Read Ȧŋlemrȧnɛ Ȧfu Yɔn 10 Bible Online

Yɔn 10 - Ȧŋlemrȧnɛ Ȧfu bible

Yɔn 10

¹I kanɛ nu tɛntɛnɛ, Wuni o wuni ɔwe te tȧŋ ka kadare ka kawɔrɛ ka talɔmɛ, kɛrɛ ɔ gbep ri rə roŋ dəlɔm, kɔnɔ kati ukei wɔŋ.

²Kɛrɛ ɔwe mə tȧŋ ka kadare ɔ yi ɔtɔl ka talɔmɛ.

³Ɔbumər ɔ kanthɛ kɔ kadare; ɔwa talɔmɛ aŋ təl ȧrim rɔŋ, ɔwa ɔ tela talɔmɛ tɔŋ ka ames maŋ, ɔ wurɔ ŋa rokaŋ.

⁴Bepi ɔ po wurɔ talɔmɛ tɔŋ bɛ-e, ɔ təmȧ ŋa kədi, ɔwa talɔmɛ aŋ tȧŋ kɔ; ȧtesoma-e aŋ tȧrȧ ȧrim rɔŋ.

⁵Aŋ selɔ hɛ tȧŋ wuni tel, kɛrɛ aŋ tə gbukɛ kɔ, kotȧy-e aŋ tȧrȧ hɛ ȧsim ta atik.

⁶Aŋlomɔ aŋe Yisɔsȧŋ ɔ pa ro ŋaŋ; kɛrɛ pə sɔk hɛ ŋa ȧte ɔ pa.

⁷Ka Yisɔsȧŋ ɔ kȧl pa ro ŋaŋ, I kanɛ nu tɛntɛnɛ, Minɛ yi kadare ka talɔmɛ.

⁸Ŋa bɛ aŋa mɔtha mi der aŋ yi akey yi afəm aluk kɛrɛ talɔmɛ aŋ təlȧ hɛ ŋa.

⁹Minɛ yi kadare: bepi wuni o wuni ɔ wɔŋ ka kȧta ka mi-e, ɔ tə kisi, ɔwa ɔ tə wɔŋ, ɔ tə wur, ɔ tə bəp ɛwɔnth.

¹⁰Ukey ɔ der gbo kȧmȧ ɔ keya, ɔ fai, ɔwa ɔ dim talɔmɛ: minɛ i der kȧmȧ aŋ ba aŋesəm, ɔwa kȧmȧ aŋ ba ŋi ɔlay.

¹¹Minɛ yi ɔtɔl təlɔmɛ ufinɔ: ɔtɔl ufinɔ ɔ tə sɔnd aŋesəm ŋɔŋ ta talɔmɛ.

¹²Wuni ɔwe yi uyamɔ, ɔ te yi ɔtɔl, ɔwe te ba talɔmɛ, bepi ɔ nənk kathɔlu ɔ der-e, ɔ tey talɔmɛ, ɔ gbukɛ: ɔwa kathɔlu ɔ tə gbip ŋa, ɔ tə sakthi talɔmɛ.

¹³Ɔyamɔ ɔ tə gbukɛ, pəkasifɛ ɔ yi uyamɔ, tə ba hɛ kɔ tȧy ta talɔmɛ.

¹⁴Minɛ yi ɔtɔl talɔmɛ ufinɔ, i tȧrȧ talɔmɛ ta mi, ɔwa talɔmɛ ta mi aŋ tȧrȧ mi,

¹⁵hali mɔ ɔKas ɔ tȧrȧ mi, ɔwa minɛ i tȧrȧ ɔKas; ka i sɔnd aŋesəm a mi ta talɔmɛ.

¹⁶Ɔwa i ba təlɔmɛ təlɔm, aŋa te yi ka kawɔrɛ ake: ŋaŋ sɔ i ba kəkara, ɔwa aŋ tə təl ȧrim ra mi: ɔwa aŋ tə yi kuthi kin, aŋ tə ba ɔtɔl kin.

¹⁷Tȧsom ɔKas ɔ bɔthər mi, pəkasifɛ i sɔnd aŋesəm a mi, kȧmȧ i kȧl gbasi ŋi.

¹⁸Wuni o wuni ɔ nɔy hɛ mi ŋi, kɛrɛ min minɛnɛ i sɔndnɛ. I ba afɔsɔ tə kəsɔnd ŋi, ka i ba afɔsɔ tə kəkal gbasi ŋi. Aŋyamari aŋe i sɔthɔ kəwur ka ɔKas kȧmi.

¹⁹Ka məgbayanɛ mə yi kətɔŋ ka aŋYuda salata ȧsim ȧte.

²⁰Agbȧthi rɔŋaŋ aŋ pa, Ɔ ba ukərəfi, kɔn pəŋk: kɔyɛŋ mə nə təlȧ kɔ-e?

²¹Alɔm aŋ pa, Ȧsim ȧte tə yi hɛ sim ta wuni ɔwe ba ukərəfi. Ukərəfi ɔ gbəli kanthi ɛfɔr ya aŋfith-i?

²²Ɔwa amet ma kasəməs ȧŋseth ŋa Kuru mə yi ro Yerusalɛm ka ȧŋlɔkɔ ŋa ɔtaŋk.

²³Ka Yisɔsȧŋ ɔ kɔth kɔth ka aŋgbənthəŋ ŋa Sɔlɔmɔn aŋa yi ka ȧŋseth ŋa Kuru.

²⁴Ka aŋYuda aŋ gbətɔ kɔ, kaŋ pa ro ŋɔŋ, To pə ba kəwon mə yɔ ɛmerȧ ɛ su ɛ sɔkanɛ-e? Bepi munɔ yi ɔKraist-e, kanɛ su ti gbafəth.

²⁵Yisɔsȧŋ ɔ lasia ŋa, ɔ pa, I po kanɛ nu, kɛrɛ nə lanɛ hɛ: mȧyɔs ama i yɔ ka ȧŋes ŋa ɔKas kȧmi, mȧ mə gbaki ta ȧtȧ mi.

²⁶Kɛrɛ nə lanɛ hɛ, ȧtesoma-e nə yi hɛ talɔmɛ ta mi.

²⁷Talɔmɛ ta mi aŋ təl ȧrim ra mi, ɔwa aŋ tȧŋ mi, ɔwa i tȧrȧ ŋa:

²⁸ka i sɔŋ ŋa aŋesəm thəbana; ɔwa aŋ ba hɛ kədinɛ thȧnkȧŋ, ɔwa wuni o wuni ɔ gbəli hɛ kathi ŋa ka kȧta kȧmi.

²⁹ƆKas kȧmi ɔwe sɔŋ ŋa ro mi, ɔ yi ubana uthasi bɛ; ɔwa wuni o wuni ɔ gbəli hɛ kathi ŋa ka kȧta ka ɔKas kȧmi.

³⁰Minɛŋ yi ɔKas sə yi ukin.

³¹AŋYuda aŋ kȧl sɔ gbasi məsar tə kələməs kɔ.

³²Yisɔsȧŋ ɔ pa ro ŋaŋ, I po tɔri nu məyɔs məfinɔ məlai ka ɔKas kȧmi; ta apanth areke gbeŋ mə nə ləməs mi məsar-e?

³³AŋYuda aŋ pa, Ta apanth afinɔ sə ləməs hɛ mu məsar, kɛrɛ ta kəŋamnɛ Kuru: ɔwa pəkasifɛ munɔ ma mə yi gbo wuni, mə thunthəranɛ Kuru.

³⁴Yisɔsȧŋ ɔ pa ro ŋaŋ, A gbal hɛ ti ka ȧŋthɔ a nu kəpa, I pa, nə yi turu-i?

³⁵Bepi ɔ bont ŋa turu, ka aŋa ȧrim ra Kuru rə der-e, ɔwa a gbəli hɛ ləsər mȧgbal;

³⁶nə pa ta atɔŋ, ɔwe ɔKas ɔ po səməs, ɔwa ɔ som ka ȧdȧru, Mə ŋamnɛ Kurɔŋ, pəkasifɛ i pa, Minɛ yi ɔWan ka Kuru-i?

³⁷Bepi i yɔ hɛ mȧyɔs ma ɔKas kȧmi, te mi lanɛ.

³⁸Kɛrɛ bepi i yɔ ma-e, hali nə lanɛ hɛ mi, lanɛ nu mȧyɔs: kȧmȧ nə tȧrȧ, ɔwa pə sɔk nu, kəpa ɔKas ɔ yi yi minɛŋ, ɔwa minɛŋ i yi yi ɔKas

³⁹Tiyȧŋ aŋ kȧl thɛns tə kəwop kɔ; kɛrɛ ɔ kathɛ ka mȧta maŋ.

⁴⁰Ka Yisɔsȧŋ ɔ kɔnɛ sɔ ro Yɔrdan mɔri ka ɔdɛr ro Yɔnȧŋ ɔ mɔtha baftays afəm, kɔ yirȧ ri.

⁴¹Ɔwa afəm agbȧthi aŋ der ro ŋɔŋ, kaŋ pa, Yɔnȧŋ ɔ yɔ hɛ amisali, kɛrɛ mȧtȧy bɛ ama Yɔnȧŋ ɔ pa ta ɔlaŋgba ɔwe mə yi tȧteŋ.

⁴²Ka afəm agbȧthi aŋ lanɛ kɔ ri.