Read Ȧŋlemrȧnɛ Ȧfu 1 AŋKɔrenth 13 Bible Online

1 AŋKɔrenth 13 - Ȧŋlemrȧnɛ Ȧfu bible

1 AŋKɔrenth 13

¹Hali i fɔf atənt ta afəm yi amaleka-e, bepi i ba hɛ məbɔthər-e, i səkɛ mɔ akɛm arəmi, thalɔm mɔ adaro.

²Hali i ba aŋfɔsɔ tə kənȧbi-e, ɔwa i sɔthnɛ ɛgbundu dɛ yi kətara tȧy bɛ; ɔwa hali i ba kəlanɛ bɛ haŋ thɔŋ i gbəli tɔŋa təteŋ, bepi i ba hɛ məbɔthər-e, i yi hɛ koko.

³Ɔwa, hali i yer ɛyɛ i ba tə kəwɔnthər ȧŋmɔnɛ, hali i sɔŋ ȧŋdɛr a mi kȧmȧ a thɔy ŋi-e, bepi i ba hɛ məbɔthər-e, tə naŋfas hɛ mi koko.

⁴Məbɔthər mə ba kəmuyu kəlele, mə ba məthɔth, mə ba hɛ kətut; mə gbək hɛ ɛyonka, ɔwa mɔ bondəsnɛ hɛ.

⁵Mȧbɔthər mə yɔ hɛ ȧtȧ te mar wuni, mə yi hɛ mədir, mə yeŋk hɛ bansȧ, mə yikis hɛ tələs;

⁶mə ba hɛ məbɔnɛ salata mȧkənȧ, kɛrɛ mə sel məbɔnɛ salata tȧteŋ.

⁷Mȧbɔthər mə sara mȧtȧy bɛ, mə lanɛ mȧtȧy bɛ, mə gbak ȧmerȧ ta mȧtȧy bɛ, mə muyu mȧtȧy bɛ.

⁸Mȧbɔthər mə thamrɔ hɛ thȧnkȧŋ. Pə yi kənȧbi-o, kə tə thas; pə yi kəfɔf rɛ tənt-o, kə tə thalnɛ; pə yi kətara tay-o, kə tə poŋ.

⁹Ȧtesoma-e, kȧtȧrȧ kȧsu kə yi hɛ kəgbenthis, ɔwa kə yi hɛ kəpons.

¹⁰Kɛrɛ ma ȧtȧy ȧtȧ po gbenthis tə bek-e, ȧtȧ te sa yi təgbenthis tə tə thas.

¹¹Ȧke i yi wath-e, i fɔf mɔ wath, i nanɛ mɔ wath, i tȧmtȧmnɛ mɔ wath; kɛrɛ ma i po tɛŋa-e, i gbapɛ mȧtȧy ma rəfɛth.

¹²Ka-ake sə nənk rə amɛmnɛ pəfəri; kɛrɛ ka ȧŋlɔkɔ ŋati si nəŋkanɛ der yi derȧŋ. Ka-ake i tȧrȧ gbo ɔthan, kɛrɛ ka ȧŋlɔkɔ ŋati i ti tȧrȧ ɔlasər mɔ mȧ a la tȧrȧ mi ɔlolok-e.

¹³Ɔwa kȧlanɛ-o, kȧgbak amera-o, dɛ yi mȧbɔthər-o, mȧtȧy məsas ame maa yi; kɛrɛ mȧbɔthər miȧ tha bondȧ.