Read Ȧŋlemrȧnɛ Ȧfu Yɔn 2 Bible Online

Yɔn 2 - Ȧŋlemrȧnɛ Ȧfu bible

Yɔn 2

¹Ka ȧŋrey aŋa bekȧ məsas-e met ma kənantȧ mə yi ro Kena ake ro Kalili; ɔwa ɔkara ka Yisɔs ɔ yi ri:

²ɔwa a tela Yisɔs sɔ yi aŋkarande ŋɔŋ ka amet ma kanantə.

³Ma mawain mə poŋ-e, ɔkara ka Yisɔs ɔ pa ro ŋɔŋ, Aŋ ba hɛ sɔ məwain.

⁴Ka Yisɔs ɔ pa ro ŋɔŋ, Ya, ko i ba tə kəyɔ yi munɔŋ-e? Ȧŋlɔkɔ a mi aŋ tha bek hɛ.

⁵Ɔkara kɔŋ ɔ pa ka ɛbɔy, Tȧy o tȧy bɛ ȧte ɔ kanɛ nu-e, yɔ ti nu.

⁶Ɔwa a təmər ri ɛbɔl ɛ məsar tamthərukin ta mȧnt, mɔ matanɛ ma aŋYuda mə yi tə kəgbili, abɔl o bɔl aŋ wop ɛkalon kəgba.

⁷Yisɔsȧŋ ɔ pa ka ɛbɔy, Lasər ɛbɔl yi mȧnt. Ka aŋ lasər yi pai.

⁸Ɔ pa ro ŋaŋ, Kus ma, ɔwa kera ma ka ɔbaki ka amet. Kaŋ kera ma.

⁹Ma ɔbaki ka amet ɔ tham ȧmȧnt ama a po səki məwain-e, kɔ te tȧrȧ ro mə wur-e, (kɛrɛ ɛbɔy aŋa kuth maŋ tȧrȧ) ɔ tela ɔnantə ufu, ɔ pa ro ŋɔŋ,

¹⁰Wuni o wuni ɔ tə mɔtha bot mawain məfinɔ rodi ka aŋfəm: ɔwa bepi aŋ po mun haŋ-e, ɔ bot tɛn ama te yi məfinɔ; kɛrɛ munɔ mə po bɛnɛ mawain məfinɔ haŋ ka-ake.

¹¹Aŋe ŋa yi aŋtɔtɔkɔ ka ɛmisali ɛyɛ Yisɔs ɔ yɔ, ɔwa ɔ yɔ ŋi ro Kena ake ro Kalili, ɔ tɔri aŋyiki ŋɔŋ, ɔwa aŋkarande ŋɔŋ aŋ lanɛ kɔ.

¹²Kədarəŋ ka ȧte-e, Yisɔs ɔ thor ro Kepaniyɔm, kɔnɔŋ yi ɔkara kɔŋ, yi aŋwɔnt ŋɔŋ, yi aŋkarande ŋɔŋ: kɛrɛ aŋ yirȧ hɛ ri mərey məgbathi.

¹³Ȧŋlɔkɔ ŋa amet ma kapainɛ ma aŋYuda mə fat, ka Yisɔs ɔ kɔnɛ ro Yerusalɛm.

¹⁴kɔ bəp ka ȧŋseth ŋa Kuru afəm aŋa mə thila təna, təlɔmɛ, yi təpərəm, yi aŋfəm aŋa mə siŋkar ɛkala aŋ yirȧ ri;

¹⁵kɔ bɛmpa rəkɛt rə rəbeŋa, ɔ bȧl ŋa bɛ kəwur ka ȧŋseth ŋa Kuru, talɔmɛ-o yi tana: kɔ sakthi aŋkala ŋa aŋfəm aŋa siŋkar ɛkala, ɔ lȧfthi ɛthebəl yaŋ:

¹⁶ɔwa ka ŋaŋ aŋa thila tapərəm ɔ pa, Wurɔ ɛyɛt ɛye nɔ: te nu səki ȧŋseth ŋa ɔKas kȧmi aseth ŋa kəthila.

¹⁷Aŋkarande ŋɔŋ aŋ kala ȧmerȧ ta ȧtȧ a po gbal kəpa, Aŋfela ŋa ȧŋseth a mu aŋ tə bȧk mi.

¹⁸AŋYuda aŋ yif kɔ, aŋ pa ro ŋɔŋ, Ma mə po yɔ mȧtȧy ame-e, ko misali mȧ mə tɔri su-e?

¹⁹Yisɔsȧŋ ɔ wosa, ɔ pa ro ŋaŋ, Ləsər ȧŋseth ŋa Kuru aŋe, ɔwa rə mərey məsas i ti kȧl təmər ŋi.

²⁰AŋYuda aŋ pa, A ba təren təgba tərəŋ tȧmthərukin ka kȧtəmər ȧŋseth ŋa Kuru aŋe, ɔwa munɔ mə tə gbəli kȧl təmər ŋi rə mərey məsas-i?

²¹Kɛrɛ Yisɔsȧŋ ɔ fɔf ta aŋdɛr ŋɔŋ.

²²Tiyȧŋ ma ɔ kȧl yokanɛ kətɔŋ ka aŋfi-e, aŋkarande ŋɔŋ aŋ kala ȧmerȧ ma ɔ la po fɔf ȧte; ɔwa aŋ lanɛ mȧgbal ma Kuru yi ȧrim ara Yisɔs ɔ pa.

²³Ma ɔ yi ro Yerusalɛm ka amet ma kapainɛ-e, afəm agbȧthi aŋ lanɛ ka ȧŋes ŋɔŋ, maŋ nənk ɛmisali ɛyɛ ɔ po yɔ.

²⁴Kɛrɛ Yisɔsȧŋ kɔn kɔnɔnɛ ɔ sɛlinɛ hɛ ro ŋaŋ, ȧtesoma-e ɔ tȧrȧ afəm bɛ,

²⁵ɔwa ɔ yema hɛ kȧmȧ wuni o wuni ɔ gbaki ta wuni, kotȧy-e kɔn kɔnɔnɛ ɔ tȧrȧ ȧte yi rokor ka wuni kəpet.