Read Ȧŋlemrȧnɛ Ȧfu 1 AŋKɔrenth 4 Bible Online

1 AŋKɔrenth 4 - Ȧŋlemrȧnɛ Ȧfu bible

1 AŋKɔrenth 4

¹Nə yi tə kəkəli su mɔlɔ ma ɛbɔy ya Krayst aŋa mə kɔtha ɛgbundu ya Kuru.

²Be pə yi ti-e, a yema kȧmȧ ɛbɔy aŋ yi afəm abɔthi lanɛ.

³Kɛrɛ ka ȧŋgbȧp a mi-e, tə ba hɛ mi tȧy bepi naŋȧŋ, thalɔm afəm alɔm nə thonkas mi. Minɛ ras i thoŋkasnɛ hɛ mən.

⁴kotȧy-e i tɛ hɛ tȧy o tȧy təməthɛkɛ ka aŋyɛthɛ a mi, kɛrɛ i ba hɛ məmari kətȧŋȧnɛ kati. Ɔwe mə thonkas mi kɔnɔ yi ɔMarki.

⁵Tiyȧŋ te nu thonkas yeŋka ȧŋlɔkɔ aŋ bek, kɛrɛ kar haŋ ɔMarki ɔ der ɔwe ba kəwura gbafəth mȧtȧy məmaŋknɛ ma ȧŋsum dɛ yi kətɔri sɔ ɛnanɛ ya ɛmerȧ. Ka ȧŋlɔkɔ ŋati wuni o wuni ɔ tə sɔthɔ aŋkori kori ŋɔŋ ka Kuru.

⁶Ɔwa, awɔnt, i po gbal mȧtȧy ame salata minɛŋ yi Apɔlɔs ta ȧtȧ nu, kȧmȧ nə thəkəsnɛ salata anthunthəranɛ a su tə kəyi nə ba hɛ kəthas ȧtȧ a po gbal-e, kȧmȧ wuni o wuni kətɔŋ ka nu ɔ te ŋata ukarmɔkɔ ukin kəŋamnɛ ulɔm.

⁷Ȧtesoma-e, kanɛ yɔ mu mə yi ugbaskɛ-e? Ɔwa ko mə ba ara a te mɔtha yer mu-e? Bepi a yer mu ri-e, to pə som mȧ mə kolonɛ-e mɔlɔ ma tə kəpa ye rə yi hɛ aboya-e?

⁸Hali ka-ake nə namra thɔŋ, nə poŋ thɔ sɔthɔ bɛ, nə poŋ thɔ gbəka mɔ abȧy kəte kar su. Ɔwa ta pə yi ti naŋ nə gbəka kȧmȧ saŋ sɔ sə gbəli gbəka yi naŋ.

⁹kotȧy-e i nanɛ Kuru ɔ po ləpsɔ wurɔ saŋ asom rodarəŋ ka aŋlɔm bɛ-e, mɔ afəm aŋa ba tə kəfi. Pəkasifɛ a səki su afəm athais ka ȧdȧru, yi ta amaleka, dɛ yi ta afəm.

¹⁰Sə yi apənk salata Krayst, kɛrɛ naŋ nə yi a tempi rokor ka Krayst; sə yi arȧnt, kɛrɛ naŋ nə yi abȧki mədɛr; naŋ nə ba ayiki, kɛrɛ saŋ sə yi afarkɛ.

¹¹Hali haŋ mɔ yaŋ sə yi saŋ ador dɛ yi rəmun dɛ yi rətiŋ, ka a gbantha su, ɔwa sə ba hɛ ɔyira gbeŋ.

¹²Ka sə thɔrɔ, sə yɔ məpanth yi mȧta ma su; ma a nal su, sə ruba; ma a sɔmpa su, sə muyu;

¹³ma a fofiya su-e, sə nɛmthɛnɛ; a nənk su mɔ ranɔkɔ ra ȧdȧru-e pə yi mɔ ɛka ya amuruŋ haŋ thonɔŋ.

¹⁴I gbal hɛ mȧtȧy ame tə kəlapəs nu-e, kɛrɛ i maŋ nu mɔ awuth a mi abɔthər.

¹⁵kotȧy-e, hali nə ba naŋ akarmɔkɔ ɛwul tɔfɔt ka Kraist-e, nə gbəli hɛ ba akas agbȧthi. Kotȧy-e minɛ i yi ɔkas ka nu ka Krayst Yisɔsȧŋ asabu ŋa mapa məfinɔ ma Kuru.

¹⁶Tiyȧŋ ɔmari nu, yi na ȧtȧnsȧnɛ mi.

¹⁷Te ba ti i som Timɔthi ro rɔnu-e, ɔwe yi ɔwan kȧmi ubɔthər, rɛ yi ubɔthi lanɛ ka ɔMarki, ɔwe ba kəkala ɛmerȧ ɛ nu ka asoŋ ta mi ȧtȧ yi ka Krayst, mɔ mə i thəksa dɛr o dɛr ka aseth o seth aramnɛ.

¹⁸Kɛrɛ alɔm aŋ po ŋatanɛ rə ȧmerȧ, pə yi mɔ i ba hɛ kəder ro rɔnu.

¹⁹Kɛrɛ i ti yeŋk der, bepi ɔMarki ɔ selɔ, ɔwa i ti tȧrȧ aŋfɔsɔ ŋa aŋfəm abonɛ tȧy aŋe, pə yi hɛ gbo adim ra ŋaŋ.

²⁰Ȧtesoma-e, rȧbȧy ra Kuru rə yi hɛ rə rim, kɛrɛ rə yi rə afɔsɔ.

²¹Ko naŋ nə yema gbeŋ-e? Nə yema i der rə kəsɛthɛ-i? Thalɔm rə məbɔthər yi ȧmerȧ athɔfəl-i?