Read Ȧŋlemrȧnɛ Ȧfu 1 AŋThɛsȧlonika 1 Bible Online

1 AŋThɛsȧlonika 1 - Ȧŋlemrȧnɛ Ȧfu bible

1 AŋThɛsȧlonika 1

¹Pɔl, Silfenɔs yi Timɔthi-əŋ, ka aŋchɔch ro Thɛsalonika aŋa yi ka Kuru ɔKas yi ka ɔMarki kȧsu Yisɔs Kraystȧŋ; ta aboŋa aŋ yi nu kəwur ka Kuru ɔKas kȧsu, yi ka ɔMarki dɛ yi ka Yisɔs Kraystȧŋ.

²Sə mɔmɔ Kuru lɔkɔ o lɔkɔ ta ȧtȧ nu bɛ ka taramnɛ ta su.

³Sə kala ȧmerȧ alɔkɔ bɛ ta mapanth ma kȧlanɛ ka nu dɛ yi mȧyɔs ma məbɔthər-e, dɛ yi kamuyu ka kagbak ka nu ȧmerȧ ka ɔMarki kȧsu Yisɔs Krayst, rodi ka Kuru ɔKas kȧsu;

⁴ma sə poŋ tȧrȧ, awɔnt abɔthər, kəpa Kuru ɔ po thith nu.

⁵kotȧy-e ȧkɛra kəfinɔ kȧsu kə derər hɛ nu rə sim gbo, kɛrɛ ka aŋfɔsɔ sɔ-e, dɛ yi ka ɔYina məsəm, kəte ba asikɛ bɛ. Fɔtha ma sə yi dɛ yi naŋ-e, nə tȧrȧ ko afəm sə yi ka ȧŋgbȧp a nu.

⁶Ɔwa nə təp kəsanɛ su dɛ yi ɔMarki, ma nə po malanɛ ȧrim ra ȧkɛra rə asɔmpanɛ ȧbana, rɛ mabɔnɛ ma ɔYina məsəm;

⁷haŋ nə səkɛ amɔl ta ȧtȧ ŋaŋ bɛ aŋa lanɛ ro Masidonia yi ro Akaya.

⁸kotȧy-e pə yi hɛ gbo ro Masidonia yi ro Akaya nə taməs ȧrim ra ɔMarki, kɛrɛ kȧlanɛ ka nu ka Kuru kə poŋ gbanthanɛ dɛr o dɛr; tiyȧŋ sə ba hɛ sɔ kəfɔf koko.

⁹kotȧy-e ŋaŋ gbeŋ aŋ seri ta ȧtȧ su-e, kaŋ tɔri to naŋ nə malanɛ su-e, ɔwa to nə lafthɛ ka Kuru kəwur ka ɛrɔŋ tə kəbatho ɔKuru ukəli utəteŋ,

¹⁰dɛ yi tə kəkar ɔWan kɔŋ kəwur ro riana-e, ɔwe ɔ po yokas ka rafi, pə yi mɔ-e Yisɔs ɔwe po kisis su ka rabaŋ ara ba kəder.