Read Ȧŋlemrȧnɛ Ȧfu AŋRomans 10 Bible Online

AŋRomans 10 - Ȧŋlemrȧnɛ Ȧfu bible

AŋRomans 10

¹Awɔnt, aŋfela ŋa ȧŋmerȧ a mi yi kanɛmthɛnɛ kȧmi ka Kuru salata aŋIsrɛl kə yi kȧmȧ aŋ tə kisi.

²kotȧy-e i seri ta ȧtȧ ŋaŋ kəpa aŋ ba afela afey fey ta Kuru Məsaba-əŋ, kɛrɛ pə yi hɛ mɔ kətara tȧy.

³kotȧy-e mɔ mə aŋ te tȧrȧ mȧlompi ma Kuru-e, kɛrɛ aŋ thɛns gbo tə kətəmər mȧlompi maŋ gbeŋ-e, aŋ selɔ hɛ tə kəsanɛ ka mȧlompi ma Kuru.

⁴kotȧy-e Kraystȧŋ kɔnɔ yi ɔthalnɛ wa ȧŋthɔ kȧmȧ mȧlompi mə gbəli yi ta wuni o wuni ɔwe mə lanɛ.

⁵Ȧtesoma-e Mosis ɔ gbal ta salata mȧlompi ama yi ka ȧŋthɔ ɔ pa, Ɔwuni ɔwe mə yɔ mȧlompi mati-e, di kati sɔ ɔ tə sɔthɔ ŋesǝm.

⁶Kɛrɛ mȧlompi ama yi rə kəlanɛ mə pa yaŋ, Te pa ka ȧŋmerȧ a mu, Kanɛ mə ŋat ro riana-e? (pə yi tə kəthora Kraystȧŋ).

⁷Thalɔm, Kanɛ mə thor ka ɔbɔlɔŋ-e? (pə yi mɔ tə kəyɔ Krayst ɔ yokanɛ kətɔŋ ka aŋfi).

⁸Kɛrɛ to mə pa thɔŋ-a? Ȧrim rə fȧti mu, hali ka kȧsəŋ ka mu yi ka ȧŋmerȧ a mu; rə yi mɔlɔ ma ȧrim ra kȧlanɛ ara sə taməs.

⁹kotȧy-e bepi mə gbithanɛ yi kȧsəŋ ka mu kəpa Yisɔs ɔ yi ɔMariki-e, ɔwa mə lanɛ yi ȧŋmerȧ a mu kəpa Kuru ɔ yokas kɔ ka rəfi-e, mə tə kisi.

¹⁰Pəkasifɛ ka ȧŋmerȧ wuni mɔ lanɛ, kɔ sɔthɔ məlompi, yi ka kȧsəŋ mɔ gbithanɛ, kɔ sɔthɔ kəkisi.

¹¹kotȧy-e mȧgbal məsəm mə pa, Wuni o wuni ɔwe mə lanɛ kɔ-e, ɔ gbəli hɛ wɔŋ məlap.

¹²Ȧtesoma-e ɔgbaskɛ ɔ yi hɛ kətɔŋ ka uYuda yi uKrik; kotȧy-e ɔMarki kati gbeŋ kɔnɔ yi ɔMarki ka bɛ-e, ɔwa ɔ yi uyola ta salata afəm bɛ aŋa mə tela kɔ.

¹³Pəkasifɛ wuni o wuni ɔwe mə tela ka ȧŋes ŋa ɔMarki ɔ tə kisi.

¹⁴Kɛrɛ to mə aŋ gbəli ramnɛ ka ɔwe mə aŋ te tha lanɛ-e? Ɔwa to mə aŋ gbəli lanɛ ka ɔwe mə aŋ te tha təla-e? Ɔwa to mə aŋ gbəli təl kəte ba ukawandi-e?

¹⁵Ɔwa to mə aŋ gbəli kawandi thambe a som ŋa-e? Mɔ mə a po gbal, Kəli ɔfinɔ wa ȧtȧtək ta ŋaŋ aŋa mə kȧrȧ sim ta məbɔnɛ ta mȧtȧy məfinɔ.

¹⁶Kɛrɛ afəm bɛ tha ŋa mə su ɛləns ka mapa məfinɔ ma Kuru, kotȧy-e Isaya ɔ pa, ƆMariki kanɛ po lanɛ aŋkanɛ a su-e?

¹⁷Tiyȧŋ kəlanɛ kə wur rə kətəl, yi kətəl rə ȧrim ra Krayst.

¹⁸Ɔwa i yif, aŋ tha la hɛ təl ras-i? Yao, tɛntɛnɛ kotȧy-e, Tafɔf ta aŋsom tə po gbanthɛnɛ ka ȧdȧru bɛ, Yi ȧsim taŋ haŋ ka ɔgbanthir wa ȧdȧru.

¹⁹Ɔwa i kȧl yif sɔ, Isrɛl ɔ la hɛ tara-i? Ka ɔtɔtɔkɔ Mosis ɔ pa, I ti yɔ nu nə tə ba kətut salata ŋaŋ aŋa te la yi abona, Ɔwa yi abona aŋa te la tȧrȧ tȧy i ti bansəs nu.

²⁰Kɛrɛ Aysaya ɔ minthasnɛ tə kəpa ye, Ŋaŋ aŋa te thɛns mi, ŋa fir mi, Ɔwa i po tɔrinɛ do rɔŋaŋ aŋa te yif ta ȧtȧ mi.

²¹Kɛrɛ salata Isrɛl ɔ pa, Pali i thanthi mȧta ma mi ka afəm aŋa te sanɛ-e, yi aŋa ba apɛnsa.