Read Ȧŋlemrȧnɛ Ȧfu 1 AŋKɔrenth 5 Bible Online

1 AŋKɔrenth 5 - Ȧŋlemrȧnɛ Ȧfu bible

1 AŋKɔrenth 5

¹A po pa ti gbafəth kəpa kərəp kə yi kətɔŋ ka nu, kərəp kəwunɔŋ ȧke te yi hali kətɔŋ ka aŋkafri tə kəpa ye ukin ɔ gbasi ɔrani ka ɔkas kɔŋ.

²Halisa nə ŋata ɛmerȧ ɛ nu, be ta nə bok, kȧmȧ nə wurɔ ɔwe po yɔ ȧtȧy ȧte kətɔŋ kȧnu.

³Tə tɛntɛnɛ ma i yi do rɔnu rə amera-e, hali ma i te bəpər dɛ yi naŋ ka madɛr-e, i po thɔŋ gbək salata kɔn ɔwe po yɔ ȧtȧy ȧte, pə yi gbo mɔ i bəpərȧnɛ.

⁴Ma naŋ nə po thoŋklanɛ rɔkin-e, yi ȧŋmerȧ a mi, ka ȧŋes yi aŋfɔsɔ ŋa ɔMarki kȧsu Yisɔs Kraystȧŋ,

⁵nə yi tə kəlaŋkli ɔwuni wunɔŋ ka Sethani tə kədim madɛr kȧmȧ aŋyina ŋɔŋ aŋ kisi ka ȧŋrey ŋa Yisɔs Krayst.

⁶Kakolonɛ ka nu kə thesa hɛ. Nə tɛ hɛ kəpa ɛgbith ɛthan ɛ furəs kaboth bɛ-i?

⁷Wurɔ nu ɛgbith ɛkur-e, kȧmȧ nə yi kəboth kəfu, kotȧy-e tə tɛntɛnɛ nə yi hɛ tə kəba ɛgbith. Kotȧy-e, Kraystȧŋ, kalɔmɛ kəfɛth ka ɔpainɛ-e, a po yɔ kɔ asathka ta ȧtȧ su.

⁸Tiyȧŋ ta sə bɛnɛ amet, pə yi hɛ rə ɛgbith ɛkur, thalɔm yi ɛgbith ya məgbɛŋanɛ, yi mələs, kɛrɛ rə kabo kəte ba ɛgbith ka ȧmerȧ ȧferȧ yi tȧteŋ.

⁹I po gbalər nu ka ȧŋreka a mi tə kəte kulunɛ ka afəm arəpi.

¹⁰Kɛrɛ i lei hɛ aŋfəm arəpi ŋa ȧdȧru are, ta a pa ras ŋaŋ aŋa ba ɛfɔr ɛyamari, thalɔm aŋkey aluk-e, thalɔm ŋaŋ aŋa mə ramnɛ ɛyɛt ɛbumərnɛ; bepi pə yi yaŋ-e, thambe nə wur ka ȧdȧru.

¹¹Kɛrɛ i gbalər nu tə kəte kulunɛ ka wuni ɔwe a bont uwɔnt ka kȧlanɛ bepi ɔ yi wuni ɔwe mə yɔ kərəp, thalɔm ɔ ba ɛfɔr ɛmara, thalɔm ɔ ramnɛ ɛyɛt ɛbumərnɛ, ɔwa bepi ɔ nal-e, bepi ɔ tis-e, thalɔm bepi ɔ yɔ kansoŋ; nə yi hɛ ras tə kədi yi ɔwuni wunɔŋ.

¹²Mȧpanth ma mi thahɔ tə kəthoŋkas ante lanɛ. Pə yi hɛ aŋgbɛthɛŋ a nu tə kərɔk ɛpa ya ŋaŋ aŋa yi rokor ka aŋchɔch-i?

¹³Kuru kɔnɔ mə rɔk ɛpa ya ante lanɛ. Tiyȧŋ wurɔ nu ɔwuni ləs kati kətɔŋ ka nu.