Read Thangal Naga KILAKNA 6 Bible Online

KILAKNA 6 - Thangal Naga bible

KILAKNA 6

¹Tuin Belamnou in chiamtehna sagihte lak a khat aphel kamu a, tualeh aw vanpi ging banghial in ganhing lite lak a khat in, “Hungpai in!” En in achih kaja a.

²Ka etleh, ngaiin, sakolkang khat kamu a. Atung a tuangpa in thal atawi a; tualeh a kiang ah lallukhu khat a kipia a amah pen gualjou leh gualjoujel dingin a kuankhiata hi.

³Chiamtehna nihna aphel zoh in, ganhing nihna in, “Hungpai inla hung en in!” achih kaja hi.

⁴Tualeh sakol dang, mei bang a san khat ahung pawtkhia a; atung a tuangpa kiangah leitung a lemna laksak theihna leh, mite khat leh khat kithahtuah theihna ding uh thuneihna kipia a; tualeh a kiang ah namsau liantak piak ahi.

⁵Tualeh chiamtehna thumna aphelzoh in, ganhing thumna in, “Hungpai in,” hung en in! achih kaja a, tuachia ka etleh, ngaiin, sakol vom khat kamu a. Atung a tuangpa in a khut in tehna a tawi a.

⁶Tualeh ganhing lite laia pat in aw khat in, “Makhai khat in gehu tehna khat, makhai khat in barli buh tehna thum, tualeh sathau leh uain pen hihsia ken!” achih kaja hi.

⁷Tualeh chiamtehna lina aphelzoh in, ganhing lina in, “Hungpai inla hung en in!” achih kaja a.

⁸Tuachia ka etleh, ngaiin, sakol daang khat kamu a. Atung a tuangpa min ahihleh sihna ahi, tualeh misikhua in amah ajui a. Tualeh amauh kiangah namsau tawh, kial tawh, sihna tawh, tualeh leitung a gamsate that dingin amauh leitung sehli suah sehkhat piak ahi.

⁹Tualeh chiamtehna ngana aphelzoh in, maitam nuaiah Pasian thu jiak leh a theihpihna apom jiak ua thah a omte kha kamu hi.

¹⁰Tualeh amauh aw ngaihtak in a kikoukhia ua, “Aw Toupa, siangthou leh dik, bangtan ahia leitung a tengte tung a vaihawmlou leh ka sisan phuba uh lalou a na om ding?” achi uhi.

¹¹Tuachi`n amauhte puankang a kipiachiat a, a sila hihpihte uleh a unaute uh amauh mahbang a thah a om dingte ahung kim masiah uh, tomkhat na khawl tadih ding a akiang ua hilh ahi uhi.

¹²Tualeh chiamtehna gukna aphelzoh in, ka en a, ngaiin, jin nasatak in akiling a; tualeh ni pen samul la-ip bangin ahung vomta a, tualeh kha pen sisan bangin ahung omta hi.

¹³Tualeh van aksite pen theikung huihpi hattak in amut a agah puamte apulh bangin leiah akia hi.

¹⁴Tuachi`n van pen laibujial kijialbei bangin amangta a, tualeh mual leh tuikulh gam jousiah a omna ua kipan in suanmang in a omta uhi.

¹⁵Tualeh leitung a lengte, miliante, mihausate, galkap liante, mihatte, silate leh zalente mi jousiah pen lei kawhawm leh mual a suangpite ah a kibuta uhi.

¹⁶Mualte leh suangpite kiangah, “Hung netkhum unla amah laltouna tung a tou-pa maia pat leh Belamnou thangpaihna a pat hungphual un!

¹⁷Ajiak a thangpaihna ni thupi hungtung ahita, kua ahia dingjou ding?” achi uhi.