Read Ȧŋlemrȧnɛ Ȧfu AŋRomans 9 Bible Online

AŋRomans 9 - Ȧŋlemrȧnɛ Ȧfu bible

AŋRomans 9

¹I fɔf tȧteŋ rokor ka Krayst, pə yi hɛ rəyem, aŋsɔŋ a mi sɔ aŋ seri ta ti kətȧŋȧnɛ ka ɔYina məsəm

²kəpa i ba ɔnɔsinɛ yi ɔbaŋ ɔbana ka ȧŋmerȧ a mi lɔkɔ o lɔkɔ.

³kotȧy-e i gbəli naŋ fela kȧmȧ min minɛnɛŋ i yi uraŋka kəwur ka Krayst salata aŋwɔnt a mi aŋa yi ka ȧŋbona a mi gbeŋ;

⁴aŋa yi aŋIsrɛl; aŋa ba ȧŋes ŋa aŋwuth ŋa Kuru, yi aŋyiki, yi ɛlemranɛ, yi kasɔŋ ȧŋthɔ, yi kabȧtho ka ȧŋseth ŋa Kuru dɛ yi ɛlahiri.

⁵Ŋa ba aŋkas, ɔwa ŋa ba sɔ ɔKrayst kətȧŋȧnɛ ka rawuni kəpet, ɔwe yi rokɔm ka bɛ, uruba wɔŋ ka Kuru thəbana. Amina.

⁶Pə yi hɛ kəpa ȧrim ra Kuru rə po ləsȧ, kotȧy-e ŋa bɛ thahɔ aŋa yi ka Isrɛl, ŋa mə yi aŋIsrɛl tə tɛntɛnɛ.

⁷Pəkasifɛ pə yi hɛ ŋa bɛ ka rȧkomra ra Ebraham ŋa mə yi aŋwuth ŋɔŋ tə tɛntɛnɛ-e, kɛrɛ aŋlahiri aŋ pa, Ka Aysak a tə bont rȧkomra ra mu.

⁸Pə yi kəpa aŋwuth aŋa mə a kom ka madɛr ŋa tha mə yi aŋwuth ŋa Kuru-e, kɛrɛ a nənk aŋwuth ŋa aŋlahiri tə kəyi mɔ rȧkomra rətɛntɛnɛ-əŋ.

⁹kotȧy-e ȧrim ra aŋlahiri ri are, Ka ȧŋlɔkɔ aŋe ka karen kəlɔm i ti der, ɔwa Sara ɔ yi tə kəkom wath runi.

¹⁰Ɔwa pə yi hɛ gbo yaŋ-e, kɛrɛ rodarəŋ kati ma Rebɛka sɔ ɔ gbasi kor ka ukin, pə yi mɔ-e, ka ɔkas kȧsu Aysakȧŋ,

¹¹hali ma a te tha kom aŋwuth ras-e, ɔwa maŋ te tha yɔ ɔfinɔ thalɔm ɔləs, kȧmȧ mȧselɔ ma Kuru asabu ŋa kathithəs kɔŋ mə gbəli təma-e, pə yi hɛ salata mȧyɔs maŋ, kɛrɛ salata katela kɔŋ;

¹²a tɔri Rebɛka kəpa, Ɔbaki ɔ ba tə kəbatho ɔfɛth.

¹³Mɔ mȧgbal məsəm mə pa, I po bɔthər Yekɔb, kɛrɛ i gbɛŋa Isɔ.

¹⁴To mə sə pa thɔŋ-a? Kuru ɔ ba agbȧy-i? Saki ti.

¹⁵kotȧy-e ɔ pa ka Mosis, I ti ba ȧney ka ɔwe mə i ba ȧney, ɔwa i ti boŋa ɔwe mə i ba kəboŋa.

¹⁶Tiyȧŋ pə yi hɛ ka mȧselɔ ma wuni kəpet, thalɔm ka mȧyɔs mɔŋ, kɛrɛ pə yi ka ȧŋney ŋa Kuru Məsaba.

¹⁷Magbal məsəm mə pa ka Fero, Ta ȧtȧy ȧte gbeŋ tə i po ŋata mu, kȧmȧ i tɔri aŋfɔsɔ a mi rokɔm ka mu dɛ yi kȧmȧ a gbanthɛnɛ ȧŋes a mi ka ȧdȧru bɛ.

¹⁸Tiyȧŋ ɔ tə ba ȧney ka ɔwe ɔ yema ba ȧney, ɔwa ɔwe ɔ yema kəgbolŋas-e, ɔ tə gbolŋas kɔ.

¹⁹Nənsa nə tə pa ro rɔmi, To som Kuru mɔ thɛkɛ wuni ras-e? kotȧy-e kanɛ mə gbəli kasi mȧselɔ mɔŋ-e?

²⁰Gbere, mun wuni kəpet, mun kanɛ ɔwe mə thoŋka yi Kuru-e? Pə yi rəka rəsal rə gbəli pa ka ɔsal, To som mȧ mə sala mi yaŋ-e?

²¹Ɔsal ɔ ba hɛ afɔsɔ ka ɛyɔftha kȧmȧ pə yi rə kəboth kin ɔ gbəli bɛmpa rəka din ara mə yi rəkolo, yi rəka rəlɔm rəyai-i?

²²To pə yi thɔŋ-a, bepi Kuru ma ɔ yema tɔri rabaŋ rɔŋ kȧmȧ a tȧrȧ aŋfɔsɔ ŋɔŋ, ɔ muyu rə kəmuyu kəlele aŋfəm ŋa rabaŋ rɔŋ aŋa a bɛmpa tə kədinɛ;

²³kȧmȧ ɔ tɔri rayola ra aŋyiki ŋɔŋ ka aŋfəm ŋa ȧŋney ŋɔŋ aŋa ɔ bɛmpa thəpaŋ ta ayiki,

²⁴hali saŋ aŋa ɔ po tela kəwur ka aŋYuda son thahɔ, kɛrɛ ka tȧbona təlɔm sɔ.

²⁵Mɔ ɔ poŋ pa ka mȧgbal ma Hosiya, I ti bont ŋa aŋfəm a mi aŋa te la yi aŋfəm a mi, I ti tela kɔ ɔbɔthər kȧmi ɔwe te la yi ubɔthər.

²⁶Ɔwa ka ɔdɛr ro a la pa ro rɔŋaŋ, Nə yi hɛ aŋfəm a mi, Ri gbeŋ a tə bont ŋa aŋwuth ŋa ɔKuru ukəli.

²⁷Ka Isaya ɔ wurɔ rim lɛɔ salata Isrɛl, ɔ pa, Bepi kagbath ka aŋwuth ŋa Isrɛl kə yi mɔ kasənt ka ro baŋ-e, athȧn gbo ŋa mə kisi;

²⁸pəkasifɛ ɔMarki ɔ tə lasər ȧrim rɔŋ ka ȧdȧru, ɔ tə pons ri lɛmp rə kəte kar.

²⁹Ɔwa mɔ Isaya ɔ pa thəpaŋ, Bepi ɔMarki ka aYama ɔ tha tiyȧ hɛ ɔthan ka ȧŋbona a su, Sə tə poŋ naŋ səkɛ mɔ Sɔdɔm yi mɔ Kɔmɔra.

³⁰To mə sə pa thɔŋ ta ti-a? Ta sə pa kəpa tȧbona təlɔm aŋa tə taŋanɛ məlompi aŋ po sɔthɔ ma, pə yi mɔ mȧlompi ama wur ka kȧlanɛ-i?

³¹Kɛrɛ aŋIsrɛl aŋa taŋanɛ mȧlompi ama təmȧ ka anthɔ-e, aŋ gbəli hɛ lasər ȧŋthɔ ŋati.

³²To pə som-e? Pəkasifɛ aŋ thɛns hɛ ŋi kətaŋ ka kȧlanɛ, kɛrɛ ka mȧyɔs ma ȧŋthɔ. Kotȧy-e aŋ pənthbəla ka aŋsar apəth ŋati;

³³mɔ mȧgbal məsəm mə pa hɔ, Kəla, i bot ro Sayɔn ȧsar apəth yi agbalaŋ ŋa mȧputhanɛ; Ɔwa kɔn ɔwe mə lanɛ kɔ-e, ɔ ba hɛ tə kəlap.