou in, tunung a sil om dingte kung musak ding,” achi hi.

²Thakhat in keipen kha in ka omta a, tualeh ngaiin, van ah laltouna khat akitung a, hua laltouna tungah mikhat atou hi.

³Tualeh hua a tou-pa pen jasper leh sardia suang bangin a kilang a, tualeh hua laltouna kimkot ah sakhituihup, emerald suang bang a kilang aom hi.

⁴Laltouna kimkot ah touna sawmnih leh li a om a, tualeh touna tungah upa sawmnih leh li puankang silh a tou kamu a, amau`n alu uah kham lukhu akhu uhi.

⁵Tualeh hua laltouna a pat in tunphete, van gingte, tualeh awte ahung suak a, hua laltouna maiah mei meivak sagih akuang a, huate pen Pasian kha sagihte ahi uhi.

⁶Laltouna maiah kristal suang toh kibang, limlang tuipi a om hi. Tualeh laltouna lailak leh kimkual ah a mailam leh a nunglam mit a dim ganhing li aom a.

⁷Ganhing masapen ahihleh humpinelkai bang ahi a, ganhing nihna pen ahihleh bawngnou bang ahi a, ganhing thumna pen in ahihleh mihing melbang apua a, tualeh ganhing lina pen muvanlai lenglai bang ahi.

⁸Hua ganhing li, kha gukchiat neite pen akimkual leh asunglam ua mit a dim ahi ua, tualeh amau`n sun leh jan in tawlngalou in: “Siangthou, siangthou, siangthou, Toupa Pasian bangkim bawlthei, omsa leh omjing leh hung om ding,” achi uhi.

⁹Hua ganhing lite`n laltouna tung a tou-pa tangtawn a hingjingpa kiangah thupina leh zahna pia a kipahthu agentak un,

¹⁰upa sawmnih leh lite pen laltouna tung a tou-pa maiah khupbok in tangtawn tangtawn a hingjingpa abia ua; tualeh hua laltouna maiah a lallukhute uh koihkhia in,

¹¹“Aw Toupa nang pen, thupinate, zahnate, leh thuneihna tangtaak na hi, ajiak nangman sil jousiah nabawl a, tualeh nangma deihna bang a siam ahi uh,” achi uhi.