Read Ȧŋlemrȧnɛ Ȧfu AŋKɔlɔsi 3 Bible Online

AŋKɔlɔsi 3 - Ȧŋlemrȧnɛ Ȧfu bible

AŋKɔlɔsi 3

¹Tiyȧŋ bepi a po yokas nu yi Kraystȧŋ, thɛns mȧtȧy ama yi rokɔm, ro Krayst ɔ yirȧ ka kȧdiyɔ ka Kuru.

²Bot ɛmerȧ ɛ nu ka mȧtȧy ama yi rokɔm, pə yi hɛ ka mȧtȧy ma nɔru.

³kotȧy-e naŋ nə po thɔŋ fi, ka ɛŋesəm ɛ nu ɛ po maŋknɛ rokor ka Krayst ka Kurɔŋ.

⁴Ma Krayst ɔwe yi aŋesəm a su ɔ tɔrinɛ, ka ȧŋlɔkɔ ŋati naŋ sɔ nə tə tɔrinɛ dɛ yi kɔn ka ayiki.

⁵Tiyȧŋ dif nu mafela ma ȧdȧru, pə yi mɔ-e kȧrəp-o, mȧnɔkɔ-o, ɛnanɛ ɛyifas-o, mȧfela mələs-o, dɛ yi ɛfɔr ɛmara ɛyɛ yi mɔ kȧbatho ɛrɔŋ.

⁶Salata mȧyɔs məwunɔŋ, rabaŋ ra Kuru rə fumpər aŋwuth ȧthȧnthonɛ.

⁷Ɔwa naŋ sɔ nə sa kɔth kəyɔ ma, ma nə la yirȧ kətɔŋ ka mȧtȧy mati ame;

⁸kɛrɛ ka-ake gbapɛ nu mȧyɔs ame bɛ; rȧbaŋ-o, kȧbansa-o, ɛnanɛ ɛləs-o, kȧfɔf ȧŋes ŋa Kuru yȧ yay-o, yi ɛfɔf ɛnɔkɔ kəwur ka tasəŋ ta nu.

⁹Te nu yemsanɛ, ma nə po bus ɔwuni kur yi mȧyɔs mɔŋ,

¹⁰ɔwa nə po wɔŋ ɔwuni fu, ɔwe a səki ufu rə kətara tȧy kətȧŋȧnɛ ka mȧbȧlȧnɛ ma ɔTəpi;

¹¹ro Akrik thalɔm uYuda ɔ yi hɛ, ta a pa ras kȧbirons yi kəte birons, wuni tel-o, ɔwe te tȧrȧ teko-o, utar thalɔm uwankom; kɛrɛ Krayst ɔ yi koko bɛ, ɔwa ɔ kȧl yi rokor ka koko bɛ.

¹²Te ba ti, mɔ anthith ŋa Kuru, asəm dɛ yi abɔthər-e, wɔŋ nu ȧŋmerȧ ŋa ȧney, məthɔth, ȧmerȧ athoranɛ, athɔfəl, dɛ yi kəmuyu kəwoni.

¹³Muyusanɛ nu, ɔwa bepi wuni o wuni ɔ ba apa yi ulɔm, tera kɔ nu, mɔ mə Krayst ɔ po tera nu.

¹⁴Ɔwa rokɔm ka mȧtȧy ame bɛ, wɔŋ məbɔthər ama yi mɔlɔ ma rasekəranɛ ra ȧmerȧ agbenthis.

¹⁵Yɔ nu kȧmȧ mathɔfəl ma Kuru mə gbəka ka ɛmerȧ ɛ nu, ta ama a po tela nu rokor ka ȧŋdɛr ŋɔŋ; ɔwa sɔŋ nu mɔmɔ.

¹⁶Yɔ nu kȧmȧ ȧrim ra Krayst rə bȧkər ka ɛmerȧ ɛ nu, mɔ rəka rəkɛŋ. Thəksanɛ nu, ɔwa maŋanɛ nu ka ȧŋSams yi məleŋ ma ro Yina məgbaskɛ gbaskɛ, ɔwa lensir nu ɔMarki rə aboŋa ka ɛmerȧ ɛ nu.

¹⁷Ɔwa koko bɛ mȧ nə yɔ, pə yi rə məpa thalɔm rə məyɔs, yɔ ti nu ka ȧŋes ŋa ɔMarki Yisɔs, dɛ yi kəsɔŋ mɔmɔ ka Kuru ɔKas kətaŋ do rɔŋɔŋ.

¹⁸Naŋ arani, sanɛ nu ka aŋwos a nu, mɔ mə pə mar ŋaŋ aŋa lanɛ ɔMarki.

¹⁹Nia awos, bɔthər nu aŋrani a nu, ɔwa te nu ba ȧmerȧ aroŋkəth kəŋamnɛ ŋa.

²⁰Nia afɛth, sanɛ nu ka ŋaŋ aŋa kom nu rə tȧy o tȧy; kotȧy-e ȧte tə bɔnɛs ɔMarki.

²¹Akas, te nu bansəs aŋwuth a nu, ta thani nə rantəs ɛmerȧ yaŋ.

²²Naŋ ɛbɔy, wop nu ȧrim o rim ra ŋaŋ aŋa ba nu ka ȧdȧru are; ta pə te yi rə kəyɔr gbo mɔ ŋaŋ aŋa yema gbo thesanɛ afəm, kɛrɛ rə ȧmerȧ ȧferȧ, ka ranes ra Kuru.

²³Pə yi nə yɔ tȧy o tȧy, yɔ ti nu asɔbɛ sɔbɛ, mɔ mə nə yɔ ti salata ɔMarki, pə yi hɛ ta afəm a kəpet.

²⁴Pəkasifɛ nə tȧrȧ kəyi nə tə sɔthɔ akɛŋ ro riyana, mɔ ȧrȧm kəwur ka ɔMarki; kotȧy-e nə yɔna ɔMarki Yisɔs.

²⁵Kɛrɛ ɔwe po yɔ tələs-e, a tə kala kɔ ta taləs tati, ɔwa Kuru ɔ ba hɛ agbȧy hali.